Paytm: ಇಂಡಸ್​ಇಂಡ್ ಬ್ಯಾಂಕ್ ಎಫ್​ಡಿಯ ಮೂಲಕವೂ ಪೇಟಿಎಂ ಬಳಕೆದಾರರು ತಕ್ಷಣ ಪಾವತಿ ಮಾಡಬಹುದು

ಇಂಡಸ್​ಇಂಡ್​ ಬ್ಯಾಂಕ್​ನಲ್ಲಿ ಇರುವ ಫಿಕ್ಸೆಡ್ ಡೆಪಾಸಿಟ್​ ಖಾತೆಯನ್ನು ಬಳಸಿ ಡಿಜಿಟಲ್ ಪೇಮೆಂಟ್ ಅಂಡ್ ಫೈನಾನ್ಷಿಯಲ್ ಕಂಪೆನಿಯಾದ ಪೇಟಿಎಂ ಬಳಕೆದಾರರು ತಕ್ಷಣವೇ ಪಾವತಿ ಮಾಡಬಹುದು ಎಂದು ಸೋಮವಾರ ಘೋಷಣೆ ಮಾಡಲಾಗಿದೆ.

Paytm: ಇಂಡಸ್​ಇಂಡ್ ಬ್ಯಾಂಕ್ ಎಫ್​ಡಿಯ ಮೂಲಕವೂ ಪೇಟಿಎಂ ಬಳಕೆದಾರರು ತಕ್ಷಣ ಪಾವತಿ ಮಾಡಬಹುದು
ಪೇಟಿಎಮ್​ (ಪ್ರಾತಿನಿಧಿಕ ಚಿತ್ರ)
TV9kannada Web Team

| Edited By: Srinivas Mata

Jul 19, 2021 | 11:44 PM

ಡಿಜಿಟಲ್ ಪೇಮೆಂಟ್ ಅಂಡ್ ಫೈನಾನ್ಷಿಯಲ್ ಕಂಪೆನಿಯಾದ ಪೇಟಿಎಂನಿಂದ ಸೋಮವಾರ ಮಹತ್ವವಾದ ಘೋಷಣೆ ಮಾಡಲಾಗಿದೆ. ಅದರ ಪ್ರಕಾರವಾಗಿ, ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್​ನ ಗ್ರಾಹಕರು ತಮ್ಮ ಫಿಕ್ಸೆಡ್ ಡೆಪಾಸಿಟ್​ನ ಬ್ಯಾಲೆನ್ಸ್​ ಅನ್ನು ಬಳಸಿ ತಕ್ಷಣವೇ ಪಾವತಿ ಮಾಡಬಹುದು. ಆದರೆ ಫಿಕ್ಸೆಡ್​ ಡೆಪಾಸಿಟ್​ ಖಾತೆಯು ಪೇಟಿಎಂನ ಸಹಭಾಗಿ ಬ್ಯಾಂಕ್​ ಆದ ಇಂಡಸ್​ ಇಂಡ್​ ಬ್ಯಾಂಕ್​ನಲ್ಲಿ ಇರಬೇಕು. ಪೇಟಿಎಂ ಪೇಮೆಂಟ್ಸ್​ ಬ್ಯಾಂಕ್​ ತನ್ನ ಗ್ರಾಹಕರಿಗೆ ಸಹಭಾಗಿ ಬ್ಯಾಂಕ್ ಆದ ಇಂಡಸ್​ಇಂಡ್ ಬ್ಯಾಂಕ್​ನಲ್ಲಿ ಖಾತೆಯನ್ನು ತೆರೆಯಲು ಅವಕಾಶ ಮಾಡಿಕೊಡುತ್ತದೆ. “ಪೇಟಿಎಂ ಆಲ್-ಇನ್-ಒನ್ ಪೇಮೆಂಟ್ ಗೇಟ್​ ವೇ ಈಗ ಫಿಕ್ಸೆಡ್ ಡೆಪಾಸಿಟ್ (ಎಫ್​ಡಿ) ಬ್ಯಾಲೆನ್ಸ್ ಅನ್ನು ಸಹಭಾಗಿ ಪ್ಲಾಟ್​ಫಾರ್ಮ್​ನಲ್ಲಿ ಪಾವತಿ ಮಾಡಲು ಅವಕಾಶ ಮಾಡಿಕೊಡುತ್ತದೆ,” ಎಂದು ಹೇಳಿಕೆಯಲ್ಲಿ ಪೇಟಿಎಂ ತಿಳಿಸಿದೆ.

“ಇದು ಪೇಟಿಎಂ ಪೇಮೆಂಟ್​ ಬ್ಯಾಂಕ್​ ಲಿಮಿಟೆಡ್​ ಜತೆಗಿನ ಸಹಯೋಗವಾಗಿದೆ. ಅದರ ಖಾತೆದಾರರಾಗಿದ್ದು, ಇಂಡಸ್​ಇಂಡ್​ ಬ್ಯಾಂಕ್​ನಲ್ಲಿ ಇರುವ ಅವರ ಫಿಕ್ಸೆಡ್ ಡೆಪಾಸಿಟ್​ ಖಾತೆಯನ್ನು ಬಳಸಿ, ಎಲ್ಲ ಆನ್​ಲೈನ್ ಪ್ಲಾಟ್​ಫಾರ್ಮ್​ಗಳಲ್ಲೂ ತಕ್ಷಣವೇ ಪಾವತಿ ಮಾಡಬಹುದು. ಈ ಆವಿಷ್ಕಾರದ ಮೂಲಕವಾಗಿ ಗ್ರಾಹಕರು ತಮ್ಮ ಲಿಕ್ವಿಡಿಟಿಯನ್ನು ರಿಯಲ್​ ಟೈಮ್​ನಲ್ಲಿ ನಿರ್ವಹಿಸಿ, ಯಾವುದೇ ಅಡೆತಡೆ ಇಲ್ಲದೆ ಪಾವತಿ ಮಾಡಬಹುದು,” ಎಂದು ಸಂಸ್ಥೆಯು ಹೇಳಿದೆ. ಇನ್ನು ಗ್ರಾಹಕರು ಇಂಡಸ್​ಇಂಡ್ ಬ್ಯಾಂಕ್​ನಲ್ಲಿನ ಎಫ್​ಡಿಯನ್ನು ಪೇಟಿಎಂ ಪೇಮೆಂಟ್ ಬ್ಯಾಂಕ್ ಅಕೌಂಟ್​ಗೆ ರೀಡಿಮ್​ ಮಾಡಬಹುದು. ರಿಯಲ್​ ಟೈಮ್​ನಲ್ಲಿ ಮಾಡಬಹುದು ಹಾಗೂ ಆ ಹಣವನ್ನು ಬಳಸಿ, ಪಾವತಿ ಸಹ ಮಾಡಬಹುದು.

ಪೇಟಿಎಂ ಪೇಮೆಂಟ್ಸ್ ಗೇಟ್​ವೇ ಜತೆಗೆ ಈ ರೀತಿ ಸಹಭಾಗಿತ್ವ ಮಾಡಿ, ಫಿಕ್ಸೆಡ್ ಡೆಪಾಸಿಟ್ ಬಾಕಿಯನ್ನು ಪಾವತಿ ಮೂಲಕ್ಕೆ ಅಂತ ಬಳಸುತ್ತಿರುವುದು ಇದೇ ಮೊದಲ ಬಾರಿಯಾಗಿದೆ. ಈ ಮೂಲಕ ಗ್ರಾಹಕರಿಗೆ ತಮ್ಮ ಬಾಕಿಯನ್ನು ಲಿಕ್ಚಿಡೇಟ್ ಮಾಡಲು ಅನುಕೂಲವಾಗಿ, ರಿಯಲ್ ಟೈಮ್​ನಲ್ಲಿ ಸುಲಭವಾಗಿ ಪಾವತಿಸಬಹುದು ಎಂದು ಪೇಟಿಎಂ ಬ್ಯಾಂಕ್ ವಕ್ತಾರರು ತಿಳಿಸಿದ್ದಾರೆ. ಈ ವರ್ಷದ ಮಾರ್ಚ್ ಕೊನೆಯ 31ನೇ ತಾರೀಕಿನ ಹೊತ್ತಿಗೆ ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಮತ್ತು ಇಂಡಸ್​ಇಂಡ್ ಬ್ಯಾಂಕ್​ನ ವ್ಯವಸ್ಥೆ ಅಡಿಯಲ್ಲಿ 1750 ಕೋಟಿ ರೂಪಾಯಿ ಫಿಕ್ಸೆಡ್ ಡೆಪಾಸಿಟ್ ಇತ್ತು. ಇದಕ್ಕಾಗಿ ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್​ನ ಗ್ರಾಹಕರಿಗೆ ಯಾವುದೇ ಶುಲ್ಕವನ್ನಾಗಲಿ ಅಥವಾ ದಂಡವನ್ನಾಗಲಿ ವಿಧಿಸುವುದಿಲ್ಲ. ನೆನಪಿನಲ್ಲಿಡಿ, ಇಂಡಸ್​ಇಂಡ್ ಬ್ಯಾಂಕ್ ಸಹಯೋಗದಲ್ಲಿ ಎಫ್​ಡಿ ಖಾತೆ ತೆರೆದಿದ್ದು, ಅವಧಿಗೆ ಪೂರ್ವವಾಗಿ ತೆರೆದಿದ್ದರೂ ಯಾವುದೇ ಮೊತ್ತ ಕಡಿತ ಆಗುವುದಿಲ್ಲ. ಅಂದ ಹಾಗೆ ಮಾರ್ಚ್ 31, 2021ರ ಕೊನೆಗೆ ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್​ನಲ್ಲಿ 6.4 ಕೋಟಿ ಉಳಿತಾಯ ಖಾತೆಗಳಿದ್ದವು.

ಇದನ್ನೂ ಓದಿ: Paytm Postpaid Mini: ಪೋಸ್ಟ್​ಪೇಯ್ಡ್​ ಮಿನಿ ಆರಂಭಿಸಿದ ಪೇಟಿಎಂ; ರೂ. 1000 ತನಕ ಸಾಲ ನೀಡುವ ಹೊಸ ಯೋಜನೆ

(Paytm users can pay money instantly through IndusInd Bank fixed deposits)

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada