TB Symptoms: ನಿಮಗೆ 2 ವಾರಗಳವರೆಗೆ ನಿರಂತರವಾಗಿ ಕೆಮ್ಮಿದ್ದರೆ ನಿರ್ಲಕ್ಷಿಸಬೇಡಿ, ಕ್ಷಯ ರೋಗವಿರಬಹುದು
ಚಳಿಗಾಲದಲ್ಲಿ ಸಾಮಾನ್ಯವಾಗಿ ಶೀತ, ಕೆಮ್ಮು, ತಲೆ ನೋವು, ಮೈಕೈ ನೋವು, ಜ್ವರ ಇವೆಲ್ಲವೂ ಕಾಣಿಸಿಕೊಳ್ಳುತ್ತದೆ. ಆದರೆ ನಿಮಗೆ ಕೆಮ್ಮು ಬಂದಿದ್ದು ಎರಡು ವಾರಗಳ ಕಾಲ ವಾಸಿಯಾಗದೆ ಇದ್ದರೆ ನಿರ್ಲಕ್ಷಿಸಬೇಡಿ, ಕ್ಷಯರೋಗ ಬಂದಿರುವ ಸಾಧ್ಯತೆ ಇರುತ್ತದೆ.
Updated on: Feb 03, 2023 | 11:42 AM
ಚಳಿಗಾಲದಲ್ಲಿ ಸಾಮಾನ್ಯವಾಗಿ ಶೀತ, ಕೆಮ್ಮು, ತಲೆ ನೋವು, ಮೈಕೈ ನೋವು, ಜ್ವರ ಇವೆಲ್ಲವೂ ಕಾಣಿಸಿಕೊಳ್ಳುತ್ತದೆ. ಆದರೆ ನಿಮಗೆ ಕೆಮ್ಮು ಬಂದಿದ್ದು ಎರಡು ವಾರಗಳ ಕಾಲ ವಾಸಿಯಾಗದೆ ಇದ್ದರೆ ನಿರ್ಲಕ್ಷಿಸಬೇಡಿ, ಕ್ಷಯರೋಗ ಬಂದಿರುವ ಸಾಧ್ಯತೆ ಇರುತ್ತದೆ. ಇದು ಬ್ಯಾಕ್ಟೀರಿಯಾದಿಂದ ಉಂಟಾಗುವ ಕಾಯಿಲೆಯಾಗಿದ್ದು, ಗಾಳಿಯ ಮೂಲಕ ಒಬ್ಬರಿಂದ ಇನ್ನೊಬ್ಬರಿಗೆ ಹರಡುತ್ತದೆ. ಟಿಬಿಯ ಆಕ್ರಮಣವು ಶ್ವಾಸಕೋಶದಿಂದ ಪ್ರಾರಂಭವಾಗುತ್ತದೆ, ಆದರೆ ಇದು ಮೆದುಳು, ಗರ್ಭಕೋಶ, ಯಕೃತ್ತು, ಮೂತ್ರಪಿಂಡ, ಬಾಯಿ, ಗಂಟಲು ಮತ್ತು ಮೂಳೆ ದೇಹದ ಯಾವುದೇ ಭಾಗದಲ್ಲಿರಬಹುದು. ಕ್ಷಯರೋಗದ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸಲು ಸರ್ಕಾರವು ನಿರಂತರವಾಗಿ ಕ್ಷಯರೋಗದ ಕುರಿತು ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತಿದೆ.
ಟಿಬಿ ಒಂದು ಸಾಂಕ್ರಾಮಿಕ ರೋಗ ಟಿಬಿ ಒಂದು ಸಾಂಕ್ರಾಮಿಕ ಕಾಯಿಲೆಯಾಗಿದ್ದು, ಇದು ಪರಸ್ಪರ ಸಂಪರ್ಕಕ್ಕೆ ಬರುವ ಮೂಲಕ ಹರಡುತ್ತದೆ. ಆದಷ್ಟು ಬೇಗ ಚಿಕಿತ್ಸೆ ಪಡೆಯದಿದ್ದರೆ ಕುಟುಂಬದ ಇತರ ಸದಸ್ಯರಿಗೂ ಕಾಯಿಲೆ ಬರುವ ಸಾಧ್ಯತೆ ಇರುತ್ತದೆ. ನಿಮ್ಮ ಕುಟುಂಬದಲ್ಲಿ ಟಿಬಿ ರೋಗಿಗಳಿದ್ದರೆ, ನೀವು ಅವರಿಂದ ದೂರವಿರಬೇಕು, ಇಲ್ಲದಿದ್ದರೆ ನೀವು ಈ ಗಂಭೀರ ಕಾಯಿಲೆಗೆ ಒಳಗಾಗಬಹುದು.
ಟಿಬಿಯ ಲಕ್ಷಣಗಳು 1. ರೋಗಲಕ್ಷಣಗಳು ಎರಡು ವಾರಗಳಿಗಿಂತ ಹೆಚ್ಚು ಕಾಲ ನಿರಂತರ ಕೆಮ್ಮು ಮತ್ತು ಕಫದೊಂದಿಗೆ ಕೆಮ್ಮು ಇರುವುದು. 2. ಕೆಲವೊಮ್ಮೆ ರಕ್ತಸ್ರಾವವೂ ಇರಬಹುದು 3. ನಿಮಗೆ ಹಸಿವು ಕಡಿಮೆಯಾಗಬಹುದು 4. ನಿರಂತರ ತೂಕ ನಷ್ಟ 5. ನಿಮಗೆ ಸಂಜೆ ಅಥವಾ ರಾತ್ರಿ ಜ್ವರ ಬರಬಹುದು 6. ಚಳಿಗಾಲದಲ್ಲೂ ಬೆವರುವುದು. 7. ಉಸಿರಾಡುವಾಗ ಎದೆ ನೋವು
ಕ್ಷಯ ರೋಗವನ್ನು ಕಡಿಮೆ ಮಾಡುವುದು ಹೇಗೆ? ಟಿಬಿ ರೋಗಿಯೊಂದಿಗೆ ಸಂಪರ್ಕಕ್ಕೆ ಬರುವುದನ್ನು ತಪ್ಪಿಸಿ ಮತ್ತು ನೀವು ಸಂಪರ್ಕಕ್ಕೆ ಬಂದಾಗಲೆಲ್ಲಾ ನಿಮ್ಮ ಮುಖಕ್ಕೆ ಮಾಸ್ಕ್ ಧರಿಸಿ. ಸ್ವಚ್ಛವಾದ ಬಟ್ಟೆಯಿಂದ ಮೂಗನ್ನು ಮುಚ್ಚಿಕೊಳ್ಳಿ. ಹೀಗೆ ಮಾಡುವುದರಿಂದ ಸೋಂಕನ್ನು ತಪ್ಪಿಸಬಹುದು. ಕೆಮ್ಮುವಾಗ ಮತ್ತು ಸೀನುವಾಗ, ನಿಮ್ಮ ಮೂಗು ಮತ್ತು ಬಾಯಿಯನ್ನು ಅಂಗೈನಿಂದ ಮುಚ್ಚಿ, ಇದರಿಂದ ಬ್ಯಾಕ್ಟೀರಿಯಾ ಹರಡುವುದಿಲ್ಲ.
ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
