ಪುಸ್ತಕ, ಲೇಖನ ಬರೆಯುವ ಉದ್ದೇಶ ಬಹಿರಂಗಪಡಿಸಿದ ಸುಧಾ ಮೂರ್ತಿ ​

ಬೆಳಗಾವಿ ಅ.10: ಇನ್ಫೋಸಿಸ್ (Infosys) ಫೌಂಡೇಶನ್‌ ಅಧ್ಯಕ್ಷೆ ಹಾಗೂ ಲೇಖಕಿ ಸುಧಾ ಮೂರ್ತಿ (Sudha Murthy) ಅವರು ಬೆಳಗಾವಿಯ (Belagavi) ಸಪ್ನ ಬುಕ್ ಹೌಸ್‌ನಲ್ಲಿ ಭಾನುವಾರ ಬೆಳಗಾವಿ ಬುಕ್ ಕ್ಲಬ್ ಸದಸ್ಯರೊಂದಿಗೆ ಸಂವಾದ ನಡೆಸಿದರು. ಸುಧಾ ಮೂರ್ತಿಯವರು ತಾವು ಪುಸ್ತಕ ಮತ್ತು ಲೇಖನಗಳನ್ನು ಬರೆಯಲು ಆರಂಭಿಸಿದ್ದು ಹೇಗೆ, ಹಿಂದಿನ ಕಾರಣವೇನು ಎಂಬುವುದರ ಬಗ್ಗೆ ತಿಳಿಸಿದರು. ಅಲ್ಲದೆ ಬರೆಯಲು ಪ್ರಾರಂಭಿಸಿದ್ದಾಗಿನಿಂದ ತಮಗೆ ಆದ ಅನುಭವಗಳನ್ನು ಸದಸ್ಯರೊಂದಿಗೆ ಹಂಚಿಕೊಂಡರು.

“ತಮ್ಮ ಜೀವನದಲ್ಲಿ ಆದ ಧನಾತ್ಮಕ ಅನುಭವಗಳು ಮತ್ತು ತಮ್ಮ ಕೆಲಸಗಳಿಗೆ ಧನಾತ್ಮಕ ಪ್ರತಿಕ್ರಿಯೆ ಬರಲು ಪ್ರಾರಂಭವಾದವು. ಇದರಿಂದ ಪ್ರೇರಣೆಗೊಂಡು ನಿಯಮಿತವಾಗಿ ಬರೆಯಲು ಆರಂಭಿಸಿದೆ” ಎಂದು ಲೇಖಕಿ ಸುಧಾ ಮೂರ್ತಿಯವರು ತಿಳಿಸಿದರು.

ಬೆಳಗಾವಿಯ ಬುಕ್ ಕ್ಲಬ್​​ ಜನರಲ್ಲಿ ಸಾಹಿತ್ಯದ ಪ್ರೀತಿಯನ್ನು ಬೆಳೆಸಲು ಮತ್ತು ಪುಸ್ತಕ ಉತ್ಸಾಹಿಗಳಿಗೆ ಉತ್ತಮ ವೇದಿಕೆಯಾಗಿದೆ. ಬುಕ್ ಕ್ಲಬ್​​ ಪ್ರತಿ ಭಾನುವಾರ ಸ್ನೇಹಶೀಲ ಕೆಫೆಗಳಿಂದ ಹಿಡಿದು ಸಮುದಾಯ ಭವನಗಳವರೆಗೆ ವಿವಿಧ ಸ್ಥಳಗಳಲ್ಲಿ ಭೇಟಿ ನೀಡಿ ಸಾಹಿತ್ಯದ ಅರಿವು ಮೂಡಿಸುತ್ತದೆ.

View this post on Instagram

A post shared by Belagavi Book Club (@belagavibookclub)

ಕ್ಲಬ್‌ಗೆ ಯಾವುದೇ ಪ್ರವೇಶ ಶುಲ್ಕವಿಲ್ಲ ಮತ್ತು ವೆಬ್‌ಸೈಟ್, www.bookreads.in/club ಅಥವಾ www.instagram.com/belagavibookclub Instagram ಹ್ಯಾಂಡಲ್​​ಗೆ ಭೇಟಿ ನೀಡುವ ಮೂಲಕ ಯಾರಾದರೂ ಸೇರಿಕೊಳ್ಳಬಹುದು ಎಂದು ಕ್ಲಬ್ ಅನ್ನು ಬೆಂಬಲಿಸುವ ರೋಸ್ಟ್ರಮ್ ಡೈರೀಸ್ ಸಂಸ್ಥಾಪಕ ಅಭಿಷೇಕ್ ಬೆಂಡಿಗೇರಿ ಹೇಳಿದರು.

ಬೆಳಗಾವಿ ಬುಕ್ ಕ್ಲಬ್, ರೋಸ್ಟ್ರಮ್ ಡೈರೀಸ್‌ನ ಸಹಯೋಗದೊಂದಿಗೆ ಲೇಖಕರನ್ನು ಮುಂಚೂಣಿಗೆ ತರಲು ಬದ್ಧವಾಗಿದೆ. ಸಪ್ನ ಬುಕ್ ಹೌಸ್ ನ ವ್ಯವಸ್ಥಾಪಕರಾದ ರಘು ಎಂ.ವಿ ಮತ್ತು ಮೇಘನಾ ಎಂ.ಆರ್ ಹಾಗೂ ಕ್ಲಬ್​​ನ ಇತರ ಸದಸ್ಯರು ಸಂವಾದದಲ್ಲಿ ಉಪಸ್ಥಿತರಿದ್ದರು. ರವಿವಾರ ಸಪ್ನಾ ಬುಕ್ ಹೌಸ್‌ನಲ್ಲಿ ನಡೆದ ಕೊನೆಯ ಸಭೆಯು ಅದ್ಭುತ ಯಶಸ್ಸನ್ನು ಕಂಡಿತು. ಬುಕ್ ಕ್ಲಬ್ ತಂಡಕ್ಕೆ ಸಾಹಿತ್ಯ ಆಸಕ್ತರು ಧನ್ಯವಾದ ಹೇಳಿದರು.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ