ಅಯೋಧ್ಯೆ ರಾಮ ಮಂದಿರ ಉದ್ಘಾಟನೆ ಕಾರ್ಯಕ್ರಮಕ್ಕೆ ಹೋಗಿದ್ದ ಲಿಂಗಾಯತ ಸ್ವಾಮೀಜಿಗಳ ವಿರುದ್ಧ ಪ್ರಭು ಚನ್ನಬಸವಶ್ರೀ ಕಿಡಿ

ಬೆಳಗಾವಿ, ಜನವರಿ 28: ಅಯೋಧ್ಯೆ (Ayodhya) ಶ್ರೀರಾಮ ಮಂದಿರ (Sriram Mandir) ಉದ್ಘಾಟನೆ ಕಾರ್ಯಕ್ರಮಕ್ಕೆ ಹೋಗಿದ್ದ ಲಿಂಗಾಯತ ಸ್ವಾಮೀಜಿಗಳ (Lingayt Swamiji) ವಿರುದ್ಧ ಅಥಣಿ (Athani) ಮೊಟಗಿ ಮಠದ ಪ್ರಭು ಚನ್ನಬಸವ ಸ್ವಾಮೀಜಿ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಬೆಳಗಾವಿಯಲ್ಲಿ ಶನಿವಾರ (ಜ.27) ರಂದು ನಡೆದ ಲಿಂಗಾಯತ ಪ್ರಥಮ ಮಹಿಳಾ ಸಮಾವೇಶದಲ್ಲಿ ಮಾತನಾಡಿದ ಅವರು, ಲಿಂಗಾಯತ ಧರ್ಮದ ಹೆಸರು ಹೇಳಿಕೆ ಜಗದ್ಗುರು ಆದರು. ನಮಗೆ ಸಮಾನತೆ, ಮೀಸಲಾತಿ ಬೇಕೆಂದು ಹೋರಾಡಿದರು. ಅವರಿಗೆ ನಾವು ಎಲ್ಲವನ್ನೂ ಕೊಟ್ಟಿದ್ದೇವೆ ಅವರು ಮಂದಿರದ ಉದ್ಘಾಟನೆಯಲ್ಲಿ ಪಾದಯಾತ್ರೆ ಮಾಡುತ್ತಾರೆ. ಅಂಥವರಿಗೆ ನಾನು ವೇದಿಕೆ ಮೂಲಕ ಧಿಕ್ಕಾರ ಹೇಳುತ್ತೇನೆ ಎಂದರು.

ನಮಗೆ ಸಮಾನತೆ ಬೇಕು, ಹಕ್ಕು ಬೇಕು, ಮೀಸಲಾತಿ ಬೇಕು ಎಂದು ಹೋರಾಡಿದರು. ಅವರಿಗೆ ನಾವು ಎಲ್ಲವನ್ನೂ ಕೊಟ್ಟಿದ್ದೇವೆ. ಅವರು ಹೋಗಿ ಮೊನ್ನೆ ಒಂದು ಮಂದಿರದ ಉದ್ಘಾಟನೆಯಲ್ಲಿ ಪಾದಯಾತ್ರೆ ಮಾಡುತ್ತಾರೆ. ನಮಗೆ ನೋವು ಆಗುತ್ತದೆ. ಯಾರ ಅನ್ನ ಊಟ ಮಾಡಿದ್ದೀರಿ, ಯಾರ ಆಶ್ರಯದಲ್ಲಿ ಬೆಳೆದಿರಿ ನೀವು. ಬಸವಣ್ಣ ನಿಮ್ಮ ನಾಯಕ ಆಗಬೇಕಿತ್ತು. ಬಸವಣ್ಣ ಧರ್ಮಗುರುವಾಗಿ ನಾವು ಹೃದಯದಲ್ಲಿ ಸ್ಥಾಪಿಸಿಕೊಳ್ಳಬೇಕಿತ್ತು ಎಂದು ರಾಮ ಮಂದಿರ ಉದ್ಘಾಟನೆ ಕಾರ್ಯಕ್ರಮಕ್ಕೆ ಹೋದ ಲಿಂಗಾಯತ ಸ್ವಾಮೀಜಿಗಳ ವಿರುದ್ಧ ಪ್ರಭು ಚನ್ನಬಸವ ಸ್ವಾಮೀಜಿ ಕಿಡಿಕಾರಿದರು.

ಇದನ್ನೂ ಓದಿ: ಅಯೋಧ್ಯೆ ಬಾಲರಾಮ ಪ್ರಾಣ ಪ್ರತಿಷ್ಠಾಪನೆ ನೆನಪಿಗಾಗಿ ಹಾರಿಸಲಾದ ಹನುಮ ಧ್ವಜ ತೆರವಿಗೆ ಮುಂದಾದ ಅಧಿಕಾರಿಗಳು, ಗ್ರಾಮಸ್ಥರ ಪ್ರತಿಭಟನೆ

12 ವರ್ಷ ವನವಾಸದಲ್ಲಿ ಇಟ್ಟವರು ಅವರು, ನಮಗೆ ಮುಖ್ಯವಲ್ಲ. ಮಹಿಳೆಯರಿಗೆ ಸಣ್ಣ ಸಣ್ಣ ಸೂಕ್ಷ್ಮತೆಗಳು ಅರ್ಥ ಆಗಬೇಕು. ಎಲ್ಲಾ ಕಡೆ ಜೈ ಜೈಕಾರ ಹಾಕೋದು ಬಿಟ್ಟು, ಈ ಸ್ವತಂತ್ರ ಧರ್ಮದ ದಿವ್ಯತೆಯ ಬಗ್ಗೆ ತಿಳಿದುಕೊಳ್ಳಲಿ. ಸೀತೆಮಾತೆ ಹೇಳತ್ತಾಳೆ ಶ್ರೀರಾಮ 12 ವರ್ಷ ನನನ್ನು ಕಾಡಿನಲ್ಲಿ ಬಿಟ್ಟೆಯಲ್ಲ, ಅದು ನನಗೆ ಬೇಸರಿಲ್ಲ,‌ ಈ ಸನಾತನ ವಾತಾವರಣದಲ್ಲಿ ಹೆಣ್ಣಾಗಿ ಹುಟ್ಟಿದ್ದು ತಪ್ಪು ಎನ್ನುತ್ತಾಳೆ. ಇವರು ನಮಗೆ ಆದರ್ಶ ಅಲ್ಲ ಎಂದು ಸ್ವಾಮೀಜಿ ವಿವಾದಾತ್ಮಕ ಹೇಳಿಕೆ ನೀಡಿದರು.

ಸತ್ಯವ್ವ, ಗಂಗಕ್ಕ ರಂತಹ ಶರಣೆಯರು ನಮ್ಮಗೆ ಆದರ್ಶ. ಸಮಾನತೆ ನೀಡಿದ್ದು ಲಿಂಗಾಯತ ಧರ್ಮ, ಶರಣ ಧರ್ಮ, ಬಸವ ಧರ್ಮ. ಮಹಿಳೆಯರು ಬಹಳ ಅಭಿಮಾನದಿಂದ ಬದುಕಿದ್ದಾರೆ,‌ ಇದು ಮಹಿಳಾ ಸಮಾನತೆ ಆಶಯ ಎಂದು ತಿಳಿಸಿದ್ದಾರೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ