ದೇಹಕ್ಕೆ ಬೇಕಾದ ಪ್ರೋಟೀನ್​ ಅಂಶಗಳನ್ನು ಪೂರೈಸಲು ಡಯೆಟ್​ ಪಟ್ಟಿಯಲ್ಲಿ ಈ ಆಹಾರಗಳಿರಲಿ

ದೇಹದ ಆರೋಗ್ಯ ಉತ್ತಮವಾಗಿರಲು ಪ್ರೊಟೀನ್ (Protein)​ ಅತ್ಯಗತ್ಯವಾಗಿದೆ. ಮೂಳೆಗಳನ್ನು ಬಲಪಡಿಸಲು, ಸ್ನಾಯುಗಳನ್ನು (Muscles) ಆರೋಗ್ಯವಾಗಿಡಲು ಪ್ರೊಟೀನ್​ ಯುಕ್ತ​ ಆಹಾರಗಳನ್ನು ಸೇವನೆಯಾಗಬೇಕು. ಯೋಗ, ವ್ಯಯಾಮಗಳ ಜೊತೆಗೆ ಸೇವಿಸುವ ಆಹಾರ, ಅಹಾರ ಪದ್ಧತಿ, ಜೀವನಶೈಲಿ ಎಲ್ಲವೂ ಮುಖ್ಯವಾಗಿರುತ್ತದೆ. ಹೀಗಾಗಿ ದೇಹವನ್ನು ಸುಸ್ಥಿತಿಯಲ್ಲಿಡಲು ಪ್ರೊಟೀನ್​ಗಳ ಪೂರೈಕೆ ಪ್ರಧಾನ ಅಂಶವಾಗಬೇಕು. ಆಗ ಮಾತ್ರ ದೇಹದ ಸರ್ವಾಂಗೀಣ ಬೆಳವಣಿಗೆಯ ಜೊತೆಗೆ ಆರೋಗ್ಯಯುತ ದಿನ ನಿಮ್ಮದಾಗುತ್ತದೆ. ಹಾಗಾದರೆ ಪ್ರೊಟೀನ್​​ ಯುಕ್ತ ಆಹಾರ (Food) ಸೇವಿಸಬೇಕು ಎಂದರೆ ಯಾವೆಲ್ಲಾ ಆಹಾರ ಸೇವಿಸಬೇಕು ಎನ್ನುತ್ತೀರಾ? ಇಲ್ಲಿದೆ ನೋಡಿ ಕಂಪ್ಲೀಟ್​ ಡೀಟೆಲ್ಸ್​​

ಮೊಸರು: ಬೆಳಗ್ಗಿನ ಉಪಹಾರದಿಂದ ಹಿಡಿದು ರಾತ್ರಿಯ ಊಟದ ತನಕ ಮೊಸರಿನ ಸೇವನೆ ಇರಲಿ. ಮೊಸರು ದೇಹಕ್ಕೆ ಪ್ರೊಟೀನ್​ ಅನ್ನು ಮಾತ್ರ ನೀಡುವುದಲ್ಲಿದೆ ದೇಹದಲ್ಲಿನ ಕೊಬ್ಬನ್ನೂ ಕಡಿಮೆ ಮಾಡುತ್ತದೆ.  ಅದರಲ್ಲೂ ಗ್ರೀಕ್​ ಮೊಸರು  ಹೆಚ್ಚು ಉಪಯುಕ್ತವಾಗಿದೆ ಎನ್ನಲಾಗಿದೆ. ಗ್ರೀಕ್​ ಮೊಸರು ಎಂದರೆ ಅದು ನೈಸರ್ಗಿಕ ಮೊಸರಾಗಿದೆ.

ಮಾಂಸ: ಮಾಂಸ ದೇಹಕ್ಕೆ ಸಾಕಷ್ಟು ಪ್ರಮಾಣದ ಪ್ರೊಟೀನ್​ ಅನ್ನು ಪೂರೈಸುತ್ತದೆ. ಹಂದಿ ಮಾಂಸ, ಕುರಿ ಮಾಂಸಗಳಲ್ಲಿ ಹೆಚ್ಚು ಪ್ರೊಟೀನ್ ಅಂಶಗಳು ಇರುತ್ತವೆ ಎಂದು ಹೇಳಲಾಗುತ್ತದೆ. ಆದರೆ ಮಾಂಸವನ್ನು ಸೇವಿಸುವ ಮುನ್ನ ಎಚ್ಚರಿಕೆ, ಇದು ನಿಮ್ಮ ದೇಹಕ್ಕೆ ಅನಗತ್ಯ ಕೊಬ್ಬನ್ನು ನೀಡಿ ತೂಕವನ್ನು ಹೆಚ್ಚಿಸಬಹುದು. ಹೀಗಾಗಿ ತಿನ್ನುವ ಮುನ್ನ ಎಚ್ಚರಿಕೆ ವಹಿಸಿ.

ಆರೋಗ್ಯಕರ ನೂಡಲ್ಸ್​: ನೂಡಲ್ಸ್​ ಕೂಡ ನಿಮ್ಮ ದೇಹಕ್ಕೆ ಪ್ರೊಟೀನ್​ ಅನ್ನು ನೀಡುತ್ತದೆ. ಗೋದಿಯಿಂದ ತಯಾರಿಸಿದ ನೂಡಲ್ಸ್​ಅಥವಾ ಸೋಬಾ ನೂಡಲ್ಸ್​ಗಳನ್ನು ಸೇವಿಸುವುದರಿಂದ ದೇಹಕ್ಕೆ ಬೇಕಾದ ಪ್ರೊಟೀನ್​ ಅನ್ನು ಪೂರೈಸುತ್ತದೆ.

ಚಾಕೋಲೆಟ್​: ಚಾಕೋಲೆಟ್​ಗಳು ಒತ್ತಡ, ಆಯಾಸವನ್ನೂ ನಿವಾರಿಸಿ ದೇಹಕ್ಕೆ ಬೇಕಾದ ಪ್ರೊಟೀನ್​ ಅಂಶಗಳನ್ನು ನೀಡುತ್ತದೆ. ಕ್ಯಾರಮೆಲ್​, ನಟ್ಸ್​ಗಳಿರುವ ಚಾಕಲೇಟ್​ಗಳು ಹೆಚ್ಚು ಆರೋಗ್ಯದಾಯಕವಾಗಿರುತ್ತದೆ ಎನ್ನುತ್ತಾರೆ ತಜ್ಞರು. ಹೀಗಾಗಿ ಪ್ರತಿದಿನ ಕೆಲವು ಗ್ರಾಂಗಳಷ್ಟಾದರೂ ಡಾರ್ಕ್​ ಅಥವಾ ವೈಟ್​ ಚಾಕಲೋಲೆಟ್​​ ಸೇವನೆಯ ಅಭ್ಯಾಸ ಉತ್ತಮವಾಗಿದೆ.

ಹುರಿದ ಬೀಜಗಳು: ಹಸಿವೆಯಾದಾಗ ಕುರುಕಲು ತಿಂಡಿಗಳನ್ನು ಕಂಡಾಗ ಬಾಯಲ್ಲಿ ನೀರೂರುವುದು ಸಹಜ. ಹಾಗೆಂದು ಪ್ಯಾಕೆಟ್ನಲ್ಲಿರುವ ಚಿಪ್ಸ್​ ಅನ್ನು ಬಿಡುವಿಲ್ಲದೆ ತಿನ್ನುತ್ತಿದ್ದರೆ ಆರೋಗ್ಯ ಹದಗೆಡವುದರಲ್ಲಿ ಅನುಮಾನವಿಲ್ಲ. ಹೀಗಾಗಿ ಅಂತಹ ತಿನ್ನಲೇ ಬೇಕೆಂದ ಸಂದರ್ಭಗಳಲ್ಲಿ ಶೇಂಗಾ ಅಥವಾ ಇನ್ನಿತರ ಆರೋಗ್ಯಕರ ಬೀಜಗಳನ್ನು ಹುರಿದಿಟ್ಟುಕೊಳ್ಳಿ. ಬಾದಾಮಿ, ಶೇಂಗಾ, ಪಿಸ್ತಾಗಳನ್ನು ತಿನ್ನಿರಿ. ಇವು ನಿಮ್ಮ ದೇಹಕ್ಕೆ ಸಾಕಷ್ಟು ಪ್ರಮಾಣದ ಪ್ರೊಟೀನ್​ಅನ್ನು ನೀಡಿ ದೇಹದ ಸ್ವಾಸ್ಥ್ಯವನ್ನು ಕಾಪಾಡುತ್ತದೆ.

ಇದನ್ನೂ ಓದಿ:

Paracetamol: ದಿನವೂ ಪ್ಯಾರಾಸಿಟಮಾಲ್ ತಿನ್ನುವುದರಿಂದ ಹೃದಯಾಘಾತ, ಬಿಪಿ ಅಪಾಯ ಹೆಚ್ಚು!

Published On - 11:35 am, Wed, 9 February 22