ಬೆಂಗಳೂರಿನ ಆರ್​​ಟಿ ನಗರದ ಈ ರಸ್ತೆಯಿಂದ ಮೂವರಿಗೆ ಕರ್ನಾಟಕದ ಮುಖ್ಯಮಂತ್ರಿ ಭಾಗ್ಯ! ಏನಿದು ವಾಸ್ತು ಲೆಕ್ಕಾಚಾರ?

ಬೆಂಗಳೂರು: ಕೆಲವರು ಅದರಲ್ಲೂ ರಾಜಕಾರಣಿಗಳಿಗೆ ಜ್ಯೋತಿಷ್ಯ, ವಾಸ್ತು ಬಗ್ಗೆ ಭಾರೀ ನಂಬಿಕೆ ಇರುತ್ತದೆ. ಪ್ರಧಾನಿಗಳಿಂದ ಹಿಡಿದು ತಳಮಟ್ಟದ ನಾಯಕರವರೆಗೂ ರಾಹುಕಾಲ, ಕಚೇರಿಯ ವಾಸ್ತು, ಜ್ಯೋತಿಷ್ಯಕ್ಕೆ ಭಾರೀ ಪ್ರಾಮುಖ್ಯತೆ ನೀಡುತ್ತಾರೆ. ಅದೇ ರೀತಿಯ ಆರ್​.ಟಿ. ನಗರದ ಈ ಒಂದು ರಸ್ತೆಯ ತಿರುವು ರಾಜ್ಯ ರಾಜಕಾರಣದಲ್ಲಿ ಬಹಳ ಮಹತ್ವ ಹೊಂದಿದೆ. ಇದೇ ಆರ್​ಟಿ ನಗರದ ಮೂವರು ರಾಜಕಾರಣಿಗಳು ಕರ್ನಾಟಕದ ಮುಖ್ಯಮಂತ್ರಿ ಸ್ಥಾನವನ್ನು ಅಲಂಕರಿಸಿದ್ದಾರೆ. ಅಲ್ಲದೆ, ಈ ರಸ್ತೆಯಲ್ಲಿ ರಾಜ್ಯದ ಘಟಾನುಘಟಿ ನಾಯಕರು ವಾಸವಾಗಿದ್ದಾರೆ. ಇದು ಅನಿರೀಕ್ಷಿತವೋ, ವಾಸ್ತು ಪರಿಣಾಮವೋ ಎಂಬುದನ್ನು ಹೇಳಲಾಗದು. 

ಈ ಮಾಹಿತಿ ಈಗ ಟ್ವಿಟ್ಟರ್​ನಲ್ಲಿ ಹರಿದಾಡುತ್ತಿದೆ. ಆರ್​ಟಿ ನಗರದ ಒಂದೇ ಬೀದಿಯಲ್ಲಿರುವ ಮೂವರು ಈಗಾಗಲೇ ರಾಜ್ಯದ ಮುಖ್ಯಮಂತ್ರಿಯಾಗಿದ್ದಾರೆ. ಮಾಜಿ ಮುಖ್ಯಮಂತ್ರಿಗಳಾದ ಎಸ್​.ಆರ್. ಬೊಮ್ಮಾಯಿ, ವೀರಪ್ಪ ಮೊಯ್ಲಿ ಹಾಗೂ ಹಾಲಿ ಸಿಎಂ ಬಸವರಾಜ ಬೊಮ್ಮಾಯಿ ಮನೆಗಳು ಇದೇ ಬೀದಿಯಲ್ಲಿವೆ. ಹಾಗಾಗಿ, ಮುಖ್ಯಮಂತ್ರಿ ಪಟ್ಟಕ್ಕೇರಲು ವಾಸ್ತುವೂ ಕಾರಣವಿರಬಹುದು ಎಂದು ಅನಿಲ್ ಲುಲ್ಲಾ ಎಂಬುವವರ ಟ್ವೀಟ್ ಮಾಡಿದ್ದಾರೆ.

I’m not sure if a house on a curve is good for #vastu. But this particular street in RT Nagar in @NammaBengaluroo has given #Karnataka 3 #CM’s – SR Bommai, @moilyv & now @BSBommai. Guess who lives at the end of this road? @dineshgrao. @BLRrocKS @KiranKS @Amitsen_TNIE @Ananthaforu

— anil lulla (@anil_lulla) July 29, 2021

‘ತಿರುವಿನಲ್ಲಿ ಮನೆಯಿದ್ದರೆ ವಾಸ್ತು ಪ್ರಕಾರ ಒಳ್ಳೆಯದೋ, ಕೆಟ್ಟದ್ದೋ ನನಗೆ ಗೊತ್ತಿಲ್ಲ. ಆದರೆ, ಆರ್​ಟಿ ನಗರದ ಇದೊಂದು ಬೀದಿಯಲ್ಲಿ ವಾಸವಾಗಿದ್ದ ಮೂವರು ಈ ರಾಜ್ಯದ ಮುಖ್ಯಮಂತ್ರಿಗಳಾಗಿದ್ದಾರೆ. ಎಸ್​.ಆರ್. ಬೊಮ್ಮಾಯಿ, ವೀರಪ್ಪ ಮೊಯ್ಲಿ ಹಾಗೂ ಬಸವರಾಜ ಬೊಮ್ಮಾಯಿಯನ್ನು ಕರ್ನಾಟಕದ ಮುಖ್ಯಮಂತ್ರಿಯಾಗಿ ಈ ಬೀದಿ ಕೊಟ್ಟಿದೆ. ಇನ್ನೊಂದು ವಿಶೇಷವಾದ ವಿಚಾರವೆಂದರೆ ಈ ರಸ್ತೆಯ ತುದಿಯಲ್ಲಿ ಕಾಂಗ್ರೆಸ್ ನಾಯಕ ದಿನೇಶ್ ಗುಂಡೂರಾವ್ ಸೇರಿದಂತೆ ಕೆಲವು ಸಂಪಾದಕರ ಮನೆಗಳೂ ಇವೆ’ ಎಂದು ಅನಿಲ್ ಲುಲ್ಲಾ ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ: Karnataka Breaking News LIVE: ಉತ್ತರ ಕನ್ನಡ ಪ್ರವಾಸದತ್ತ ಹೊರಟ ಸಿಎಂ ಬೊಮ್ಮಾಯಿ; ಸಚಿವ ಸ್ಥಾನಕ್ಕೆ ಲಾಬಿ ಜೋರು, ಯಾರೆಲ್ಲಾ ಫೀಲ್ಡ್​​ಗೆ ಇಳಿದಿದ್ದಾರೆ?

(Bengaluru RT Nagar Street have Given 3 Chief Ministers to Karnataka including Basavaraj Bommai)

Published On - 12:32 pm, Thu, 29 July 21