ಬೆಂಗಳೂರು – ಹುಬ್ಬಳ್ಳಿ ಮಾರ್ಗದ ರೈಲು ಸಂಚಾರ ವ್ಯತ್ಯಯ, ಹಲವು ರೈಲು ರದ್ದು, ಕೆಲವರ ಮಾರ್ಗ ಬದಲಾವಣೆ; ಇಲ್ಲಿದೆ ವಿವರ

ಬೆಂಗಳೂರು: ಹುಬ್ಬಳ್ಳಿ – ಚಿಕ್ಕಜಾಜೂರು ಭಾಗದ (Chikjajur-Hubballi section) ರೈಲು ಹಳಿಯ ಜೋಡಿ ಮಾರ್ಗ ಎರಡನೇ ಹಂತದ ಕಾಮಗಾರಿ ಹಿನ್ನೆಲೆಯಲ್ಲಿ ರೈಲು ಸಂಚಾರದಲ್ಲಿ (Train Service) ಮುಂದಿನ ಕೆಲವು ದಿನಗಳವರೆಗೆ ವ್ಯತ್ಯಯವಾಗಲಿದೆ. ಕೆಲವು ರೈಲುಗಳ ಸಂಚಾರ ರದ್ದಾಗಿದ್ದರೆ, ಇನ್ನು ಕೆಲವು ರೈಲುಗಳ ಮಾರ್ಗ ಬದಲಾವಣೆ ಮಾಡಲಾಗಿದೆ. ಹಿಗಾಗಿ ಬೆಂಗಳೂರು – ಹುಬ್ಬಳ್ಳಿ ಮಾರ್ಗದಲ್ಲಿ ರೈಲು ಪ್ರಯಾಣ ಮಾಡುವವರು ಮೊದಲೇ ರದ್ದಾಗಿರುವ, ಮಾರ್ಗ ಬದಲಾವಣೆಯಾಗಿರುವ ರೈಲುಗಳ ವಿವರ ತಿಳಿದುಕೊಂಡು ಯೋಜನೆ ರೂಪಿಸಿಕೊಳ್ಳುವುದು ಉತ್ತಮ. ರೈಲು ರದ್ದು, ಮಾರ್ಗ ಬದಲಾವಣೆ ಹಾಗೂ ಭಾಗಶಃ ರದ್ದತಿಯ ವಿವರಗಳನ್ನು ಇಲ್ಲಿ ನೀಡಲಾಗಿದೆ.

1. ರೈಲು ಸಂಖ್ಯೆ 16214 ಎಸ್​ಎಸ್​ಎಸ್ ಹುಬ್ಬಳ್ಳಿ ಅರಸೀಕೆರೆ ಡೈಲಿ ಎಕ್ಸ್​​ಪ್ರೆಸ್​ ಸಂಚಾರ ಮಾರ್ಚ್​ 4ರ ವರೆಗೆ ರದ್ದಾಗಿದೆ.
2. ರೈಲು ಸಂಖ್ಯೆ 16213 ಅರಸೀಕೆರೆ ಎಸ್​ಎಸ್​ಎಸ್ ಹುಬ್ಬಳ್ಳಿ ಡೈಲಿ ಎಕ್ಸ್​​ಪ್ರೆಸ್​ ಸಂಚಾರ ಮಾರ್ಚ್​ 1ರಿಂದ ರದ್ದಾಗಿದೆ.
3. ರೈಲು ಸಂಖ್ಯೆ 17347/48 ಎಸ್​ಎಸ್​ಎಸ್ ಹುಬ್ಬಳ್ಳಿ – ಚಿತ್ರದುರ್ಗ ಎಸ್​ಎಸ್​ಎಸ್ ಹುಬ್ಬಳ್ಳಿ ಡೈಲಿ ಎಕ್ಸ್​​ಪ್ರೆಸ್ ಸಂಚಾರ ಮಾರ್ಚ್​ 4ರ ವರೆಗೆ ರದ್ದಾಗಿದೆ.
4. ರೈಲು ಸಂಖ್ಯೆ 12079 ಕೆಎಸ್​ಆರ್ ಬೆಂಗಳೂರು – ಎಸ್​ಎಸ್​ಎಸ್ ಹುಬ್ಬಳ್ಳಿ ಡೈಲಿ ಜನಶತಾಬ್ಧಿ ಎಕ್ಸ್​ಪ್ರೆಸ್ ಸಂಚಾರ ಮಾರ್ಚ್​ 1ರಿಂದ 4ರ ವರೆಗೆ ಹರಿಹರ – ಹುಬ್ಬಳ್ಳಿ ಮಧ್ಯೆ ಭಾಗಶಃ ರದ್ದಾಗಿರುತ್ತದೆ.
5. ರೈಲು ಸಂಖ್ಯೆ 12080 ಎಸ್​ಎಸ್​ಎಸ್ ಹುಬ್ಬಳ್ಳಿ – ಕೆಎಸ್​ಆರ್ ಬೆಂಗಳೂರು ಜನಶತಾಬ್ಧಿ ಎಕ್ಸ್​ಪ್ರೆಸ್ ಸಂಚಾರ ಭಾಗಶಃ ರದ್ದಾಗಿದೆ.
6. ರೈಲು ಸಂಖ್ಯೆ 11021 ದಾದರ್ ತಿರುನ್ವೇಲಿ ಟ್ರಿ-ವೀಕ್ಲಿ ಎಕ್ಸ್​​ಪ್ರೆಸ್ ಮಾರ್ಚ್​ 1ರಿಂದ ಎಸ್​ಎಸ್​ಎಸ್ ಹುಬ್ಬಳ್ಳಿ, ಹೊಸಪೇಟೆ ಬೈಪಾಸ್, ಕೊತ್ತನೂರು, ಅಮರಾವತಿ ಕಾಲೊನಿ, ದಾವಣಗೆರೆ ಮಾರ್ಗವಾಗಿ ಸಂಚರಿಸಲಿದೆ. ಈ ರೈಲು ಹಾವೇರಿ, ರಾಣೆಬೆನ್ನೂರು ಹಾಗೂ ಹರಿಹರ ಮೂಲಕ ತೆರಳುವುದಿಲ್ಲ.
7. ರೈಲು ಸಂಖ್ಯೆ 11035 ದಾದರ್ – ಮೈಸೂರು ಶರಾವತಿ ವಾರದ ಎಕ್ಸ್​​ಪ್ರೆಸ್ ಮಾರ್ಚ್​ 2ರಿಂದ ಎಸ್​ಎಸ್​ಎಸ್ ಹುಬ್ಬಳ್ಳಿ, ಹೊಸಪೇಟೆ ಬೈಪಾಸ್, ಕೊತ್ತನೂರು, ಅಮರಾವತಿ ಕಾಲೊನಿ, ದಾವಣಗೆರೆ ಮಾರ್ಗವಾಗಿ ಸಂಚರಿಸಲಿದೆ. ಈ ರೈಲು ಹಾವೇರಿ, ರಾಣೆಬೆನ್ನೂರು ಹಾಗೂ ಹರಿಹರ ಮೂಲಕ ತೆರಳುವುದಿಲ್ಲ.
8. ರೈಲು ಸಂಖ್ಯೆ 16507 ಜೋಧಪುರ – ಕೆಎಸ್​ಆರ್ ಬೆಂಗಳೂರು ಬೈ ವೀಕ್ಲಿ ಎಕ್ಸ್​ಪ್ರೆಸ್ ಮಾರ್ಚ್ 2ರಿಂದ ಎಸ್​ಎಸ್​ಎಸ್ ಹುಬ್ಬಳ್ಳಿಯಿಂದ ಹೊಸಪೇಟೆ ಬೈಪಾಸ್, ಕೊತ್ತನೂರು, ಅಮರಾವತಿ ಕಾಲೊನಿ, ದಾವಣಗೆರೆ ಮಾರ್ಗವಾಗಿ ಸಂಚರಿಸಲಿದೆ. ಈ ರೈಲು ಹಾವೇರಿ, ರಾಣೆಬೆನ್ನೂರು ಹಾಗೂ ಹರಿಹರ ಮೂಲಕ ತೆರಳುವುದಿಲ್ಲ.
9. ರೈಲು ಸಂಖ್ಯೆ 16209 ಅಜ್ಮೇರ್ – ಮೈಸೂರು ಬೈ ವೀಕ್ಲಿ ಎಕ್ಸ್​ಪ್ರೆಸ್ ಕೂಡ ಮಾರ್ಚ್ 3ರಿಂದ ಎಸ್​ಎಸ್​ಎಸ್ ಹುಬ್ಬಳ್ಳಿ, ಹೊಸಪೇಟೆ ಬೈಪಾಸ್, ಕೊತ್ತನೂರು, ಅಮರಾವತಿ ಕಾಲೊನಿ, ದಾವಣಗೆರೆ ಮಾರ್ಗವಾಗಿ ಸಂಚರಿಸಲಿದೆ. ಈ ರೈಲು ಹಾವೇರಿ, ರಾಣೆಬೆನ್ನೂರು ಹಾಗೂ ಹರಿಹರ ಮೂಲಕ ತೆರಳುವುದಿಲ್ಲ.
10. ರೈಲು ಸಂಖ್ಯೆ 11005 ದಾದರ್ – ಪುದುಚೇರಿ ಟ್ರಿ ವೀಕ್ಲಿ ಎಕ್ಸ್​ಪ್ರೆಸ್, ರೈಲು ಸಂಖ್ಯೆ 20656 ಎಸ್​ಎಸ್​ಎಸ್ ಹುಬ್ಬಳ್ಳಿ – ಯಶವಂತಪುರ ವೀಕ್ಲಿ ಎಕ್ಸ್​ಪ್ರೆಸ್ ಮಾರ್ಚ್ 4ರಿಂದ ಎಸ್​ಎಸ್​ಎಸ್ ಹುಬ್ಬಳ್ಳಿ, ಹೊಸಪೇಟೆ ಬೈಪಾಸ್, ಕೊತ್ತನೂರು, ಅಮರಾವತಿ ಕಾಲೊನಿ, ದಾವಣಗೆರೆ ಮಾರ್ಗವಾಗಿ ಸಂಚರಿಸಲಿವೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ