ಲೈಟ್ ಆನ್​ ಮಾಡ್ಕೊಂಡು ಮಲಗ್ತೀರಾ? ಈ ಆರೋಗ್ಯ ಸಮಸ್ಯೆಗಳು ನಿಮ್ಮನ್ನು ಕಾಡಬಹುದು

ಕತ್ತಲಲ್ಲಿ ಮಲಗುವುದೆಂದರೆ ಕೆಲವರಿಗೆ ಭಯ, ಇನ್ನೂ ಕೆಲವರಿಗೆ ನಿದ್ರೆ ಬರುವುದಿಲ್ಲ ಹಾಗಾಗಿ ರಾತ್ರಿಯೆಲ್ಲಾ ರೂಮಿನ್ ಲೈಟ್ ಆನ್ ಮಾಡಿಯೇ ಮಲಗುತ್ತಾರೆ. ನಾರ್ಥ್​ವೆಸ್ಟರ್ನ್​ ಮೆಡಿಸಿನ್ ನಡೆಸಿರುವ ಅಧ್ಯನವೊಂದರಲ್ಲಿ ರಾತ್ರಿ ಲೈಟ್ ಹಾಕಿಕೊಂಡು ಮಲಗುವ 63-84 ವರ್ಷದವರಲ್ಲಿ ಒಬೆಸಿಟಿ, ರಕ್ತದೊತ್ತಡ, ಹಾಗೂ ಮಧುಮೇಹ ಹೆಚ್ಚು ಕಂಡುಬಂದಿದೆ.

ಕೈಯಲ್ಲಿ ಕಟ್ಟಿಕೊಳ್ಳುವಂತಹ ಡಿವೈಸ್ ಮೂಲಕ 7 ದಿನಗಳ ಕಾಲ ಟ್ರ್ಯಾಕ್ ಮಾಡಲಾಗಿದೆ. ಇದು ನೈಜ ಅಧ್ಯಯನವಾಗಿದ್ದು ರಾತ್ರಿಯಲ್ಲಿ ಯಾವುದೇ ಬೆಳಕಿಗೆ ದೇಹವೊಡ್ಡುವುದು ಸ್ಥೂಲಕಾಯತೆ, ಅಧಿಕ ರಕ್ತದೊತ್ತಡ ಮತ್ತು ವಯಸ್ಸಾದವರಲ್ಲಿ ಮಧುಮೇಹವನ್ನುಂಟುಮಾಡುತ್ತದೆ ಎಂಬುದು ಜೂನ್ 22 ರಂದು SLEEP ಜರ್ನಲ್​ನಲ್ಲಿ ಪ್ರಕಟವಾಗಿದೆ.

ಅತಿಯಾದ ಸ್ಮಾರ್ಟ್​ಫೋನ್ ಬಳಕೆ, ಇಡೀ ರಾತ್ರಿ ಟಿವಿ ನೋಡುವುದು, ಮಾಲಿನ್ಯವೂ ಕೆಲವು ಕಾಯಿಲೆಗಳಿಗೆ ಕಾರಣವಾಗುತ್ತದೆ. ವೃದ್ಧರು ಈಗಾಗಲೇ ಮಧುಮೇಹ, ಹೃದಯ ಸಂಬಂಧಿ ಕಾಯಿಲೆಗಳಿಂದ ಬಳಲುತ್ತಿದ್ದಾರೆ. 552 ಮಂದಿಯನ್ನು ಅಧ್ಯಯನಕ್ಕೆ ಒಳಪಡಿಸಲಾಗಿತ್ತು. ಅವರನ್ನು ದಿನದಲ್ಲಿ 5 ಗಂಟೆಗಳ ಕಾಲ ಕತ್ತಲೆಯಲ್ಲಿ ಇರಿಸಲಾಗಿತ್ತು. ಇನ್ನೂ ಕೆಲವು ಮಂದಿಯನ್ನು ದಿನದ ಐದು ಗಂಟೆ ಬೆಳಕಿನಲ್ಲಿರಿಸಲಾಗಿತ್ತು.

ಲೈಟ್ ಹಾಕಿಕೊಂಡು ಮಲಗುವವರು ಮಧುಮೇಹ, ರಕ್ತದೊತ್ತಡ, ಹೈಪರ್​ಟೆನ್ಷನ್, ನಿದ್ರಾಹೀನತೆ ಸಮಸ್ಯೆ ಎದುರಿಸುತ್ತಿರುವುದು ಕಂಡುಬಂದಿದೆ. ಸಾಮಾನ್ಯವಾಗಿ ರಾತ್ರಿ ಪದೇ ಪದೇ ಬಾತ್​ರೂಂಗೆ ತೆರಳಬೇಕಾಗಿರುವವರು ಲೈಟ್ ಅನ್ನು ಆನ್​ ಮಾಡಿಟ್ಟಿರುತ್ತಾರೆ. ನಿದ್ರೆ ಮಾಡುವ ಸಮಯದಲ್ಲಿ ಆದಷ್ಟು ಬೆಳಕನ್ನು ಅವಾಯ್ಡ್​ ಮಾಡಿ.

ಒಂದೊಮ್ಮೆ ನಿಮಗೆ ಲೈಟ್ ಹಾಕಿ ಮಲಗದಿದ್ದರೆ ನಿದ್ರೆ ಬರುವುದಿಲ್ಲ ಅಂದಾದರೆ ಡಿಮ್ ಲೈಟ್ ಬಳಕೆ ಮಾಡಿ. ಬಿಳಿ ಅಥವಾ ನೀಲಿ ಲೈಟ್ ಬಳಕೆ ಮಾಡುವ ಬದಲು ಆರೆಂಜ್, ಕೆಂಪು ಲೈಟ್ ಬಳಸಿ.

ಈ ಲೇಖನವು ಟಿವಿ9ನ ಅಧಿಕೃತ ಮಾಹಿತಿಯಾಗಿರುವುದಿಲ್ಲ, ಸಾಮಾನ್ಯ ಮಾಹಿತಿಯನ್ನು ಆಧರಿಸಿರುತ್ತದೆ.