ಬೆಂಗಳೂರು: ಜಿಎಸ್ಟಿ ಕಚೇರಿ ಕಟ್ಟಡದಿಂದ ಜಿಗಿದು ಆಫೀಸ್ ಬಾಯ್ ಆತ್ಮಹತ್ಯೆ
ಜಿಎಸ್ಟಿ ಕಚೇರಿ ಕಟ್ಟಡದಿಂದ ಜಿಗಿದು ಕಚೇರಿ ಸಹಾಯಕ ಆತ್ಮಹತ್ಯೆ ಮಾಡಿಕೊಂಡಿರುವಂತ ಘಟನೆ ನಗರದ ಕ್ವೀನ್ಸ್ ರಸ್ತೆಯಲ್ಲಿರುವ ಜಿಎಸ್ಟಿ ಕಚೇರಿಯಲ್ಲಿ ನಡೆದಿದೆ.
ಬೆಂಗಳೂರು: ಜಿಎಸ್ಟಿ ಕಚೇರಿ ಕಟ್ಟಡದಿಂದ ಜಿಗಿದು ಕಚೇರಿ ಸಹಾಯಕ ಆತ್ಮಹತ್ಯೆ (Suicide) ಮಾಡಿಕೊಂಡಿರುವಂತ ಘಟನೆ ನಗರದ ಕ್ವೀನ್ಸ್ ರಸ್ತೆಯಲ್ಲಿರುವ ಜಿಎಸ್ಟಿ ಕಚೇರಿಯಲ್ಲಿ ನಡೆದಿದೆ. ಕಟ್ಟಡದಿಂದ ಜಿಗಿದು ಆಫೀಸ್ ಬಾಯ್ ಲಕ್ಷ್ಮಣ(26) ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಆತ್ಮಹತ್ಯೆಗೆ ನಿಖರ ಕಾರಣ ಏನೆಂಬುದು ತಿಳಿದುಬಂದಿಲ್ಲ. ಕಮರ್ಷಿಯಲ್ಸ್ಟ್ರೀಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಲಾಗಿದೆ.
ತಂದೆಯಿಂದಲೇ 5 ವರ್ಷದ ಮಗಳ ಹತ್ಯೆಗೆ ಯತ್ನ
ಬೆಂಗಳೂರು: ತಂದೆಯಿಂದಲೇ 5 ವರ್ಷದ ಮಗಳ ಹತ್ಯೆಗೆ ಯತ್ನಿಸಿರುವಂತಹ ಘಟನೆ ನಗರದಲ್ಲಿ ನಡೆದಿದ್ದು, ಆಂಧ್ರ ಮೂಲದ ಬಿಲ್ಡರ್ ವೆಂಕಟೇಶ್ವರ್ ರಾವ್ನನ್ನ ಹೆಚ್ಎಎಲ್ ಪೊಲೀಸರು ಬಂಧಿಸಿದ್ದಾರೆ. ಬರೀ ಹೆಣ್ಣು ಮಕ್ಕಳೇ ಆಗುತ್ತಿವೆ ಎಂದು 5 ವರ್ಷದ ಮಗಳ ಕುತ್ತಿಗೆ ಹಿಸುಕಿ ಕೊಲೆಗೆ ಯತ್ನಿಸಿದ್ದಾನೆ. 2016ರಲ್ಲಿ ರಾಧಿಕಾ ಜತೆ ವೆಂಕಟೇಶ್ವರ್ ರಾವ್ ವಿವಾಹ ಆಗಿದ್ದು, 2017 ರಲ್ಲಿ ಹೆಣ್ಣು ಮಗು ಆಗಿತ್ತು. ಎರಡನೇ ಮಗು ಗಂಡು ಮಗುವಿನ ನಿರೀಕ್ಷೆಯಲ್ಲಿದ್ದ ವೆಂಕಟೇಶ್ವರ ರಾವ್ ಕುಟುಂಬ, ಎರಡನೇ ಮಗುವು ಕೂಡ ಹೆಣ್ಣು ಮಗುವಾಗಿತ್ತು. ಬೇಸರಗೊಂಡ ಮಗುವಿನ ತಂದೆ ವೆಂಕಟೇಶ್ವರ ರಾವ್ನಿಂದ ಮೊದಲ ಮಗುವಿನ ಕೊಲೆಗೆ ಯತ್ನಿಸಲಾಗಿದೆ. ಈ ಬಗ್ಗೆ ಹೆಚ್ಎಎಲ್ ಪೊಲೀಸರಿಗೆ ದೂರು ನೀಡಿದ್ದ ಪತ್ನಿ ರಾಧಿಕಾ, ಪ್ರಕರಣ ಸಂಬಂಧ ವೆಂಕಟೇಶ್ವರ ರಾವ್ನನ್ನು ಪೊಲೀಸರು ಬಂಧಿಸಿದ್ದಾರೆ.
ಆಕಸ್ಮಿಕವಾಗಿ ನಾಲೆಗೆ ಬಿದ್ದ ಎತ್ತಿನಗಾಡಿ ರೈತ ಸಾವು:
ಮೈಸೂರು: ಆಕಸ್ಮಿಕವಾಗಿ ಎತ್ತಿನಗಾಡಿ ನಾಲೆಗೆ ಬಿದ್ದ ಪರಿಣಾಮ ರೈತ ಸಾವನ್ನಪ್ಪಿರುವಂತಹ ಘಟನೆ ಕೆ.ಆರ್.ನಗರ ತಾಲ್ಲೂಕು ಶ್ರೀರಾಮಪುರ ಗ್ರಾಮದಲ್ಲಿ ನಡೆದಿದೆ. ಕೆಸ್ತೂರು ಕೊಪ್ಪಲು ಗ್ರಾಮದ ಚಂದ್ರೇಗೌಡ (53) ಮೃತ ವ್ಯಕ್ತಿ. ತಮ್ಮ ಜಮೀನಿನಲ್ಲಿ ಕೆಲಸ ಮುಗಿಸಿ ಬರುತ್ತಿದ್ದಾಗ ಘಟನೆ ಸಂಭವಿಸಿದೆ. ರಾಮಸಮುದ್ರ ಬಲದಂಡೆ 2ನೇ ಬ್ರಾಂಚ್ಗೆ ಎತ್ತಿನಗಾಡಿ ಮಗುಚಿದೆ. ಚುಂಚನಕಟ್ಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಲಾಗಿದೆ.
ವ್ಯಕ್ತಿ ನಾಪತ್ತೆ: ಶವ ಹುಡುಕಿ ಕೊಡುವಂತೆ ಆಗ್ರಹ
ಬಾಗಲಕೋಟೆ: ಜೂನ್ 11 ರಂದು ವ್ಯಕ್ತಿ ಕಾಣೆಯಾಗಿದ್ದು, ಕುಟುಂಬಸ್ಥರಿಂದ ಕೊಲೆ ಮಾಡಲಾಗಿದೆ ಎಂಬ ಆರೋಪ ಮಾಡಲಾಗಿದೆ. ಬೈಲಪ್ಪ ಮಾದರ(40)ಕಾಣೆಯಾದ ವ್ಯಕ್ತಿ. ಬಾಗಲಕೋಟೆ ಎಸ್ಪಿ ಕಚೇರಿ ಮುಂದೆ ಕುಟುಂಬಸ್ಥರು, ದಲಿತ ಸಂಘಟನೆ ಕಾರ್ಯಕರ್ತರ ಪ್ರತಿಭಟನೆ ಮಾಡುತ್ತಿದ್ದು, ಶಂಕಿತ ವ್ಯಕ್ತಿಗಳ ಮೂಲಕ ಶವ ಹುಡುಕಿ ಕೊಡುವಂತೆ ಆಗ್ರಹಿಸುತ್ತಿದ್ದಾರೆ. ಕಣ್ಣೀರು ಹಾಕಿ ಪತ್ನಿ ಹಾಗೂ ಕುಟುಂಬಸ್ಥರು ಗೋಳಾಡುತ್ತಿದ್ದಾರೆ. ಮಾಂತೇಶ್ ನಾಯಕ್ ಹಾಗೂ ಅವರ ಕೆಲಸಗಾರರ ಕೊಲೆ ಮಾಡಿದ್ದಾರೆ ಎಂದು ಬೈಲಪ್ಪ ಕುಟುಂಬಸ್ಥರು ಸಂಶಯ ವ್ಯಕ್ತಪಡಿಸಿದ್ದಾರೆ. ಮಾಂತೇಶ್ ನಾಯಕ್ ಮನೆಯಲ್ಲಿ ಕೃಷಿ ಕಾರ್ಮಿಕನಾಗಿ ಬೈಲಪ್ಪ ಕೆಲಸ ಮಾಡುತ್ತಿದ್ದ. ಜೂನ್ ೧೧ ರಂದು ಸಂಜೆ ಊಟಕ್ಕೆ ಕರೆದು ಕೊಲೆ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಸದ್ಯ ಮಾಂತೇಶ್ ನಾಯಕ್ನನ್ನು ಕೆರೂರು ಠಾಣೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಇದನ್ನೂ ಓದಿ: India Post Recruitment 2022: 10ನೇ ತರಗತಿ ಪಾಸಾದವರಿಗೆ ಅಂಚೆ ಇಲಾಖೆಯಲ್ಲಿದೆ ಉದ್ಯೋಗಾವಕಾಶ