ರಾಜ್ಯದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 692ಕ್ಕೆ ಏರಿಕೆ, ಯಾವ ಜಿಲ್ಲೆಯಲ್ಲಿ ಎಷ್ಟೆಷ್ಟು?

ಬೆಂಗಳೂರು: ರಾಜ್ಯದಲ್ಲಿ ಹೊಸದಾಗಿ 19 ಜನರಿಗೆ ಕೊರೊನಾ ಸೋಂಕು ಪತ್ತೆಯಾಗಿದ್ದು, ಕರ್ನಾಟಕದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 692ಕ್ಕೆ ಏರಿಕೆಯಾಗಿದೆ. ಬಾಗಲಕೋಟೆ ಜಿಲ್ಲೆಯಲ್ಲಿ ಇಂದು ಒಂದೇ ದಿನ 13 ಜನರಿಗೆ ಸೋಂಕು ಅಟ್ಯಾಕ್ ಆಗಿದ್ದು, ದಕ್ಷಿಣ ಕನ್ನಡ 3, ಕಲಬುರಗಿ 1 ಹಾಗೂ ಬೆಂಗಳೂರಿನಲ್ಲಿ ಇಬ್ಬರಿಗೆ ಕೊರೊನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ.

ರಾಜಧಾನಿಯಲ್ಲಿ ಹೊಸದಾಗಿ ಇಬ್ಬರಿಗೆ ಅಟ್ಯಾಕ್: ಬೆಂಗಳೂರಿನಲ್ಲಿ ಹೊಸದಾಗಿ ಇಬ್ಬರಿಗೆ ಕೊರೊನಾ ಸೋಂಕು ಅಟ್ಯಾಕ್ ಆಗಿದೆ. 677ನೇ ಕೊರೊನಾ ಸೋಂಕಿತೆ 40 ವರ್ಷದ ಮಹಿಳೆ, 678ನೇ ಕೊರೊನಾ ಸೋಂಕಿತೆ 25 ವರ್ಷದ ಮಹಿಳೆಯಾಗಿದ್ದು, ಇವರಿಬ್ಬರಿಗೂ 654ನೇ ಸೋಂಕಿತರ ಸಂಪರ್ಕದಿಂದ ಕೊರೊನಾ ತಗುಲಿದೆ.

ಕಲಬುರಗಿಯಲ್ಲಿ ಇಂದು ಹೊಸದಾಗಿ ಒಬ್ಬರಿಗೆ ಸೋಂಕು ತಗುಲಿದ್ದು, 610ನೇ ಸೋಂಕಿತರ ಸಂಪರ್ಕದಿಂದ 679ನೇ ಕೊರೊನಾ ಸೋಂಕಿತ 52 ವರ್ಷದ ವ್ಯಕ್ತಿಗೆ ಅಟ್ಯಾಕ್ ಆಗಿದೆ.

ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಮತ್ತೆ ಮೂವರಿಗೆ ಕೊರೊನಾ: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಮತ್ತೆ ಮೂವರಿಗೆ ಕೊರೊನಾ ತಗುಲಿರುವುದು ದೃಢಪಟ್ಟಿದೆ. 674ನೇ ಕೊರೊನಾ ಸೋಂಕಿತೆ 11 ವರ್ಷದ ಬಾಲಕಿ, 675ನೇ ಕೊರೊನಾ ಸೋಂಕಿತೆ 35 ವರ್ಷದ ಮಹಿಳೆ, ಬೋಳೂರಿನ ತಾಯಿ, ಮಗಳಿಗೆ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ. ತಾಯಿ, ಮಗಳಿಗೆ  536ನೇ ಸೋಂಕಿತರಿಂದ ಸೋಂಕು ತಗುಲಿದೆ. 390ನೇ ಸೋಂಕಿತರ ಸಂಪರ್ಕದಿಂದ 676ನೇ ಕೊರೊನಾ ಸೋಂಕಿತೆ 16 ವರ್ಷದ ಬಾಲಕಿಗೆ ಅಟ್ಯಾಕ್ ಆಗಿದೆ.

ಬಾಗಲಕೋಟೆ ಜಿಲ್ಲೆಯಲ್ಲಿ 13 ಮಂದಿಗೆ ಅಟ್ಯಾಕ್: ಬಾಗಲಕೋಟೆ ಜಿಲ್ಲೆಯಲ್ಲಿ ಒಂದೇ ದಿನ 13 ಜನರಿಗೆ ಕೊರೊನಾ ದೃಢಪಟ್ಟಿದ್ದು, 607ನೇ ಸೋಂಕಿತೆ ಗರ್ಭಿಣಿಯಿಂದ 12 ಜನರಿಗೆ ಸೋಂಕು ತಗುಲಿದೆ. ತೀವ್ರ ಜ್ವರದಿಂದ ಬಳಲುತ್ತಿದ್ದ ಯುವತಿಗೆ ಕೊರೊನಾ ದೃಢಪಟ್ಟಿದೆ. 680ನೇ ಕೊರೊನಾ ಸೋಂಕಿತೆ 18 ವರ್ಷದ ಯುವತಿಯಾಗಿದ್ದಾರೆ.

Published On - 12:22 pm, Wed, 6 May 20