ನಂದಿ ಗಿರಿಧಾಮ: ಪ್ರೇಮಿಗಳ ಹಾಟ್​ಸ್ಪಾಟ್​​ನಲ್ಲಿ ನಾಯಿ ಕೋತಿಗಳ ತುಂಟಾಟ!

ಚಿಕ್ಕಬಳ್ಳಾಪುರ: ನಾಯಿಯ ಬಾಲ ಹಿಡಿದು ಗಿರಗಿರ ತಿರುಗಿಸೋದೇನು. ಕಿವಿ ಹಿಂಡಿ ಬಗ್ಗಿಸೋದೇನು. ಕೀಟಲೆ ಮಾಡಿ ಮರ ಹತ್ತೋ ಕೋತಿಗಳು ಒಂದ್ಕಡೆಯಾದ್ರೆ. ಅದೇ ಕೋತಿಗಳ ಜೊತೆ ಎದ್ದು ಬಿದ್ದು ಆಟ ಆಡ್ತಿರೋ ಶ್ವಾನಗಳು.

ಈ ದೃಶ್ಯಗಳು ಕಂಡುಬಂದಿದ್ದು ಚಿಕ್ಕಬಳ್ಳಾಪುರದ ಪ್ರಸಿದ್ಧ ಪ್ರವಾಸಿ ತಾಣ ನಂದಿ ಗಿರಿದಾಮದಲ್ಲಿ. ನಂದಿ ಹಿಲ್ಸ್ ಹೇಳಿ ಕೇಳಿ ಪ್ರೇಮಿಗಳ ಹಾಟ್​ಸ್ಪಾಟ್. ಎಲ್ಲಿ ನೋಡಿದ್ರೂ ಜೋಡಿ ಹಕ್ಕಿಗಳೇ ಕಣ್ಣಿಗೆ ಬೀಳುತ್ತೆ. ಆದ್ರೀಗ ಇದೇ ಸ್ಥಳದಲ್ಲಿ ಕೋತಿಗಳು ಹಾಗೂ ನಾಯಿಗಳ ಆಟ, ತುಂಟಾಟ ಪ್ರವಾಸಿಗರ ಗಮನ ಸೆಳೀತಿದೆ. ಮಯೂರ ಹೋಟೆಲ್ ಬಳಿ ಇರೋ ಕೋತಿಗಳು ಎರಡು ನಾಯಿಗಳ ಜೊತೆ ಆಟವಾಡ್ತಿರೋ ದೃಶ್ಯ ಪ್ರೇಮಿಗಳನ್ನೇ ನಾಚಿಸುವಂತಿದೆ.

ಶ್ವಾನಗಳು ಸುಮ್ಮನಿದ್ರೂ ಕಾಲು ಕೆರೆದು ಬರೋ ಕೋತಿಗಳು ನಾಯಿಯ ಬಾಲ ಎಳೆಯೋದು, ಕಿವಿ ಹಿಂಡೋದು, ತಲೆಗೆ ಹೊಡೆಯೋದು. ಹೀಗೆ ನಾನಾ ಕಿತಾಪತಿಗಳನ್ನ ಮಾಡ್ತಿವೆ. ಶ್ವಾನಗಳೂ ಕೂಡ ಅಷ್ಟೇ ಕೋತಿಗಳ ಜೊತೆ ತರ್ಲೆ ಮಾಡ್ಕೊಂಡು ಎಂಜಾಯ್ ಮಾಡ್ತಿವೆ. ನಾಯಿ-ಕೋತಿಗಳ ಈ ಆಟ ನೋಡಿ ಗಿರಿಧಾಮಕ್ಕೆ ಬಂದ ಮಕ್ಕಳು ದಿಲ್ ಖುಷ್ ಆಗ್ತಿದ್ದಾರೆ.

ಒಟ್ನಲ್ಲಿ, ನಂದಿ ಗಿರಿಧಾಮದ ಹಚ್ಚ ಹಸಿರು ಸೊಬಗಿನ ಜೊತೆ ನಾಯಿ-ಕೋತಿಗಳ ತುಂಟಾಟ ಪ್ರವಾಸಿಗರ ಪಾಲಿಗೆ ಸಖತ್ ಖುಷಿ ತಂದಿದೆ.

Published On - 7:58 am, Mon, 6 January 20