Simha Yearly Horoscope 2024: ಸಿಂಹ ರಾಶಿ ವರ್ಷ ಭವಿಷ್ಯ; ಸಂತೋಷ, ನೆಮ್ಮದಿ, ಪ್ರೀತಿ ಕುರಿತು ವಾರ್ಷಿಕ ಭವಿಷ್ಯ ಇಲ್ಲಿದೆ

ಸಿಂಹವು ರಾಶಿ ಚಕ್ರದ ಐದನೇ ರಾಶಿ. ಈ ರಾಶಿಯ ಅಧಿಪತಿ ಸೂರ್ಯ. ವರ್ಷಾರಂಭದಲ್ಲಿ ಪಂಚಮದಲ್ಲಿ ಕುಜನ ಜೊತೆ ಇರುವನು. ಇವನ ಉಚ್ಚ ರಾಶಿ ಮೇಷವಾಗಿದ್ದು ನೀಚ ಸ್ಥಾನ ತುಲಾ ಆಗಿದೆ. ಉಚ್ಚಸ್ಥಾನಕ್ಕೆ ಬಂದಾಗ ಅನೇಕ ಲಾಭಗಳನ್ನು ಉಂಟುಮಾಡುವನು.

2024ರ ಸಿಂಹ ರಾಶಿಯ ಭವಿಷ್ಯ

ಈ ರಾಶಿಯವರಿಗೆ ಮಧ್ಯದ ಸ್ಥಿತಿ ಇರಲಿದೆ. ಗುರುವು ವರ್ಷದ ಮಧ್ಯದಲ್ಲಿ ದಶಮಕ್ಕೆ ಇರಲಿದ್ದು ಇಷ್ಟು ದಿನಗಳ ಸಂತೋಷ, ನೆಮ್ಮದಿ, ಪ್ರೀತಿ ಎಲ್ಲವೂ ಕಡಿಮೆ ಆಗುವುದು. ಅಷ್ಟಮದಲ್ಲಿ ರಾಹುವಿರುವ ಕಾರಣ ಆರೋಗ್ಯದ ಬಗ್ಗೆ ಗಮನ, ಅನಾರೋಗ್ಯದಲ್ಲು ಕಾಳಜಿಯ ಅವಶ್ಯಕತೆ ಇರಲಿದೆ.

ಧನಾಗಮನ :

ದ್ವಿತೀಯದಲ್ಲಿ ಕೇತುವಿರುವ ಕಾರಣ ಸಂಪತ್ತಲ್ಲಿ ನಿಮಗೆ ಲಭಿಸುವುದು ಕಷ್ಟವಾದೀತು. ಅಧಿಕ ಸಂಪತ್ತಿನ ನಿರೀಕ್ಷೆಯನ್ನು ನೀವು ಮಾಡುವುದು ಬೇಡ. ದ್ವಿತೀಯಾಧಿಪತಿಯಾದ ಬುಧನು ದಶಮಸ್ಥಾನಕ್ಕೆ ಬಂದಾಗ ಧನವೃದ್ಧಿಯು ಇರುವುದು.

ಪ್ರೀತಿ ಮತ್ತು ವಿವಾಹ :

ಗುರುವು ನಿಮ್ಮ ದಶಮಸ್ಥಾನದಲ್ಲಿ ಇರವುದರಿಂದ‌ ಗುರುಬಲವು ಪೂರ್ಣವಾಗಿ ಇರದು. ಪ್ರೇಮವು ಉಂಟಾಗಬಹುದು. ಅದು ತಾತ್ಕಾಲಿಕವಾಗಿ ಇರಬಹುದು. ವಿವಾಹವು ಬೇರೆ ಬೇರೆ ಕಾರಣಗಳಿಂದ ಮುಂದೆ ಹೋಗುವುದು.

ವೃತ್ತಿ :

ಚಿತ್ರಕಲೆಯಲ್ಲಿ‌ ಆಸಕ್ತಿ ಇಟ್ಟುಕೊಂಡವರು, ಕಲಾವಿದರು ಉತ್ತಮ ಸ್ಥಾನವನ್ನು ಪಡೆದುಕೊಳ್ಳುವಿರಿ. ವಿಶೇಷವಾಗಿ ಇಂಜಿನಿಯರ್ ಗಳು ಹೆಚ್ಚಿನ ಆದಾಯ, ಹೊಸ ಯೋಜನೆಯನ್ನು ಪಡೆಯುವುದು, ಹಣದ ಹರಿವು ಅಧಿಕವಾಗುವುದು. ಕೃಷಿಯಲ್ಲಿಯೂ ಶ್ರಮಕ್ಕೆ ಯೋಗ್ಯವಾದ ಫಲವನ್ನು ಪಡೆಯುವಿರಿ.

ಆರೋಗ್ಯಸ್ಥಿತಿ :

ದ್ವಿತೀಯಾಧಿಪತಿಯಾದ ಬುಧನು ನಿಮ್ಮ ಆರೋಗ್ಯವನ್ನು ಕಾಪಾಡುವನು‌. ವರ್ಷದ ಮಧ್ಯಾವಧಿಯಲ್ಲಿ ಆರೋಗ್ಯದ ಮೇಲೆ ಗಮನ ಅವಶ್ಯಕ.‌ ಯಾವುದಾದರೂ ರೋಗವು ಕಾಣಿಸಿಕೊಂಡೀತು. ನಿರ್ಲಕ್ಷ್ಯ ಮಾಡದೇ ಸೂಕ್ತ ಚಿಕಿತ್ಸೆಯನ್ನು ಪಡೆಯಿರಿ.

ಲೋಹಿತ ಹೆಬ್ಬಾರ್, ಇಡುವಾಣಿ