Health Tips: ನಿಮ್ಮ ಪಾದಗಳಲ್ಲಿ ಜುಮ್ಮೆನಿಸುವಿಕೆಯ ಅನುಭವವಾಗುತ್ತಿದೆಯಾ? ಕಾರಣಗಳು ಇಲ್ಲಿವೆ

ನಿಮ್ಮ ದೇಹದ(Human Body)ಪ್ರತಿಯೊಂದು ಭಾಗವನ್ನು ತಲುಪುವಂತಹ ನರಗಳು ನಿಮ್ಮ ಪಾದದಲ್ಲಿದೆ. ಆದರಿಂದ ಪಾದಗಳು ದೇಹದ ಆರೋಗ್ಯಕ್ಕೆ ಸಂಬಂಧಪಟ್ಟಂತೆ ಪ್ರಮುಖ ಪಾತ್ರ ವಹಿಸುತ್ತದೆ. ಕೆಲವೊಮ್ಮೆ, ನಿಮ್ಮ ದೇಹವು ಕೆಲವು ಜೀವಸತ್ವಗಳ ಕೊರತೆಯಿಂದಾಗಿ ಪಾದಗಳಲ್ಲಿ ಜುಮ್ಮೆನ್ನುವ ಲಕ್ಷಣಗಳು ಕಂಡುಬರಬಹುದು. ಅದರಿಂದ ಇಂತಹ ಸಮಸ್ಯೆಗಳನ್ನು ಚಿಕ್ಕದೆಂದು ನಿರ್ಲಕ್ಷಿಸದಿರಿ. ಈ ಕೆಳಗಿನ ಸಲಹೆಗಳನ್ನು ಪಾಲಿಸಿ.

ನಿಮ್ಮ ದೇಹದಲ್ಲಿನ ಕೆಲವೊಂದು ವಿಟಮಿನ್ ಗಳ ಕೊರತೆಯಿಂದಾಗಿ ಪಾದಗಳಲ್ಲಿ ಜುಮ್ಮೆನಿಸುವಿಕೆಗೆ ಕಾರಣವಾಗಬಹುದು ಎಂದು ಪೌಷ್ಟಿಕತಜ್ಞರಾದ ನ್ಮಾಮಿ ಅಗರ್ವಾಲ್ ಹೇಳುತ್ತಾರೆ.

ಸಾಮಾನ್ಯವಾಗಿ ತುಂಬಾ ಹೊತ್ತು ಕುಳಿತುಕೊಳ್ಳುವುದರಿಂದ ಇಂತಹ ಸಮಸ್ಯೆಗಳು ಕಂಡುಬರುತ್ತದೆ. ಇದರ ಹೊರತಾಗಿಯೂ ಇತರ ಕೆಲವು ಕಾರಣಗಳು ಇಲ್ಲಿವೆ.

1) ವಿಟಮಿನ್ ಬಿ 12:

ವಿಟಮಿನ್ ಬಿ 12 ನಿಮ್ಮ ನರಗಳ ಸರಿಯಾದ ಕಾರ್ಯನಿರ್ವಹಣೆಗೆ ಇದು ಅತ್ಯಗತ್ಯ. ಆದಾಗ್ಯೂ, ನಿಮ್ಮ ದೇಹದಲ್ಲಿ ವಿಟಮಿನ್ ಬಿ 12 ಕೊರತೆಯಿದ್ದರೆ, ನರಗಳು ದುರ್ಬಲಗೊಳ್ಳುತ್ತವೆ ಮತ್ತು ಜುಮ್ಮೆನಿಸುವಿಕೆ ಸಂವೇದನೆಗಳಿಗೆ ಕಾರಣವಾಗಬಹುದು.

2) ವಿಟಮಿನ್ ಬಿ6:

ವಿಟಮಿನ್ ಬಿ6ಗಳು ನರಮಂಡಲವು ಸರಿಯಾಗಿ ಕಾರ್ಯನಿರ್ವಹಿಸಲು ಸಹಾಯ ಮಾಡುತ್ತದೆ. ಇದು ನರಗಳನ್ನು ಉತ್ತೇಜಿಸುವಲ್ಲಿ ಪಾತ್ರವನ್ನು ವಹಿಸುತ್ತದೆ. ಆದ್ದರಿಂದ ನಿಮ್ಮ ದೇಹದಲ್ಲಿ ವಿಟಮಿನ್ ಬಿ6 ಕಡಿಮೆಯಾಗದಂತೆ ನೋಡಿಕೊಳ್ಳಿ.

3) ಥೈರಾಯ್ಡ್ ತಪಾಸಣೆ:

ಈ ಜುಮ್ಮೆನಿಸುವಿಕೆ ಸಂವೇದನೆ ಸೇರಿದಂತೆ ವಿವಿಧ ರೋಗಲಕ್ಷಣಗಳಿಗೆ ಥೈರಾಯ್ಡ್ ತಪಾಸಣೆ ಕೂಡ ಕಾರಣವಾಗಿದೆ ಒಂದು ಕಾರಣವಾಗಿದೆ ಎಂದು ಹೇಳುತ್ತಾರೆ.

4) ಸಕ್ಕರೆಯ ಮಟ್ಟ:

ನಿಮ್ಮ ದೇಹದ ಸಕ್ಕರೆ ಮಟ್ಟಗಳು ಸಹ ಈ ಸ್ಥಿತಿಗೆ ಕಾರಣವಾಗಬಹುದು. ಏರಿಳಿತದ ಸಕ್ಕರೆ ಮಟ್ಟವು ನಿಮ್ಮ ನರಮಂಡಲದ ಮೇಲೆ ಪರಿಣಾಮ ಬೀರಬಹುದು, ವಿಶೇಷವಾಗಿ ನಿಮ್ಮ ಕಾಲುಗಳು ಮತ್ತು ಪಾದಗಳು. ಹೆಚ್ಚುವರಿ ಸಕ್ಕರೆಯ ಮಟ್ಟ ಜುಮ್ಮೆನಿಸುವಿಕೆಗೆ ಕಾರಣವಾಗಬಹುದು.

ಇದನ್ನು ಓದಿ: ಮಧ್ಯಾಹ್ನದ ಒಂದು ಸಣ್ಣ ನಿದ್ರೆ ಆರೋಗ್ಯಕ್ಕೆ ಪ್ರಯೋಜನಕಾರಿಯೇ? ಇಲ್ಲವೇ?

5) ನಿರ್ಜಲೀಕರಣ:

ನಿರ್ಜಲೀಕರಣ (ನೀರಿನ ಕೊರತೆ ) ಎಂಬುದು ದೇಹದಲ್ಲಿನ ದ್ರವಾಂಶದ ಕೊರತೆ. ನಿಮ್ಮ ದೇಹವು ನಿರ್ಜಲೀಕರಣಗೊಂಡಾಗ, ಅದು ನಿಮ್ಮ ದೇಹದ ಪ್ರತಿ ದಿನದ ಚಟುವಟಿಕೆಗಳಲ್ಲಿ ವಿವಿಧ ರೀತಿಯಲ್ಲಿ ಪರಿಣಾಮ ಬೀರಬಹುದು. ನಿರ್ಜಲೀಕರಣವು ಸೋಡಿಯಂ ಮಟ್ಟದಲ್ಲಿ ಇಳಿಕೆಗೆ ಕಾರಣವಾಗಬಹುದು, ಇದು ಜುಮ್ಮೆನಿಸುವಿಕೆ ಸಂವೇದನೆಗೆ ಕಾರಣವಾಗಬಹುದು.

ಆರೋಗ್ಯಕ್ಕೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ: