ಕಸ ತೆಗೆಯಲು ವಾರ್ಷಿಕ 100 ರೂ ನಿರ್ವಹಣಾ ವೆಚ್ಚ; ಬಿಡಿಎ ಅಧ್ಯಕ್ಷ ಎಸ್.ಆರ್ ವಿಶ್ವನಾಥ್ ಸ್ಪಷ್ಟನೆ

ಕಸ ತೆಗೆಯಲು ವಾರ್ಷಿಕ 100 ರೂ ನಿರ್ವಹಣಾ ವೆಚ್ಚ; ಬಿಡಿಎ ಅಧ್ಯಕ್ಷ ಎಸ್.ಆರ್ ವಿಶ್ವನಾಥ್ ಸ್ಪಷ್ಟನೆ
ಬಿಡಿಎ ಹೆಡ್ ಆಫೀಸ್

ಬಿಡಿಎ ಬಡಾವಣೆಗಳಲ್ಲಿ ನಿರ್ವಹಣೆ ವೆಚ್ಚ ಹೆಚ್ಚಳದಿಂದ ಖರೀದಿದಾರರ ಆಕ್ರೋಶದ ಕುರಿತು ಮಾಧ್ಯಮಗಳಿಗೆ ಸ್ಪಷ್ಟನೆ ನೀಡಿದರು. ಕೆಂಪೇಗೌಡ ಲೇಔಟ್​ನಲ್ಲಿ ಇನ್ನೂ ಮನೆಗಳನ್ನು ಕಟ್ಟಬೇಕಾಗಿದ್ದು, ಅಲ್ಲಿ 100 ರೂ ನಿರ್ವಹಣೆ ವೆಚ್ಚ ವಿನಾಯ್ತಿ‌ ನೀಡುವಂತೆ ಆಯುಕ್ತರಿಗೆ ತಿಳಿಸಿದ್ದೇವೆ: ಶಾಸಕ ಎಸ್.ಆರ್ ವಿಶ್ವನಾಥ್

TV9kannada Web Team

| Edited By: guruganesh bhat

Jun 29, 2021 | 3:06 PM

ಬೆಂಗಳೂರು: ಬಿಬಿಎಂಪಿ ವ್ಯಾಪ್ತಿಗೆ ಬರುವ ಕೆಲ ಬಡಾವಣೆಗಳನ್ನು ಬಿಡಿಎಗೆ ಸುಪರ್ದಿಗೆ ಇನ್ನೂ ನೀಡಿಲ್ಲ. ಆದರೆ, ಅಂತಹ ಬಡಾವಣೆಗಳಲ್ಲಿನ ಕಸವನ್ನು ಬಿಬಿಎಂಪಿ ತೆಗೆಯುವುದರಿಂದ ಬಿಡಿಎಗೆ ವಾರ್ಷಿಕ ಬಿಲ್ ಕಳಿಸುತ್ತಾರೆ. ಹೀಗಾಗಿ ವಾರ್ಷಿಕವಾಗಿ 100 ರೂ ನಿರ್ವಹಣೆ ವೆಚ್ಚವನ್ನು ನಿಗದಿಪಡಿಸಿದ್ದೇವೆ ಎಂದು ಬಿಡಿಎ ಅಧ್ಯಕ್ಷ ಮತ್ತು ಶಾಸಕ ಎಸ್.ಆರ್ ವಿಶ್ವನಾಥ್ ತಿಳಿಸಿದರು.

ಯಲಹಂಕದ ಅರಕೆರೆ ಗ್ರಾಮ ಸಭೆಯಲ್ಲಿ ಭಾಗವಹಿಸಿದ್ದ ಅವರು ಬಿಡಿಎ ಬಡಾವಣೆಗಳಲ್ಲಿ ನಿರ್ವಹಣೆ ವೆಚ್ಚ ಹೆಚ್ಚಳದಿಂದ ಖರೀದಿದಾರರ ಆಕ್ರೋಶದ ಕುರಿತು ಮಾಧ್ಯಮಗಳಿಗೆ ಸ್ಪಷ್ಟನೆ ನೀಡಿದರು. ಕೆಂಪೇಗೌಡ ಲೇಔಟ್​ನಲ್ಲಿ ಇನ್ನೂ ಮನೆಗಳನ್ನು ಕಟ್ಟಬೇಕಾಗಿದ್ದು, ಅಲ್ಲಿ 100 ರೂ ನಿರ್ವಹಣೆ ವೆಚ್ಚ ವಿನಾಯ್ತಿ‌ ನೀಡುವಂತೆ ಆಯುಕ್ತರಿಗೆ ತಿಳಿಸಿದ್ದೇವೆ. ಉಳಿದಂತೆ ಇತರರು ವಾರ್ಷಿಕ 100/200 ರೂ ನಿರ್ವಹಣೆಗೆ ಕಟ್ಟಲೇಬೇಕು. ಬಿಬಿಎಂಪಿ ವ್ಯಾಪ್ತಿಗೆ ಬರುವ ಕೆಲ ಬಡಾವಣೆಗಳನ್ನು ಬಿಡಿಎಗೆ ಸುಪರ್ದಿಗೆ ಇನ್ನೂ ನೀಡಿಲ್ಲ. ಆದರೆ, ಆ ಬಡಾವಣೆಗಳಲ್ಲಿನ ಕಸವನ್ನು ಬಿಬಿಎಂಪಿ ತೆಗೆಯುವುದರಿಂದ ಬಿಡಿಎಗೆ ವಾರ್ಷಿಕ ಬಿಲ್ ಕಳಿಸುತ್ತದೆ. ಹೀಗಾಗಿ ವಾರ್ಷಿಕ ನಿರ್ವಹಣೆ ವೆಚ್ಚವನ್ನು ನೀಡಬೇಕಾಗುತ್ತದೆ ಎಂದು ಅವರು ಸ್ಪಷ್ಟಪಡಿಸಿದರು.

ರೈತ ಮುಖಂಡ ಕೋಡಿಹಳ್ಳಿ ಚಂದ್ರಶೇಖರ್​ ವಿರುದ್ಧ ಜನರನ್ನು ಎತ್ತಿಕಟ್ಟಿದ ಆರೋಪದಡಿ ದೂರು ದಾಖಲು ರೈತ ಮುಖಂಡ ಕೋಡಿಹಳ್ಳಿ ಚಂದ್ರಶೇಖರ್​ ವಿರುದ್ಧ ದೂರು ಬಿಡಿಎ ಇಂಜಿನಿಯರ್​​ ಆರ್.ಕೆ.ಮೋಹನ್ ಎಂಬುವವರು ಬೆಂಗಳೂರಿನ ಹೈಗ್ರೌಂಡ್ಸ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಶಿವರಾಮ ಕಾರಂತ ಲೇಔಟ್​ ವಿರೋಧಿಸಿ ಧರಣಿ ನಡೆಸಿ ಬಿಡಿಎ ವಿರುದ್ಧ ಜನರನ್ನು ಎತ್ತಿಕಟ್ಟಿದ ಆರೋಪದಡಿ ಕೋಡಿಹಳ್ಳಿ ಚಂದ್ರಶೇಖರ್​ ವಿರುದ್ಧ ಕೆ.ಮೋಹನ್ ಎಂಬುವವರು ದೂರು ದಾಖಲಿಸಿದ್ದಾರೆ.

ಕೋಡಿಹಳ್ಳಿ ಚಂದ್ರಶೇಖರ್ ಜನರಿಗೆ​ ತಪ್ಪು ಮಾಹಿತಿ ನೀಡಿದ್ದಾರೆ. ಶಿವರಾಮ ಕಾರಂತ ಬಡಾವಣೆ ವಿಚಾರದಲ್ಲಿ ದಾರಿ ತಪ್ಪಿಸಿದ್ದಾರೆ. ಈಗಾಗಲೇ ನ್ಯಾಯಾಂಗ ನಿಂದನೆ ಅಡಿಯಲ್ಲಿ ನೋಟಿಸ್ ಕೂಡ ಕೊಡಲಾಗಿದೆ. ಪೊಲೀಸರು ಅವರ ವಿರುದ್ಧ ಎಫ್‌ಐಆರ್ ದಾಖಲಿಸಿದ್ದಾರೆ. ​ಸುಪ್ರೀಂಕೋರ್ಟ್​ ನೇಮಿಸಿದ್ದ ಸಮಿತಿಗೆ ದಾಖಲೆ ನೀಡದಂತೆ ಜನರ ದಾರಿ ತಪ್ಪಿಸಿ ಪ್ರತಿಭಟನೆ ಮಾಡಿಸಿದ್ದಾರೆಂದು ಆರೋಪಿಸಿ ಕೆ.ಮೋಹನ್ ಎಂಬುವವರು ದೂರು ನೀಡಿದ್ದಾರೆ.

ಇದನ್ನೂ ಓದಿ: ಮಧ್ಯಪ್ರದೇಶದಲ್ಲಿ ಜೂ.21ರಂದು ಕೊವಿಡ್​ 19 ಲಸಿಕೆ ಪಡೆದ 13 ವರ್ಷದ, ಅಂಗವಿಕಲ ಬಾಲಕ..!; ಇದೊಂದು ಮಹಾ ಎಡವಟ್ಟು

Big Update: ರಾಜ್ಯದಲ್ಲಿ ಕೊವಿಡ್ 3ನೇ ಅಲೆ ಎದುರಿಸಲು ಹೊಸ ಸಮಿತಿ ರಚನೆಗೆ ತೀರ್ಮಾನ

(BDA President MLA SR Vishwanath clarifies about 100 Rs annual maintenance cost for garbage disposal in some BDA sites)

Follow us on

Related Stories

Most Read Stories

Click on your DTH Provider to Add TV9 Kannada