SARI, ILI ಕೇಸ್​ಗಳಿಂದಲೇ ಹೆಚ್ಚುತ್ತಿದ್ದಾರೆ ಕೊರೊನಾ ಸೋಂಕಿತರು!

ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ದಿನೇದಿನೆ ಹೆಚ್ಚುತ್ತಿದೆ. ಇದರ ಜೊತೆಗೆ SARI, ILI ಕೇಸ್‌ಗಳಿಂದ ಕೊರೊನಾ ಸೋಂಕಿತರ ಸಂಖ್ಯೆ ಕೂಡ ಹೆಚ್ಚುತ್ತಿದೆ. SARI, ILIನ ಒಬ್ಬ ರೋಗಿಯಿಂದ ಸರಾಸರಿ 9 ಮಂದಿಗೆ ಕೊರೊನಾ ವೈರಸ್ ತಗುಲುತ್ತಿದೆ.

SARI, ILI ಕೇಸ್​ಗಳು ಆರೋಗ್ಯ ಇಲಾಖೆಗೆ ದೊಡ್ಡ ತಲೆನೋವಾಗಿದೆ. 29 SARI ಪ್ರಕರಣಗಳಿಂದ 281 ಜನರಿಗೆ ಕೊರೊನಾ ಸೋಂಕು ತಗುಲಿದೆ. ಅಲ್ಲದೆ ಬೆಚ್ಚಿಬೀಳುವ ಸಂಗತಿ ಅಂದ್ರೆ SARI ಕೇಸ್‌ಗಳಿಗೆ ಸೋಂಕಿನ ಮೂಲ ಸಹ ಪತ್ತೆ ಆಗ್ತಿಲ್ಲ. ಕುಟುಂಬದವರಿಂದ SARI, ILI ಕೇಸ್​ಗಳನ್ನು ಪ್ರತ್ಯೇಕಿಸಿ ಅಂತ ಆರೋಗ್ಯ ಇಲಾಖೆ ಹೇಳ್ತಿತ್ತು.

ಈಗ SARI, ILI ಕೇಸ್‌ಗಳೇ ಕುಟುಂಬಕ್ಕೆ ಮಾರಕವಾಗ್ತಿದೆ. ಒಬ್ಬ ಸೋಂಕಿತನಿಂದ ಸರಾಸರಿ 9 ಜನರಿಗೆ ಕೊರೊನಾ ಸೋಂಕು ತಗುಲುತ್ತಿದೆ. ಸಾರಿ ಕೇಸ್ ಹಿಸ್ಟರಿ ಪತ್ತೆ ಹಚ್ಚುವುದೇ ಆರೋಗ್ಯ ಇಲಾಖೆಗೆ ದೊಡ್ಡ ಸವಾಲಾಗಿದೆ.