Protein food: ಸಸ್ಯಹಾರಿಗಳಿಗಾಗಿ ಈ 3 ಅತ್ಯುತ್ತಮ ಸಸ್ಯ-ಆಧಾರಿತ ಪ್ರೋಟಿನ್ ಆಹಾರ

ಸಸ್ಯಾಹಾರಿ ಪ್ರೋಟಿನ್ ಮೂಲಗಳು ಸಂಪೂರ್ಣವಾಗಿ ಆರೋಗ್ಯಕರವಾದವುಗಳಾಗಿವೆ ಕಳೆದ ಕೆಲವು ವರ್ಷಗಳಿಂದ ಜಗತ್ತು ಆಹಾರ ಪದ್ಧತಿಯಲ್ಲಿ ಮಹತ್ವದ ಬದಲಾವಣೆಗೆ ಸಾಕ್ಷಿಯಾಗುತ್ತಿರುವುದರಿಂದ, ಕೆಲವರು ಸಸ್ಯ ಆಧಾರಿತ ಜೀವನಶೈಲಿಗೆ ಹೊಂದಿಕೊಳ್ಳುವ ವಿಧಾನವನ್ನು ಆರಿಸಿಕೊಳ್ಳುತ್ತಿದ್ದಾರೆ. ಪ್ರಪಂಚದ ಅನೇಕರಿಗೆ ಸಸ್ಯಾಹಾರವು ಈಗ ಜೀವನ ವಿಧಾನವಾಗಿದೆ. ಜನರು ಡೈರಿ ಸೇರಿದಂತೆ ಮಾಂಸ, ಮೀನುಗಳು ಅಥವಾ ಪ್ರಾಣಿ ಮೂಲದ ಉತ್ಪನ್ನಗಳನ್ನು ತಿನ್ನುವುದನ್ನು ತಪ್ಪಿಸುವ ಮೂಲಕ ವೇಗನ್ ಜೀವನ ಶೈಲಿಯನ್ನು ಅನುಸರಿಸುತ್ತಿದ್ದಾರೆ. ಸಸ್ಯಾಹಾರವು ಮಾನವರಿಗೆ ಮತ್ತು ನೈಸರ್ಗಿಕ ಪರಿಸರಕ್ಕೆ ಪ್ರಯೋಜನಕಾರಿ ಎಂದು ಸಾಬೀತಾಗಿದೆ.

ಪ್ರೋಟೀನ್ ಒಂದು ಸತು, ವಿಟಮಿನ್ B ಜೀವಸತ್ವಗಳು ಹಾಗೂ ಖನಿಜಗಳ ಉತ್ತಮ ಮೂಲವಾಗಿದೆ. ಮತ್ತು ಹೆಚ್ಚಿನ ಪ್ರೋಟೀನ್ ಸ್ನಾಯುವಿನ ಬಲವನ್ನು ಹೆಚ್ಚಿಸುತ್ತದೆ. ಮತ್ತು ಹೊಟ್ಟೆ ತುಂಬಿರುವ ಭಾವನೆ ಹಾಗೂ ತೂಕ ನಷ್ಟಕ್ಕೆ ಸಹಕಾರಿಯಾಗಿದೆ. ಅದರಲ್ಲೂ ಸಸ್ಯ ಆಧಾರಿತ ಆಹಾರಗಳು ಹೆಚ್ಚಿನ ಪ್ರೋಟೀನ್ ಸೇರಿದಂತೆ ನಿಮಗೆ ಅಗತ್ಯವಿರುವ ಎಲ್ಲಾ ಪೋಷಕಾಂಶಗಳನ್ನು ಒದಗಿಸುತ್ತದೆ.

ಇದನ್ನು ಓದಿ:Vegetarian Protein Foods: ಫಿಟ್ ಆಗಿರಲು ಈ ಸಸ್ಯಾಹಾರದಲ್ಲಿದೆ ಪ್ರೊಟೀನ್ ಫ್ಯಾಕ್ಟರಿ

ನಿಮ್ಮ ಆಹಾರ ಕ್ರಮದಲ್ಲಿ ನಾವು ಹೇಳುವ ಪ್ರೋಟೀನ್-ಭರಿತ ಆಹಾರದ ಮೂಲಗಳನ್ನು ಸೇರಿಸುವ ಮೂಲಕ ನೀವು ಸಸ್ಯಾಹಾರವನ್ನು ಸೇವನೆ ಮಾಡಬಹುದು.

ಬಾದಾಮಿ

ಹೆಚ್ಚಿನ ಪ್ರೋಟಿನ್ ಹೊಂದಿರುವ ಬಾದಾಮಿಯು ವಿವಿಧ ರೀತಿಯ ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ. ವೈಜ್ಞಾನಿಕ ಅಧ್ಯಯನಗಳು ಬಾದಮಿಯಲ್ಲಿನ ಹೆಚ್ಚಿನ ಪ್ರೋಟಿನ್ ಅಂಶವು ಅದರ ತೃಪ್ತಿಕರ ಗುಣಲಕ್ಷಣಗಳಿಂದಾಗಿ ನಿಮ್ಮನ್ನು ಪರಿಪೂರ್ಣವಾಗಿರಿಸಲು ಉತ್ತಮವಾಗಿದೆ ಎಂದು ಸೂಚಿಸುತ್ತದೆ. ಮತ್ತು ವ್ಯಾಯಾಮ ನಂತರ ನಿಮ್ಮ ಸ್ನಾಯುಗಳನ್ನು ಸರಿಪಡಿಸಲು ಇದು ಮುಖ್ಯವಾಗಿದೆ. ಬೆರಳಿಣಿಕೆಯಷ್ಟು ಬಾದಾಮಿಗಳನ್ನು ಸೇವಿಸಲು ಶಿಫಾರಸ್ಸು ಮಾಡಲಾಗುತ್ತದೆ. ಏಕೆಂದರೆ ಇದು ಹಸಿವು ನಿಯಂತ್ರಣವನ್ನು ಸುಧಾರಿಸಲು ಮತ್ತು ಕ್ಯಾಲೋರಿ ಸೇವನೆಗೆ ಕಾರಣವಾಗಬಹುದು. ಇದಲ್ಲದೆ ಬಾದಾಮಿಯು ಪೌಷ್ಠಿಕಾಂಶಯುಕ್ತವಾದುದಾಗಿದೆ. ಇದು ವಿಟಮಿನ್ ಇ, ಮೆಗ್ನೇಷಿಯಮ್, ರೈಬೋಫ್ಲಾವಿನ್, ಸತು ಇತ್ಯಾದಿಗಳಂತಹ 15 ಪ್ರಮುಖ ಪೋಷಕಾಂಶಗಳನ್ನು ಒಳಗೊಂಡಿರುತ್ತದೆ. ಈ ಬಾದಾಮಿಯನ್ನು ಯಾವುದೇ ಋತುವಿನಲ್ಲಿ ಸೇವಿಸಬಹುದು ಮತ್ತು ಇವುಗಳನ್ನು ಭಾರತೀಯ ಅಡುಗೆಗಳಲ್ಲೂ ಬಳಸಲಾಗುತ್ತದೆ. ಸಸ್ಯಾಹಾರಿಯಾಗಿ, ನಿಮ್ಮ ಆಹಾರದಲ್ಲಿ ಬಾದಮಿ ಹಾಲನ್ನು ಸೇರಿಸಲು ನೀವು ಆಯ್ಕೆ ಮಾಡಬಹುದು. ಈ ಬಾದಮಿಯು ಟ್ರಾನ್ಸ್ ಕೊಬ್ಬಿನಿಂದ ಮುಕ್ತವಾಗಿದೆ ಮತ್ತು ಆರೋಗ್ಯಕರ ಮೊನೊಸಾಚುರೇಟೆಡ್ ಕೊಬ್ಬುಗಳಿಂದ ಸಮೃದ್ಧವಾಗಿದೆ.

ತೋಫು

ಸಸ್ಯಾಹಾರಿಗಳು ಮತ್ತು ವೇಗನ್ಸ್‍ಗೆ ತೋಫು ಉತ್ತಮ ಆಯ್ಕೆಯಾಗಿದೆ. ಪನೀರ್, ಕಾಟೇಜ್ ಚೀಸ್‍ನ್ನು ತ್ಯಜಿಸುವುದು ಹೊಸ ಸಸ್ಯಾಹಾರಿಗಳಿಗೆ ಕಷ್ಟ. ಅಂತಹವರಿಗೆ ತೋಫು ಒಂದು ಉತ್ತಮ ಆಯ್ಕೆಯಾಗಿದೆ. ಇದನ್ನು ಮೊಸರು, ಸೋಯಾ ಹಾಲಿನಿಂದ ತಯಾರಿಸಲಾಗುತ್ತದೆ. ಇದು ಪ್ರೋಟೀನ್‍ನ ಉತ್ತಮ ಮೂಲವಾಗಿದೆ. ಹೆಚ್ಚುವರಿಯಾಗಿ ಇದು ಅಗತ್ಯವಾದ ಅಮೈನೋ ಆಮ್ಲಗಳು ಮತ್ತು ರಂಜಕ, ಕಬ್ಬಿಣಾಂಶ, ಕ್ಯಾಲ್ಸಿಯಂ ಮತ್ತು ಮ್ಯಾಂಗನೀಸ್‍ನ್ನು ಸಹ ಒಳಗೊಂಡಿದೆ. ತೋಫು ಅದರ ಬಹುಮುಖ್ಯತೆಗೆ ಹೆಸರುವಾಸಿಯಾಗಿದೆ. ಅನೇಕರು ಸೋಯಾ ಉತ್ಪನ್ನಗಳಂತೆ, ಇದನ್ನು ಕೂಡಾ ಹಲವಾರು ಪಾಕವಿಧಾನಗಳಲ್ಲಿ ಬಳಸಲಾಗುತ್ತದೆ.

ಮಸೂರ (ಬೇಳೆ ಕಾಳು)

ದಾಲ್ ಎಂದು ಜನಪ್ರಿಯವಾಗಿ ಕರೆಯಲ್ಪಡುವ ಮಸೂರಗಳು ಕೆಂಪು, ಹಳದಿ ಮತ್ತು ಬಿಳಿ ಬಣ್ಣದ ರೂಪಾಂತರಗಳಲ್ಲಿ ಬರುತ್ತವೆ. ಅವೆಲ್ಲವೂ ದ್ವಿದಳ ಧಾನ್ಯಗಳ ಕುಟುಂಬಕ್ಕೆ ಸೇರಿದವುಗಳಾಗಿವೆ. ಇವುಗಳು ಹೆಚ್ಚಿನ ಪ್ರೋಟೀನ್ ಮತ್ತು ಫೈಬರ್​ನ್ನು ಹೊಂದಿರುತ್ತವೆ. ಹೆಚ್ಚಿನ ಭಾರತೀಯ ಅಡುಗೆ ಮನೆಯಲ್ಲಿ ಮಸೂರವು ಪ್ರಧಾನವಾಗಿದೆ. ಇವುಗಳನ್ನು ಅನ್ನ, ರೊಟ್ಟಿ, ಇಡ್ಲಿ, ದೋಸೆ ಇತ್ಯಾದಿಗಳೊಂದಿಗೆ ಸವಿಯಬಹುದು. ಮತ್ತು ಇವುಗಳಿಂದ ದಾಲ್ ತಡ್ಕಾ, ಸಾಂಬರ್, ದೋಸೆ, ಖಿಚಡಿಯನ್ನು ತಯಾರಿಸಬಹುದು. ಇದು ಮಾನವನ ದೇಹಕ್ಕೆ ಅಗತ್ಯವಾದ ಅನೇಕ ಅಮೈನೋ ಆಮ್ಲಗಳನ್ನು ಒದಗಿಸುತ್ತದೆ. ಇದು ಕೂಡಾ ಒಂದು ಉತ್ತಮ ಸಸ್ಯಹಾರ ಪ್ರೋಟೀನ್ ಮೂಲವಾಗಿದೆ.

ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ