Millets Benefits: ಮಧುಮೇಹ ನಿಯಂತ್ರಣ, ತೂಕ ನಷ್ಟಕ್ಕೆ ಅನ್ನಕ್ಕಿಂತ ಸಿರಿಧಾನ್ಯ ಉತ್ತಮ ಹೇಗೆ?

ನಿಮ್ಮ ಆರೋಗ್ಯವನ್ನು ಸುಸ್ಥಿತಿಯಲ್ಲಿಡಲು ಅನ್ನಕ್ಕಿಂತ ಸಿರಿಧಾನ್ಯ( Millet) ಉತ್ತಮ ಎಂದು ಪರಿಗಣಿಸಲಾಗುತ್ತದೆ. ಅನ್ನದ ಬದಲಿಗೆ ಸಿರಿಧಾನ್ಯದಿಂದ ಸಿದ್ಧಪಡಿಸಿದ ರೊಟ್ಟಿಯನ್ನು ತಿನ್ನುವಂತೆ ಸಲಹೆ ನೀಡಲಾಗುತ್ತದೆ. ಈ ಸಿರಿಧಾನ್ಯಗಳಲ್ಲಿ ಮಧುಮೇಹ ನಿಯಂತ್ರಿಸುವ ಶಕ್ತಿ ಇರುವುದರ ಜತೆಗೆ ಹೃದಯದ ಆರೋಗ್ಯ ಕಾಪಾಡುವುದಲ್ಲದೆ ತೂಕ ನಷ್ಟಕ್ಕೂ ಸಹಾಯ ಮಾಡುತ್ತದೆ.

ಇತ್ತೀಚಿನ ದಿನಗಳಲ್ಲಿ ಮಧುಮೇಹ ಮತ್ತು ಬೊಜ್ಜಿನಂತಹ ಜೀವನಶೈಲಿ ಸಂಬಂಧಿ ಕಾಯಿಲೆಗಳು, ಅವುಗಳ ಜೊತೆಗಿನ ತೊಂದರೆಗಳೊಂದಿಗೆ, ಬಹುತೇಕ ಸಾಂಕ್ರಾಮಿಕ ಹಂತವನ್ನು ತಲುಪಿದೆ. ಇದು ನಮ್ಮ ದೈನಂದಿನ ಆಹಾರಕ್ರಮವನ್ನು ಸರಿಯಾಗಿ ಗಮನಿಸಬೇಕಾದ ಸಮಯ.

ಸಹಜವಾಗಿ, ನಿಮ್ಮ ದೇಹಕ್ಕೆ ಉತ್ತಮವಾದ ಆಹಾರಗಳು ಯಾವುದೆನ್ನುವುದು ನಿಮಗೆ ತಿಳಿದಿದೆ. ತಿಳಿಯದಿದ್ದ ಪಕ್ಷದಲ್ಲಿ ನಿಮ್ಮ ದೇಹಕ್ಕೆ ಅತ್ಯಗತ್ಯವಾದ 7 ಪೌಷ್ಟಿಕಾಂಶಗಳ ಪಟ್ಟಿ ಇಲ್ಲಿದೆ. ಈ ಅನೇಕ ಪೋಷಕಾಂಶಗಳು ಪರಿಪೂರ್ಣ ಕಾಳುಗಳಲ್ಲಿ ಕಂಡುಬರುತ್ತವೆ, ಇದು ಮೂಲಭೂತವಾಗಿ ಅತಿಯಾದ ಪಾಲಿಶ್‌ ಮೂಲಕ ತನ್ನ ಸತ್ವವನ್ನು ಕಳೆದುಕೊಳ್ಳದ ಧಾನ್ಯಗಳನ್ನು ಸೂಚಿಸುತ್ತದೆ.

ಆದರೆ, ಇಲ್ಲಿ ವಿಷಯ ಗೋಧಿ, ಅಕ್ಕಿ ಮತ್ತು ಜೋಳವಲ್ಲದ ಧಾನ್ಯಗಳೂ ಇವೆಯೆನ್ನುವುದು. ಉದಾಹರಣೆಗೆ, ಸಜ್ಜೆಯು ಪರಿಪೂರ್ಣ ಧಾನ್ಯವಾಗಿದೆ. ಇದು ಪೌಷ್ಠಿಕಾಂಶದ ಅತ್ಯುತ್ತಮ ಮೂಲ, ಹಾಗೂ ನಮ್ಮ ಮೂಗಿನ ಕೆಳಗೆ ಉಚಿತವಾಗಿ ಲಭ್ಯವಿದೆ, ಆದರೆ ಹೆಚ್ಚಾಗಿ ಇದನ್ನು ನಿರ್ಲಕ್ಷಿಸಲಾಗಿದೆ.

ಸಿರಿ ಧಾನ್ಯ, ಅನೇಕ ತಲೆಮಾರುಗಳಿಂದ ನಮ್ಮ ಆಹಾರದ ಅವಿಭಾಜ್ಯ ಅಂಗವಾಗಿದ್ದರೂ, ಇತ್ತೀಚಿನವರೆಗೂ ಮರೆತು ಹೋಗಿತ್ತು.

ಸಿರಿ ಧಾನ್ಯಗಳ ಆರೋಗ್ಯ ಪ್ರಯೋಜನಗಳು
ಸಿರಿಧಾನ್ಯ, ಪೌಷ್ಠಿಕಾಂಶದ ನಿಧಿ, ಅದೃಷ್ಟ ಧಾನ್ಯಗಳನ್ನು ನಮಗಾಗಿ ಕಳುಹಿಸಿತೆಂದು ವಿವರಿಸುತ್ತದೆ. ಸಿರಿಧಾನ್ಯದ ಹೆಜ್ಜೆಯನ್ನು ಶಿಲಾಯುಗದಷ್ಟು ಹಿಂದಿನ ಕಾಲದಲ್ಲೂ ಕಾಣಬಹುದು ಮತ್ತು, ಮೊಹೆನ್-ಜೊ-ದಾರೊ ಮತ್ತು ಹರಪ್ಪ ಪುರಾತತ್ವ ಸ್ಥಳಗಳಲ್ಲಿ ಸಹ ಅನೇಕ ರೀತಿಯ ಸಿರಿಧಾನ್ಯಗಳು ಕಂಡುಬಂದಿವೆ.

ಭಾರತೀಯ, ಚೀನೀ ನವಶಿಲಾಯುಗ ಮತ್ತು ಕೊರಿಯನ್ ಆಹಾರಕ್ರಮಗಳಲ್ಲಿ ಈ ಧಾನ್ಯಗಳ ಗುಂಪು ಆಹಾರವಾಗಿ ಪ್ರಧಾನವಾಗಿತ್ತು, ಅಕ್ಕಿಯಲ್ಲವೆನ್ನುವುದು ಕುತೂಹಲಕಾರಿ ಅಂಶ. ಪ್ರಪಂಚದಾದ್ಯಂತ ಸುಮಾರು 6,000 ವಿಧದ ಸಿರಿಧಾನ್ಯಗಳಿವೆ, ಮತ್ತು ಅವು ಮಣ್ಣು ಮತ್ತು ನೀರನ್ನು ಕಡಿಮೆ ಬೇಡುವುದರಿಂದಾಗಿ , ಶುಷ್ಕ ಮತ್ತು ಅರೆ-ಶುಷ್ಕ ಪ್ರದೇಶಗಳಲ್ಲಿ ಒಂದು ಶತಕೋಟಿಗೂ ಹೆಚ್ಚು ಜನರಿಗೆ ಅವು ಶಕ್ತಿ ಮತ್ತು ಪ್ರೋಟೀನ್‌ನ ಪ್ರಮುಖ ಮೂಲವಾಗಿವೆ.

ಆದರೆ ನಮ್ಮ ಅತಿಯಾಗಿ ಬೆಳೆಯಲಾಗುವ ಗೋಧಿ-ಅಕ್ಕಿ-ಜೋಳಗಳಿಗೆ, ಬದುಕಲು ಹೆಚ್ಚು ಹೆಚ್ಚು ಕಾಳಜಿ ಬೇಕಾಗುತ್ತದೆ.
ಜೋಳದ ರೊಟ್ಟಿ, ರಾಗಿ ಮುದ್ದೆ, ಬಜ್ರಾ ಖಿಚಿಡಿ, ನಚ್ನಿ ದೋಸೆ, ತೀನೈ ಪೊಂಗಲ್ – ಪರಿಚಿತ ಹೆಸರುಗಳಲ್ಲವೆ? ಇವೆಲ್ಲವೂ ನಾವು ಕೇಳಿದ ಮತ್ತು ಪ್ರಾಯಶಃ ಬೆಳೆದಂತಹ ಆಹಾರ. ಇನ್ನೂ ಹಲವು ಸಿರಿಧಾನ್ಯಗಳು, ಅನೇಕ ಸಾಂಪ್ರದಾಯಿಕ ಆಹಾರಗಳಂತೆ ತೀವ್ರವಾಗಿ ನಿರ್ಲಕ್ಷಿಸಲ್ಪಟ್ಟಿವೆ. ಪಾಪ! ಏಕೆಂದರೆ ಅವು ಹೆಚ್ಚು ಪೌಷ್ಟಿಕ, ಗ್ಲುಟಿನಸ್ ಮತ್ತು ಆಮ್ಲಕಾರಕವಲ್ಲದ ಧಾನ್ಯಗಳಾಗಿವೆ.

ಈ ಗುಣಲಕ್ಷಣಗಳು ಅವುಗಳನ್ನು ಹಿತವಾಗಿಸಿ ಜೀರ್ಣಿಸಿಕೊಳ್ಳಲು ಸುಲಭವಾಗಿಸುತ್ತದೆ. ವಾಸ್ತವವಾಗಿ ಇದು ಭಾರತದಲ್ಲಿ ಉಪವಾಸದ ಸಮಯದಲ್ಲಿ ಹೆಚ್ಚಾಗಿ ತಯಾರಿಸುವ ಆಹಾರವಾಗಿದೆ. ಜೊತೆಗೆ ಅವುಗಳು ಹಲವು ರೀತಿಯಲ್ಲಿವೆ, ಹೀಗಾಗಿ ನೀವು ಇವುಗಳನ್ನು ಬಳಸಿ ಹಲವಾರು ಬಗೆಯ ರುಚಿಕರವಾದ ಭಕ್ಷ್ಯಗಳನ್ನು ತಯಾರಿಸಬಹುದು.

ಗ್ಲೈಸೆಮಿಕ್ ಇಂಡೆಕ್ಸ್
ಗ್ಲೈಸೆಮಿಕ್ ಇಂಡೆಕ್ಸ್ ಎನ್ನುವುದು ಕಾರ್ಬೋಹೈಡ್ರೇಟ್ ಉಲ್ಲೇಖಿತ ಆಹಾರಕ್ಕೆ ಹೋಲಿಸಿ ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ಎಷ್ಟು ಹೆಚ್ಚಿಸುತ್ತದೆ ಎಂಬುದರ ಮೂಲಕ ಶ್ರೇಣಿಯನ್ನು ನೀಡುತ್ತದೆ. ಗ್ಲೈಸೆಮಿಕ್ ಸೂಚ್ಯಂಕವು ಗುಣಮಟ್ಟದ ಮೇಲೆ ಆಧರಿತವಾಗಿದೆ ಮತ್ತು ಕಾರ್ಬೋಹೈಡ್ರೇಟ್‌ಗಳ ಪ್ರಮಾಣವನ್ನು ಆಧರಿಸಿಲ್ಲ.

ಜೀರ್ಣಕ್ರಿಯೆಯನ್ನು ಉತ್ತಮವಾಗಿಸುತ್ತದೆ
ಸಾಂಪ್ರದಾಯಿಕ ವೈದ್ಯದ ಪ್ರಕಾರ, ಸಿರಿಧಾನ್ಯ ಜೀರ್ಣಕ್ರಿಯೆಯನ್ನು ಬೆಂಬಲಿಸುತ್ತದೆ, ಹಸಿವನ್ನು ಸುಧಾರಿಸುತ್ತದೆ, ಪ್ರಾಣವನ್ನು ಪೋಷಿಸಿ ಮತ್ತು ರಕ್ತದ ಕೊರತೆಯನ್ನು ನೀಗಿಸುತ್ತದೆ, ಎದೆಹಾಲನ್ನು ಹೆಚ್ಚಿಸುತ್ತದೆ, ಹೊಟ್ಟೆಯನ್ನು ಸಮಾಧಾನಗೊಳಿಸುತ್ತದೆ ಮತ್ತು ನಿದ್ರೆಯನ್ನು ಶಾಂತಗೊಳಿಸುತ್ತದೆ.

ಹಸಿರು ಕ್ರಾಂತಿಯು ಪಾಶ್ಚಿಮಾತ್ಯರ ಮೇಲೆ ಪ್ರಭಾವ ಬೀರಿದ ಅಕ್ಕಿ ಮತ್ತು ಗೋಧಿಯ ಉತ್ಪಾದನೆಯನ್ನು ಉತ್ತೇಜಿಸಿತು ಮತ್ತು ಸಬ್ಸಿಡಿ ನೀಡಿತು. ದುರದೃಷ್ಟವಶಾತ್, ಹೆಚ್ಚುವರಿ ಸಂಸ್ಕರಣೆಯು ಪೌಷ್ಠಿಕಾಂಶವಿರುವ ಹೊಟ್ಟನ್ನು ತೆಗೆದುಹಾಕಿ ಸುಲಭವಾಗಿ ಜೀರ್ಣವಾಗುವ ಬೀಜವನ್ನು ಮಾತ್ರ ಉಳಿಸಿತು, ಅದು ಸುಲಭವಾಗಿ ಪಿಷ್ಟ ಮತ್ತು ಸಕ್ಕರೆಯಾಗಿ ಪರಿವರ್ತನೆಯಾಗುತ್ತದೆ.
ಹೆಚ್ಚಿನ ಪ್ರಮಾಣದ ಫೈಬರ್ ಹೊಂದಿರುತ್ತದೆ

ಸಿರಿಧಾನ್ಯಗಳು ಹೆಚ್ಚಿನ ಪ್ರಮಾಣದ ಆಹಾರದ ಫೈಬರ್ ಹೊಂದಿರುತ್ತವೆ, ಇದು ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ಕಡಿಮೆ ಮಾಡಲು ಮತ್ತು ಇನ್ಸುಲಿನ್ ಪ್ರತಿಕ್ರಿಯೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಫೈಬರ್ ಜೀರ್ಣಕ್ರಿಯೆಯ ವೇಗವನ್ನು ಸಹ ನಿಯಂತ್ರಿಸುತ್ತದೆ, ಪೋಷಕಾಂಶಗಳನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ನಿಮ್ಮಲ್ಲಿ ಹೊಟ್ಟೆ ತುಂಬಿರುವ ಭಾವವನ್ನು ಮೂಡಿಸಿ ಪದೇ ಪದೇ ಹಸಿವಾಗದಂತೆ ತಡೆಯುತ್ತದೆ.

ಕರುಳನ್ನು ಸ್ವಚ್ಛಗೊಳಿಸುತ್ತದೆ
ಕರುಳಿನಲ್ಲಿನ ವಿಷದ ಅಂಶವನ್ನು ಸ್ವಚ್ಛಗೊಳಿಸಲು ಇದು ಸಹಾಯ ಮಾಡುವುದರಿಂದಾಗಿ ಜೀರ್ಣಾಂಗ ಸಂಬಂದಿ ಅಸ್ವಸ್ಥತೆಗಳಿಗೆ ಇದು ಅದ್ಭುತ ಆಹಾರವಾಗಿದೆ.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ