ನಕ್ಸಲ್ ಅಂದ್ರೆ ದೇಶಪ್ರೇಮಿಗಳು, ಸಮಾನತೆಗಾಗಿ ಹೋರಾಟ ಮಾಡ್ತಿರೋರು: ಸುಪ್ರೀಂಕೋರ್ಟ್‌ನ ನಿವೃತ್ತ ನ್ಯಾಯಮೂರ್ತಿ ಗೋಪಾಲಗೌಡ

ಬೆಂಗಳೂರು, ಸೆಪ್ಟೆಂಬರ್​​ 30: ನಕ್ಸಲ್ ಅಂದ್ರೆ ದೇಶಪ್ರೇಮಿಗಳು, ಸಮಾನತೆಗಾಗಿ ಹೋರಾಟ ಮಾಡ್ತಿರೋರು ಎಂದು ಸುಪ್ರೀಂಕೋರ್ಟ್‌ನ ನಿವೃತ್ತ ನ್ಯಾಯಮೂರ್ತಿ ಗೋಪಾಲಗೌಡ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. ನಕ್ಸಲೀಯರು ಅಂದರೆ ಯಾರು?, ಅವರೆಲ್ಲ ಸಾಹಿತಿಗಳು, ಡಾಕ್ಟರ್‌ಗಳು. ಜೆನ್ ಝೀ ಹೋರಾಟದಿಂದ ಭಯ ಬಂದಿದೆಯಲ್ಲಾ, ಅವರನ್ನೆಲ್ಲಾ ನಕ್ಸಲ್ ಅಂತೀರಿ ಎಂದು ಅವರು ಹೇಳಿದ್ದಾರೆ. ಚುನಾವಣಾ ಆಯೋಗದ ವಿರುದ್ಧವೂ ಗೋಪಾಲಗೌಡ ಇದೇ ವೇಳೆ ವಾಗ್ದಾಳಿ ನಡೆಸಿದ್ದಾರೆ.

‘ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್‌ ಒಬ್ಬ ಫ್ರಾಡ್’

ತಾನೊಬ್ಬ ಸುಪ್ರೀಂಕೋರ್ಟ್ ನೀವೃತ್ತ ನ್ಯಾಯಮೂರ್ತಿ. SIRನಲ್ಲಿ ನನಗೂ ಚುನಾವಣಾ ಆಯೋಗ ನೊಟೀಸ್ ಕೊಟ್ಟಿದೆ. ಹೆಸರಿನ ಮುಂದೆ ನ್ಯಾ. ಹೇಗೆ ಬಂತು ಎಂದು ಸಂವಿಧಾನಬದ್ಧ ಹುದ್ದೆಯಲ್ಲಿ ಇದ್ದವನಿಗೆ ನೊಟೀಸ್ ಕೊಟ್ಟಿದ್ದಾರೆ. ಮುಖ್ಯ ಚುನಾವಣಾ ಆಯುಕ್ತನನ್ನು ಕೇವಲ ರಾಜೀನಾಮೆ ಕೊಡಿಸುವುದಲ್ಲ. ಸಂವಿಧಾನದ ಕಗ್ಗೊಲೆ ಮಾಡಿದ ಆತನನ್ನು ಜೈಲಿಗೆ ಹಾಕಬೇಕು. ಇಬ್ಬರು ಚುನಾವಣಾ ಆಯುಕ್ತರು 10 ತಿಂಗಳಲ್ಲಿ 14 ಸಲ ಆಕ್ಷೇಪಣೆ ಸಲ್ಲಿಸಿದ್ದರು. ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್‌ ಒಬ್ಬ ಫ್ರಾಡ್, ಫ್ರಾಡೆಸ್ಟ್. ಹೊಸದಾಗಿ ಮತದಾರರ ಪಟ್ಟಿಯಲ್ಲಿ ಸೇರಲು ಅನಗತ್ಯ ಅಂಶ ಸೇರಿಸಲಾಗಿದೆ. ಆ ಮೂಲಕ ಹೊಸದಾಗಿ ಮತಪಟ್ಟಿಗೆ ಸೇರಲು ಸಾಧ್ಯವಾಗದಂತೆ ಮಾಡಿದ್ದಾರೆ. ಸಾವರ್ನಿಟಿಯನ್ನು ಮುಖ್ಯಚುನಾವಣಾ ಆಯುಕ್ತ ಹೈಜಾಕ್ ಮಾಡಿದ್ದಾರೆ ಎಂದವರು ಆರೋಪಿಸಿದ್ದಾರೆ.

ಇದನ್ನೂ ಓದಿ: ತೀವ್ರ ವಿರೋಧಕ್ಕೆ ಮಣಿದ ಚುನಾವಣಾ ಆಯೋಗ: ಹೊಸ ಮತದಾರರ ನೋಂದಣಿಗೆ ತಂದಿದ್ದ ವಿವಾದಾತ್ಮಕ ಫಾರಂ-6 ಹೆಚ್ಚುವರಿ ಷರತ್ತು ವಾಪಸ್

ನ್ಯಾಯಾಂಗ ವ್ಯವಸ್ಥೆ ಫೇಲ್ ಆಗಿದ್ದು, 75 ವರ್ಷಗಳ ಪ್ರಜಾಪ್ರಭುತ್ವ ರಾಷ್ಟ್ರದಲ್ಲಿ ಸ್ಕ್ಯಾಮ್ ನಡೆಯುತ್ತಿದೆ. ಪ್ರಪಂಚದಲ್ಲಿ ಇಂತಹ ಸ್ಕ್ಯಾಮ್ ಎಲ್ಲೂ ಕೂಡ ನಡೆದಿಲ್ಲ. ಮತದಾರರ ಪಟ್ಟಿ ಪರಿಷ್ಕರಣೆ ಮಾಡಬೇಡಿ ಅಂತಾ ನಾವು ಹೇಳ್ತಿಲ್ಲ. ಆದರೆ ಕಾನೂನುಬದ್ಧವಾಗಿ ಪರಿಷ್ಕರಣೆ ಆಗ್ತಿಲ್ಲ. ಸಿಇಸಿ ಜ್ಞಾನೇಶ್ ಕುಮಾರ್ ಟೆರರಿಸ್ಟ್​​ಗಿಂತ ಮಿಗಿಲಾಗಿದ್ದು, ದೇಶದಲ್ಲಿ 13 ಕೋಟಿ ಮತದಾರರ ಹೆಸರನ್ನು ತೆಗೆದುಹಾಕಿದ್ದಾರೆ ಎಂದವರು ವಾಗ್ದಾಳಿ ನಡೆಸಿದ್ದಾರೆ.

ಮತ್ತಷ್ಟು ಸುದ್ದಿ ಓದಲು ಇಲ್ಲಿ ಕ್ಲಿಕ್​​ ಮಾಡಿ.