ಹಲವು ಪ್ರಮುಖ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಪ್ರಧಾನಿ ಮೋದಿಗೆ ಸಿಎಂ ಡಿಕೆ ಶಿವಕುಮಾರ್​​ ಪತ್ರ: ಇಲ್ಲಿದೆ ಮಾಹಿತಿ

ಬೆಂಗಳೂರು, ನವೆಂಬರ್​​ 13: ಕರ್ನಾಟಕದ ಪ್ರಮುಖ ಮೂಲಸೌಕರ್ಯ ಆದ್ಯತೆಗಳು ಹಾಗೂ ತುರ್ತು ಸಮಸ್ಯೆಗಳನ್ನು ಪ್ರಧಾನಿ ನರೇಂದ್ರ ಮೋದಿ ಅವರ ಗಮನಕ್ಕೆ ತಂದಿರುವ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್​​, ಸಮಗ್ರ ಮನವಿ ಪತ್ರವನ್ನು ಸಲ್ಲಿಸಿದ್ದಾರೆ. ಈ ಬಗ್ಗೆ ಎಕ್ಸ್​​ ಪೋಸ್ಟ್​​ ಮೂಲಕವ ಸ್ವತಃ ಅವರೇ ಮಾಹಿತಿ ಹಂಚಿಕೊಂಡಿದ್ದು, ಮೆಟ್ರೋ ಹಣಕಾಸು ಮತ್ತು ಸುಧಾರಣೆಗಳು, ಡಬಲ್ ಡೆಕ್ಕರ್ ರಸ್ತೆ, ಬರ ಪರಿಹಾರ, ಕಬ್ಬು ಬೆಳೆಗಾರರ ಸಮಸ್ಯೆ ಸೇರಿದಂತೆ ವಿವಿಧ ವಿಚಾರಗಳ ಬಗ್ಗೆ ಮನವಿಯಲ್ಲಿ ಉಲ್ಲೇಖಿಸಿರೋದಾಗಿ ತಿಳಿಸಿದ್ದಾರೆ.

ಪ್ರಧಾನಿ ಮೋದಿ ಬಳಿ ಸಿಎಂ ಡಿಕೆಶಿ ಪ್ರಮುಖ ಬೇಡಿಕೆಗಳೇನು?

I submitted a detailed memorandum to Hon’ble Prime Minister Shri Narendra Modi, placing Karnataka’s key infrastructure priorities and pressing concerns before the Union Government. I have outlined the following demands for urgent consideration:

1. Metro Financing and Reforms: Ensure a fairer Centre-State financial partnership, shared responsibility for operational losses and foreign-exchange risks, affordable long-term loans, time-bound approvals, realistic city-specific cost assessments and a National Technical Institution for Metros.

2. Double-Decker Infrastructure: Grant permission for double-decker road and Metro infrastructure wherever technically feasible, safe and economically justified, with Karnataka ready to bear the additional cost.

3. Bengaluru Metro Phase 3A: Grant early approval for the Sarjapur-Hebbal Red Line to strengthen connectivity across major residential and employment centres and improve access towards the airport.

4. Drought Relief: Expedite the approval and release of ₹22,400.58 crore in NDRF assistance to support farmers facing severe crop losses, drinking water shortages and fodder scarcity.

5. Sugarcane Farmers: Address farmers’ demand for ₹5,500 per tonne against the 2026-27 FRP of ₹3,650, revise the Sugar MSP and introduce policy reforms that account for returns from ethanol and other by-products.

6. Western Ghats: Reconsider the Eco-Sensitive Area notification under the Kasturirangan Report, undertake a ground-level survey and consult Karnataka while protecting the livelihoods of people living in the region.

I look forward to the Union Government’s positive consideration of these demands. Karnataka is committed to working constructively with the Centre to advance infrastructure, protect farmers’ interests and safeguard the livelihoods of our people.

— DK Shivakumar (@DKShivakumar) November 13, 2026

• ಮೆಟ್ರೋ ಹಣಕಾಸು ಮತ್ತು ಸುಧಾರಣೆಗಳು: ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳ ನಡುವಿನ ಹಣಕಾಸು ಪಾಲುದಾರಿಕೆಯನ್ನು ಹೆಚ್ಚು ನ್ಯಾಯಯುತಗೊಳಿಸಬೇಕು. ಕಾರ್ಯಾಚರಣೆಯಲ್ಲಿನ ನಷ್ಟ ಹಾಗೂ ವಿದೇಶಿ ವಿನಿಮಯದ ಅಪಾಯಗಳನ್ನು ಎರಡೂ ಸರ್ಕಾರಗಳು ಹಂಚಿಕೊಳ್ಳಬೇಕು. ಕೈಗೆಟುಕುವ ಬಡ್ಡಿದರದಲ್ಲಿ ದೀರ್ಘಾವಧಿ ಸಾಲ, ಕಾಲಮಿತಿಯೊಳಗೆ ಅನುಮೋದನೆ, ನಗರವಾರು ವಾಸ್ತವಿಕ ವೆಚ್ಚದ ಅಂದಾಜು ಹಾಗೂ ಮೆಟ್ರೋ ವ್ಯವಸ್ಥೆಗಳಿಗಾಗಿ ರಾಷ್ಟ್ರೀಯ ತಾಂತ್ರಿಕ ಸಂಸ್ಥೆಯನ್ನು ಸ್ಥಾಪಿಸಬೇಕು.
• ಡಬಲ್ ಡೆಕ್ಕರ್ ಮೂಲಸೌಕರ್ಯ: ತಾಂತ್ರಿಕವಾಗಿ ಸಾಧ್ಯವಿರುವ, ಸುರಕ್ಷಿತ ಹಾಗೂ ಆರ್ಥಿಕವಾಗಿ ಸೂಕ್ತವಾಗಿರುವ ಪ್ರದೇಶಗಳಲ್ಲಿ ಡಬಲ್ ಡೆಕ್ಕರ್ ರಸ್ತೆ ಮತ್ತು ಮೆಟ್ರೋ ಮೂಲಸೌಕರ್ಯ ನಿರ್ಮಾಣಕ್ಕೆ ಅನುಮತಿ ನೀಡಬೇಕು. ಇದಕ್ಕಾಗಿ ಹೆಚ್ಚುವರಿ ವೆಚ್ಚವನ್ನು ಭರಿಸಲು ಕರ್ನಾಟಕ ಸಿದ್ಧವಿದೆ.
• ಬೆಂಗಳೂರು ಮೆಟ್ರೋ 3A ಹಂತ: ಪ್ರಮುಖ ವಸತಿ ಹಾಗೂ ಉದ್ಯೋಗ ಕೇಂದ್ರಗಳ ನಡುವಿನ ಸಂಪರ್ಕವನ್ನು ಬಲಪಡಿಸಲು ಮತ್ತು ವಿಮಾನ ನಿಲ್ದಾಣದತ್ತ ಸಂಚಾರವನ್ನು ಸುಗಮಗೊಳಿಸಲು, ಸರ್ಜಾಪುರ-ಹೆಬ್ಬಾಳ ರೆಡ್ ಲೈನ್ ಯೋಜನೆಗೆ ಶೀಘ್ರ ಅನುಮೋದನೆ ನೀಡಬೇಕು.
• ಬರ ಪರಿಹಾರ: ಬೆಳೆ ನಷ್ಟ, ಕುಡಿಯುವ ನೀರಿನ ಕೊರತೆ ಹಾಗೂ ಜಾನುವಾರುಗಳಿಗೆ ಮೇವಿನ ಅಭಾವ ಎದುರಿಸುತ್ತಿರುವ ರೈತರ ನೆರವಿಗಾಗಿ ಎನ್‌ಡಿಆರ್‌ಎಫ್ (NDRF) ಅಡಿಯಲ್ಲಿ 22,400.58 ಕೋಟಿ ರೂಪಾಯಿ ಪರಿಹಾರ ಮೊತ್ತಕ್ಕೆ ಶೀಘ್ರ ಅನುಮೋದನೆ ನೀಡಿ ಬಿಡುಗಡೆ ಮಾಡಬೇಕು.
• ಕಬ್ಬು ಬೆಳೆಗಾರರ ಸಮಸ್ಯೆ: 2026-27ನೇ ಸಾಲಿನ ನ್ಯಾಯಯುತ ಮತ್ತು ಲಾಭದಾಯಕ ಬೆಲೆ (FRP) ಪ್ರತಿ ಟನ್‌ಗೆ 3,650 ರೂಪಾಯಿ ನಿಗದಿಪಡಿಸಿರುವ ಹಿನ್ನೆಲೆಯಲ್ಲಿ, ರೈತರು ಪ್ರತಿ ಟನ್‌ಗೆ 5,500 ರೂಪಾಯಿ ನೀಡಬೇಕೆಂಬ ಬೇಡಿಕೆಯನ್ನು ಪರಿಗಣಿಸಬೇಕು. ಸಕ್ಕರೆಯ ಕನಿಷ್ಠ ಮಾರಾಟ ಬೆಲೆ (Sugar MSP) ಪರಿಷ್ಕರಿಸಬೇಕು. ಎಥೆನಾಲ್ ಹಾಗೂ ಇತರ ಉಪ ಉತ್ಪನ್ನಗಳಿಂದ ದೊರೆಯುವ ಆದಾಯವನ್ನೂ ಪರಿಗಣಿಸುವ ನೀತಿ ಸುಧಾರಣೆಗಳನ್ನು ಜಾರಿಗೆ ತರಬೇಕು.
• ಪಶ್ಚಿಮ ಘಟ್ಟಗಳು: ಕಸ್ತೂರಿರಂಗನ್ ವರದಿಯ ಆಧಾರದ ಮೇಲೆ ಹೊರಡಿಸಿರುವ ಪರಿಸರ ಸೂಕ್ಷ್ಮ ವಲಯ (ESA) ಅಧಿಸೂಚನೆಯನ್ನು ಮರುಪರಿಶೀಲಿಸಬೇಕು. ಸ್ಥಳಮಟ್ಟದ ಸಮೀಕ್ಷೆ ನಡೆಸಿ, ಈ ಪ್ರದೇಶದಲ್ಲಿ ವಾಸಿಸುವ ಜನರ ಜೀವನೋಪಾಯಕ್ಕೆ ಧಕ್ಕೆಯಾಗದಂತೆ ಕರ್ನಾಟಕ ಸರ್ಕಾರದೊಂದಿಗೆ ಸಮಾಲೋಚನೆ ನಡೆಸಬೇಕು.

ಇದನ್ನೂ ಓದಿ: ಕಾಸ್ಮೋಸ್ ತಾರಾಲಯದ ಮೂಲಕ ಮೈಸೂರು ಕೂಡ ಭಾರತದ ವೈಜ್ಞಾನಿಕ ಪಯಣಕ್ಕೆ ಹೊಸ ಅಧ್ಯಾಯ ಸೇರಿಸಿದೆ: ನರೇಂದ್ರ ಮೋದಿ

ಇನ್ನು ತಾವು ಮುಂದಿಟ್ಟಿರುವ ಬೇಡಿಕೆಗಳನ್ನು ಕೇಂದ್ರ ಸರ್ಕಾರ ಸಕಾರಾತ್ಮಕವಾಗಿ ಪರಿಗಣಿಸಲಿದೆ ಎಂಬ ನಿರೀಕ್ಷೆಯಿದೆ. ಮೂಲಸೌಕರ್ಯ ಅಭಿವೃದ್ಧಿ, ರೈತರ ಹಿತಾಸಕ್ತಿ ರಕ್ಷಣೆ ಹಾಗೂ ಜನರ ಜೀವನೋಪಾಯದ ಸಂರಕ್ಷಣೆಗಾಗಿ ಕೇಂದ್ರ ಸರ್ಕಾರದೊಂದಿಗೆ ರಚನಾತ್ಮಕವಾಗಿ ಕಾರ್ಯನಿರ್ವಹಿಸಲು ಕರ್ನಾಟಕ ಬದ್ಧವಾಗಿದೆ ಎಂದು ಸಿಎಂ ಡಿ.ಕೆ. ಶಿವಕುಮಾರ್​​ ತಿಳಿಸಿದ್ದಾರೆ.

ಮತ್ತಷ್ಟು ಸುದ್ದಿ ಓದಲು ಇಲ್ಲಿ ಕ್ಲಿಕ್​​ ಮಾಡಿ.

Published On - 7:11 pm, Fri, 13 November 26