Tulsi Benefits: ರಾಮ ತುಳಸಿ ಅಥವಾ ಕೃಷ್ಣ ತುಳಸಿ ಯಾವುದು ಉತ್ತಮ? ಆಯುರ್ವೇದ ಹೇಳುವುದೇನು?

ತುಳಸಿ ಔಷಧೀಯ ಗುಣಗಳಿಂದ ಕೂಡಿದ ಗಿಡಮೂಲಿಕೆಯಾಗಿದ್ದು, ಪ್ರತಿ ಮನೆಯಲ್ಲೂ ಈ ಸಸ್ಯವನ್ನು ಕಾಣಬಹುದು. ತುಳಸಿಯನ್ನು ಶತಮಾನಗಳಿಂದ ಅನೇಕ ಕಾಯಿಲೆಗಳಿಗೆ ಚಿಕಿತ್ಸೆ ನೀಡಲು ಬಳಸಲಾಗುತ್ತದೆ. ತುಳಸಿ ಔಷಧೀಯವಾಗಿ ಮತ್ತು ಹಿಂದೂ ಸಂಪ್ರದಾಯಗಳಲ್ಲಿ ಹೆಚ್ಚಿನ ಪ್ರಾಮುಖ್ಯತೆಯನ್ನು ಹೊಂದಿರುವ ಸಸ್ಯವಾಗಿದೆ.

ಇದರ ವೈಜ್ಞಾನಿಕ ಹೆಸರು Ocimum tenuflorum. ಇದು ಎರಡು ಜಾತಿಗಳನ್ನು ಹೊಂದಿದೆ. ಗಾಢ ಬಣ್ಣದ ತಳಿಯನ್ನು ಕೃಷ್ಣ ತುಳಸಿ ಎಂದು ಕರೆಯಲಾಗುತ್ತದೆ ಮತ್ತು ಸ್ವಲ್ಪ ತಿಳಿ ಬಣ್ಣದ ತಳಿಯನ್ನು ರಾಮ ತುಳಸಿ ಎಂದು ಕರೆಯಲಾಗುತ್ತದೆ.

ಇವುಗಳಲ್ಲಿ ಕೃಷ್ಣ ತುಳಸಿಯನ್ನು ಸಾಮಾನ್ಯವಾಗಿ ಪೂಜೆಗೆ ಬಳಸಲಾಗುತ್ತದೆ. ಕೃಷ್ಣ ತುಳಸಿಯನ್ನು ಆಯುರ್ವೇದ ಔಷಧಿಗಳಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತದೆ.

ಷೋಡಶೋಪಚಾರ ಪೂಜೆ ವಿಧಾನದಲ್ಲಿ ತುಳಸಿಗೆ ವಿಶೇಷ ಸ್ಥಾನವಿದೆ. ಇಂದು ವಿದೇಶಿಗರೂ ತುಳಸಿಯ ವಿಶೇಷತೆಯನ್ನು ಸ್ವೀಕರಿಸುತ್ತಿದ್ದಾರೆ. ಪವಿತ್ರವೆಂದು ಪರಿಗಣಿಸಲ್ಪಟ್ಟ ತುಳಸಿ ಕೋಟವು ಎಲ್ಲಾ ಮನೆಗಳಲ್ಲಿಯೂ ಇರುತ್ತದೆ.

ತುಳಸಿಯಲ್ಲಿ ಹಲವಾರು ಔಷಧೀಯ ಗುಣಗಳಿವೆ. ಅವುಗಳಲ್ಲಿ ರಾಮ ತುಳಸಿ ಮತ್ತು ಕೃಷ್ಣ ತುಳಸಿ ಸಾಮಾನ್ಯ. ತುಳಸಿ ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುತ್ತದೆ. ದೇಹವನ್ನು ಆರೋಗ್ಯವಾಗಿಡುತ್ತದೆ. ರಾಮ ತುಳಸಿ ಮತ್ತು ಕೃಷ್ಣ ತುಳಸಿ ಆರೋಗ್ಯಕ್ಕೆ ಒಳ್ಳೆಯದು ಎಂದು ಆಯುರ್ವೇದ ತಜ್ಞರಿಂದ ತಿಳಿಯಿರಿ.

ರಾಮ ತುಳಸಿ ಅಥವಾ ಕೃಷ್ಣ ತುಳಸಿ ಯಾವುದು ಉತ್ತಮ?
ರಾಮ ತುಳಸಿ ಮತ್ತು ಕೃಷ್ಣ ತುಳಸಿ ನಡುವಿನ ವ್ಯತ್ಯಾಸವನ್ನು ಬೆಂಗಳೂರಿನ ಅಪೋಲೋ ಆಸ್ಪತ್ರೆಗಳ ಮುಖ್ಯ ಕ್ಲಿನಿಕಲ್ ಡಯೆಟಿಷಿಯನ್ ಡಾ.ಪ್ರಿಯಾಂಕಾ ರೋಹಟಗಿ ಇಂಡಿಯನ್​ ಎಕ್ಸ್​ಪ್ರೆಸ್​ಗೆ ವಿವಿರಿಸಿದ್ದಾರೆ.

ರಾಮ ತುಳಸಿಯನ್ನು ಧಾರ್ಮಿಕ ಉದ್ದೇಶಗಳಿಗಾಗಿ ಬಳಸಲಾಗುತ್ತದೆ. ಈ ತುಳಸಿಯು ಔಷಧೀಯ ಗುಣಗಳಿಂದ ಕೂಡಿದೆ. ರಾಮ ತುಳಸಿ ಎಲೆಗಳು ಇತರ ರೀತಿಯ ತುಳಸಿಗಳಿಗಿಂತ ರುಚಿಯಲ್ಲಿ ಹೆಚ್ಚು ಸಿಹಿಯಾಗಿರುತ್ತದೆ. ಶ್ಯಾಮ ತುಳಸಿಯನ್ನು ಡಾರ್ಕ್ ತುಳಸಿ ಅಥವಾ ಕೃಷ್ಣ ತುಳಸಿ ಎಂದೂ ಕರೆಯುತ್ತಾರೆ. ಕೃಷ್ಣ ತುಳಸಿಯ ಎಲೆಗಳ ಬಣ್ಣ ಕಡು ಹಸಿರು, ಅದರ ಕಾಂಡಗಳು ನೇರಳೆ ಬಣ್ಣವನ್ನು ಹೊಂದಿರುತ್ತವೆ.

ರಾಮತುಳಸಿಯನ್ನು ಹಿಂದೂ ಧರ್ಮದಲ್ಲಿ ಶ್ರೇಷ್ಠ ಔಷಧವೆಂದು ಪರಿಗಣಿಸಲಾಗಿದೆ ಎಂದು ಹೇಳಿದರು. ಈ ತುಳಸಿಯನ್ನು ಹೆಚ್ಚಾಗಿ ಧಾರ್ಮಿಕ ಸಂದರ್ಭಗಳಲ್ಲಿ ಮತ್ತು ಹಬ್ಬಗಳಲ್ಲಿ ಬಳಸಲಾಗುತ್ತದೆ. ಪರ್ಪಲ್ ತುಳಸಿ ಎಲೆ ಎಂದೂ ಕರೆಯಲ್ಪಡುವ ಕಪ್ಪು ತುಳಸಿಯನ್ನು ವಿರಳವಾಗಿ ಬಳಸಲಾಗುತ್ತದೆ. ಈ ತುಳಸಿಯಲ್ಲಿ ಹಲವಾರು ಔಷಧೀಯ ಗುಣಗಳೂ ಇವೆ. ಈ ತುಳಸಿ ಎಲೆಗಳು ಇತರ ರೀತಿಯ ತುಳಸಿ ಎಲೆಗಳಿಗಿಂತ ಕಡಿಮೆ ಕಹಿಯನ್ನು ಹೊಂದಿರುತ್ತವೆ.

ಯಾವ ತುಳಸಿ ಆರೋಗ್ಯಕ್ಕೆ ಒಳ್ಳೆಯದು:
ಜ್ವರ, ಚರ್ಮ ರೋಗಗಳು, ಜೀರ್ಣಕ್ರಿಯೆ, ಚಯಾಪಚಯ ಮತ್ತು ಪ್ರತಿರಕ್ಷೆಗೆ ಚಿಕಿತ್ಸೆ ನೀಡಲು ಎರಡೂ ತುಳಸಿಗಳನ್ನು ಬಳಸಲಾಗುತ್ತದೆ. ತುಳಸಿ ಸೇವನೆಯಿಂದ ಒತ್ತಡ, ಆತಂಕದಂತಹ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಬಹುದು ಎಂದು ಹಲವು ಸಂಶೋಧನೆಗಳಿಂದ ತಿಳಿದುಬಂದಿದೆ. ತುಳಸಿ ಸೇವನೆಯು ತೂಕ ಇಳಿಸುವಲ್ಲಿಯೂ ಪರಿಣಾಮಕಾರಿಯಾಗಿದೆ.

ಬಾಯಿ ದುರ್ವಾಸನೆಯಿಂದ ಬಳಲುತ್ತಿರುವವರು ತುಳಸಿ ಸೇವಿಸಿದರೆ ಬಾಯಿ ದುರ್ವಾಸನೆ ಹೋಗಲಾಡಿಸುತ್ತದೆ. ಇದನ್ನು ನಿಯಮಿತವಾಗಿ ಸೇವಿಸಿದರೆ ಕೆಮ್ಮು ಮತ್ತು ಶೀತ ಕಡಿಮೆಯಾಗುತ್ತದೆ.

ರಾಮ ತುಳಸಿ ಸೇವಿಸುವುದರಿಂದ ಜೀರ್ಣಕ್ರಿಯೆ ಸುಧಾರಿಸುತ್ತದೆ, ಕಪ್ಪು ತುಳಸಿ ಚರ್ಮವನ್ನು ಸುಧಾರಿಸುತ್ತದೆ. ರಾಮ ತುಳಸಿ ರೋಗ ನಿರೋಧಕ ಶಕ್ತಿಯನ್ನು ಬಲಪಡಿಸುತ್ತದೆ. ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ.

ತುಳಸಿ ತೆಗೆದುಕೊಳ್ಳುವುದು ಹೇಗೆ:
ನೀವು ಅದರ ಕಷಾಯವನ್ನು ಮಾಡುವ ಮೂಲಕ ತುಳಸಿಯನ್ನು ಸೇವಿಸಬಹುದು. ರೋಗನಿರೋಧಕ ಶಕ್ತಿಯನ್ನು ಬಲಪಡಿಸಲು ತುಳಸಿಯನ್ನು ಅಗಿಯಬಹುದು ಅಥವಾ ನುಂಗಬಹುದು.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ