ಬಿಟ್ ಕಾಯಿನ್ ಹಗರಣ: ಸಾರ್ವಜನಿಕರಿಂದ ಮಾಹಿತಿ ಕೋರಿದ ಸಿಐಡಿ, ಎಸ್​ಐಟಿ, ಇಲ್ಲಿದೆ ವಾಟ್ಸಪ್-ಇಮೇಲ್ ಐಡಿ

ಬೆಂಗಳೂರು, ಡಿ.20: ಬಿಟ್ ಕಾಯಿನ್(Bit Coin) ಹಗರಣಕ್ಕೆ ಸಂಬಂಧಪಟ್ಟಂತೆ ಸಿಐಡಿ(CID)ಹಾಗೂ ಎಸ್ಐಟಿ(SIT) ಸಾರ್ವಜನಿಕರಿಂದ ಮಾಹಿತಿ ನೀಡುವಂತೆ ಕೋರಿದ್ದಾರೆ. 2020-2021ರಲ್ಲಿ ಬಹು ವಿನಿಮಯ ಮತ್ತು ಗೇಮಿಂಗ್ ಪೋರ್ಟಲ್‌ಗಳ ಹ್ಯಾಕ್ ಹಾಗೂ ಕ್ರಿಪ್ಟೋಕರೆನ್ಸಿಗಳ ಹಗರಣದ ತಾಂತ್ರಿಕ ಮತ್ತು ಸಾಕ್ಷ್ಯಚಿತ್ರಗಳೆರಡರಲ್ಲೂ ಸಾಕಷ್ಟು ಪುರಾವೆಗಳನ್ನು ಸಂಗ್ರಹಿಸಿರುವ ಸಿಐಡಿ‌, ಎಸ್​ಐಟಿ. ಹೆಚ್ಚಿ‌ನ ತನಿಖೆ‌ಯ ಅಗತ್ಯ ಹಿನ್ನಲೆ ಸಾರ್ವಜನಿಕರಿಂದ ಮಾಹಿತಿ ನೀಡುವಂತೆ ಎಸ್​ಐಟಿ ಮನವಿ ಮಾಡಿದೆ.

ಮಾಹಿತಿ ಹೇಗೆ ನೀಡುವುದು?

ಕ್ರಿಪ್ಟೋಕರೆನ್ಸಿ ಹಗರಣವು ಈ ಹಿಂದೆ ಅಂತರಾಷ್ಟ್ರೀಯ ಮಟ್ಟದಲ್ಲಿ ಸುದ್ದಿಯಾಗಿತ್ತು. ಇದರ ತನಿಖೆ ಕೈಗೊಂಡಿದ್ದ ಎಸ್​ಐಟಿ, ಈಗಾಗಲೇ ಹಲವು ಮಾಹಿತಿಗಳನ್ನು ಸಂಗ್ರಹಿಸಿದೆ. ಆದರೆ, ಇನ್ನೂ ಹೆಚ್ಚಿನ ವಿಷಯ ತಿಳಿಯಬೇಕಿರುವುದರಿಂದ ಸಾರ್ವಜನಿಕರಿಂದ ಮಾಹಿತಿ ಪಡೆಯಲು ನಿರ್ಧರಿಸಿದೆ. ಇನ್ನು ಮಾಹಿತಿ ನೀಡಲು‌ ಸಂರ್ಪಕಿಸಬಹುದು ವಿಳಾಸ, ಕಾರ್ಲ್ಟನ್ ಹೌಸ್, ಅರಮನೆ ರಸ್ತೆಯಲ್ಲಿರುವ CID HQ ಅನ್ನು ಸಂಪರ್ಕಿಸಬಹುದು ಅಥವಾ sitcid2023@ksp.gov.in ಗೆ ಇಮೇಲ್ ಮಾಡಬಹುದು ಅಥವಾ 9480800151 ಗೆ WhatsApp ನಲ್ಲಿ ಸಂಪರ್ಕಿಸಬಹುದಾಗಿದೆ.

ಇದನ್ನೂ ಓದಿ:ಬಿಟ್ ಕಾಯಿನ್ ಪ್ರಕರಣದ ತನಿಖೆ ಚುರುಕು: ಪ್ರಮುಖ ಮೂರು ಆರೋಪಿಗಳ ಮನೆ ಮೇಲೆ ಎಸ್​ಐಟಿ ದಾಳಿ

ಈ ಹಿಂದಿನ ಬಿಜೆಪಿ ಸರ್ಕಾರದ ಅವಧಿಯಲ್ಲಿ ನಡೆದಿದ್ದ ಬಿಟ್ ಕಾಯಿನ್ ಪ್ರಕರಣದ ತನಿಖೆಯನ್ನು ಎಸ್​ಐಟಿ ಅಧಿಕಾರಿಗಳು ಚುರುಕುಗೊಳಿಸಿದ್ದರು. ಹಿರಿಯ ಐಪಿಎಸ್ ಅಧಿಕಾರಿ ಮನೀಷ್ ಕರ್ಬಿಕರ್ ನೇತೃತ್ವದಲ್ಲಿ SIT ತಂಡ ರಚಿಸಲಾಗಿತ್ತು. ಇದೀಗ ಈ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಇನ್ನೂ ಹೆಚ್ಚಿನ ವಿಷಯ ತಿಳಿಯಬೇಕಿರುವುದರಿಂದ ಸಾರ್ವಜನಿಕರಿಂದ ಮಾಹಿತಿ ಪಡೆಯಲು ಮುಂದಾಗಿದೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ