ಸಾಕುಪ್ರಾಣಿಗಳ ಆರೋಗ್ಯ,ಕರುಳಿನ ಹುಳುಗಳಂತಹ ಸಮಸ್ಯೆಗೆ ಇಲ್ಲಿದೆ ವೈದ್ಯರ ಸಲಹೆ ಸೂಚನೆಗಳು

ನಿಮ್ಮ ಮನೆಯಲ್ಲಿ ಸಾಕಿರುವ ಸಾಕುಪ್ರಾಣಿಗಳು ಸಾಕಷ್ಟು ತೂಕವನ್ನು ಕಳೆದುಕೊಂಡಿದ್ದೇಯೇ..? ಆಹಾರ ಸೇವನೆಯಲ್ಲಿ ಹಿಂಜರಿಯುತ್ತಿದ್ದೆಯೇ..?ನಿಮ್ಮ ನಾಯಿಯ ಒಸಡುಗಳು, ಕಣ್ಣುಗಳು ಮತ್ತು ಹೊಟ್ಟೆಯು ಆರೋಗ್ಯಕರ ಗುಲಾಬಿ ಬಣ್ಣದ್ದಾಗಿದೆಯೇ ಅಥವಾ ಬಿಳಿ ಅಥವಾ ಹಳದಿ ಬಣ್ಣದ್ದಾಗಿದೆಯೇ? ಇಂತಹ ಸಮಸ್ಯೆಗಳಿಂದ ಬಳಲುತ್ತಿದ್ದರೆ ಇಲ್ಲಿದೆ ಸಾಕುಪ್ರಾಣಿಗಳ ಆರೋಗ್ಯ,ಕರುಳಿನ ಹುಳುಗಳಂತಹ ಸಮಸ್ಯೆಗೆ ವೈದ್ಯರ ಸಲಹೆ ಸೂಚನೆಗಳು .

ಮನೆಯಲ್ಲಿ ಸಾಕು ಪ್ರಾಣಿಗಳಿದ್ದರೆ ಅದರಿಂದ ಬಹಳ ಉಪಯೋಗಗಳಿವೆ ಎನ್ನುತ್ತವೆ ಸಂಶೋಧನೆಗಳು. ಆರೋಗ್ಯ, ಮಾನಸಿಕ ನೆಮ್ಮದಿ ಎಲ್ಲವನ್ನು ಮನೆಯಲ್ಲಿನ ಸಾಕು ಪ್ರಾಣಿಗಳು ಸುಧಾರಿಸುತ್ತವಂತೆ. ಇತ್ತೀಚಿಗಿನ ದಿನಗಳಲ್ಲಿ ಮನೆಯಲ್ಲಿ ಸಾಕು ಪ್ರಾಣಿಗಳನ್ನು ಸಾಕುವುದು ಒಂದು ಜವಾಬ್ದಾರಿಯುತ ಕೆಲಸವಾಗಿದೆ. ಅದರಲ್ಲೂ ಸಿಟಿ ಲೈಫ್‌ನಲ್ಲಿ ಸಾಕು ಪ್ರಾಣಿಗಳ ಬಗ್ಗೆ ಅತಿಯಾದ ಕೇರ್‌ ತೆಗೆದುಕೊಳ್ಳುವುದು ಅನಿವಾರ್ಯ.

ನಿಮ್ಮ ನಾಯಿ ರಕ್ತಹೀನತೆ ಅಥವಾ ಕಡಿಮೆ ಕಬ್ಬಿಣಾಂಶದಿಂದ ಬಳಲುತ್ತಿರಬಹುದು. ನಾಯಿಗಳಲ್ಲಿ ಕಬ್ಬಿಣಾಂಶದ ಕೊರತೆಯು ವಿವಿಧ ಆರೋಗ್ಯ ಪರಿಸ್ಥಿತಿಗಳಿಂದ ಕರುಳಿನ ಹುಳುಗಳು, ಅಪೌಷ್ಟಿಕತೆ, ಬ್ಯಾಕ್ಟೀರಿಯಾ ಅಥವಾ ವೈರಲ್ ಸೋಂಕುಗಳಿಂದ ನಾಯಿಗಳಲ್ಲಿ ಥೈರಾಯ್ಡ್ ಸಮಸ್ಯೆಗಳು, ಕ್ಯಾನ್ಸರ್ ಗೆ ಕಾರಣವಾಗಬಹುದು. ಹೆಚ್ಚಿನ ತೊಡಕುಗಳನ್ನು ತಡೆಗಟ್ಟಲು ತಕ್ಷಣ ಕಡ್ಡಾಯ ಪರೀಕ್ಷೆಗಳನ್ನು ಮಾಡಬೇಕು.

ನಾಯಿಗಳಲ್ಲಿ ಕಬ್ಬಿಣದ ಕೊರತೆಯ ಕಾರಣಗಳು ಮತ್ತು ಅದನ್ನು ಹೇಗೆ ತಪ್ಪಿಸುವುದು ಎಂಬುದರ ಕುರಿತು ಡಾ.ಗಾಂಧಿ ಪೆಟ್ ಹಾಸ್ಪಿಟಲ್ ನ ನಿರ್ದೇಶಕ,ಡಾ.ನರೇಂದ್ರ ಗಾಂಧಿ, ಎಚ್‌ಟಿ ಡಿಜಿಟಲ್‌ನೊಂದಿಗೆ ದೂರವಾಣಿ ಸಂಭಾಷಣೆಯಲ್ಲಿ ಮಾತನಾಡಿದರು.

ನಾಯಿಮರಿಗಳು ಅಥವಾ ಚಿಕ್ಕ ನಾಯಿಗಳಲ್ಲಿ ಕಬ್ಬಿಣದ ಕೊರತೆಯ ಕಾರಣಗಳು “ನಾಯಿಯು ಚಿಕ್ಕದಾಗಿದ್ದರೆ, ಮೊದಲ ಅನುಮಾನವೆಂದರೆ ಕರುಳಿನ ಹುಳುಗಳು ಅಥವಾ ಪರಾವಲಂಬಿ ಸೋಂಕು ಎಂದು ಕರೆಯುತ್ತೇವೆ. ಅವು ಯಾವಾಗಲೂ ದೇಹದಲ್ಲಿನ ರಕ್ತದ ಅಂಶ ಕಡಿಮೆಯಾಗಲು ಪ್ರಮುಖ ಕಾರಣವಾಗಿದೆ. ಇದು ವೈದ್ಯಕೀಯವಾಗಿ ಕಬ್ಬಿಣಾಂಶದ ನಷ್ಟಕ್ಕೆ ಕಾರಣವಾಗುತ್ತದೆ. ಕಳಪೆ ಮಟ್ಟದ ಪೋಷಣೆ ಕೂಡ ಒಂದು ಕಾರಣವಾಗಬಹುದು. ಯಾವುದೇ ಸಾಕುಪ್ರಾಣಿಗಳು ಅಪೌಷ್ಟಿಕತೆಯಿಂದ ಕೂಡಿದ್ದರೆ ಮತ್ತು ಸರಿಯಾದ ಆಹಾರವನ್ನು ನೀಡದಿದ್ದಲ್ಲಿ ಅವರು ನಿರಂತರ ರೀತಿಯ ರಕ್ತಹೀನತೆಯನ್ನು ಹೊಂದಿರುತ್ತದೆ ಮತ್ತು ಇದು ಜಠರಗರುಳಿನ ವೈರಸ್ ಮತ್ತು ಬ್ಯಾಕ್ಟೀರಿಯಾದಿಂದ ಉಂಟಾಗುವ ಇತರ ಸಾಂಕ್ರಾಮಿಕ ರೋಗಗಳಿಗೂ ಕಾರಣವಾಗುತ್ತದೆ ಎಂಬುದು ವೈದ್ಯರ ಅಭಿಪ್ರಾಯ.

Published On - 3:47 pm, Thu, 20 October 22