ದೆಹಲಿಯಲ್ಲಿ ಬಂಧಿತ ಉಗ್ರನಿಗೆ ಉಪ್ಪಿನಂಗಡಿ ನಂಟು ಶಂಕೆ; ಸ್ಫೋಟಕ ಮಾಹಿತಿ ಬಯಲು

ಬೆಂಗಳೂರು: ದೆಹಲಿಯಲ್ಲಿ ಬಂಧಿತ ಉಗ್ರನಿಗೆ ಉಪ್ಪಿನಂಗಡಿ ನಂಟು ಶಂಕೆ ವ್ಯಕ್ತವಾಗಿದೆ. ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರು ತಾಲೂಕಿನ ಉಪ್ಪಿನಂಗಡಿಯ ನೆಕ್ಕಿಲಾಡಿಯಲ್ಲಿ 2-3 ವರ್ಷ ಉಗ್ರ ರಫೀಕ್ ಖಾನ್ ನೆಲೆಸಿದ್ದ ಎಂಬ ಶಂಕೆ ವ್ಯಕ್ತವಾಗಿದೆ. ಆತ ಉಪ್ಪಿನಂಗಡಿ ಮೂಲದ ಮಹಿಳೆಯ ಜೊತೆ ವಿವಾಹವಾಗಿದ್ದ. ಬಳಿಕ ಸ್ಥಳೀಯ ಗ್ಯಾರೇಜ್ ನಡೆಸುತ್ತಿದ್ದ. ಇದಾಗಿ ಜುಲೈ 18 ರಿಂದ ಉಪ್ಪಿನಂಗಡಿಯಿಂದ ರಫೀಕ್ ಖಾನ್ ನಾಪತ್ತೆಯಾಗಿದ್ದ. ನಾಪತ್ತೆ ಬಳಿಕ ಉಪ್ಪಿನಂಗಡಿ ಠಾಣೆಗೆ ಪತ್ನಿ ದೂರು ನೀಡಿದ್ದರು. ಕಳೆದ ವಾರ ದೆಹಲಿ ಪೊಲೀಸರು ಉಗ್ರರನ್ನು ಬಂಧಿಸಿದ್ದರು. ಅದರಲ್ಲಿನ ಆರು ಉಗ್ರರ ಪೈಕಿ ರಫೀಕ್ ಖಾನ್ ಇರುವ ಅನುಮಾನ ವ್ಯಕ್ತವಾಗಿದೆ.

ಐಎಸ್​ಐ ಜತೆ ಜಿತೇಂದ್ರ ಸಿಂಗ್ ನಂಟು; ಸ್ಫೋಟಕ ಮಾಹಿತಿ ಬಯಲು ಐಎಸ್​ಐ ಜತೆ ನಂಟು ಹೊಂದಿದ್ದ ಜಿತೇಂದ್ರ ಸಿಂಗ್ ಬಂಧನ ಪ್ರಕರಣಕ್ಕೆ ಸಂಬಂಧಿಸಿ ಆತನ ವಿರುದ್ಧ ದಾಖಲಾದ ಸ್ಫೋಟಕ ಮಾಹಿತಿ ಬಯಲಾಗಿದೆ. ಆತ ಕರಾಚಿಯ ಇಂಟೆಲಿಜೆನ್ಸ್ ಆಪರೇಟಿವ್ ಜೊತೆ ನೇರ ಸಂಪರ್ಕ ಹೊಂದಿದ್ದ ಎಂದು ತಿಳಿದುಬಂದಿದೆ. ಜಿತೇಂದ್ರ ಬಗ್ಗೆ ಪೊಲೀಸರಿಂದ ಸಂಪೂರ್ಣ ಮಾಹಿತಿ ಸಂಗ್ರಹ ಮಾಡಲಾಗಿದೆ. ಜಾಲಿ ಮೊಹಲ್ಲಾದಲ್ಲಿರುವ ಜಿತೇಂದ್ರ ಮನೆ ಮೇಲೆ ದಾಳಿ ಮಾಡಲಾಗಿದೆ. ಮಿಲಿಟರಿ ಡ್ರೆಸ್ ಹಾಕಿಕೊಂಡು ಫೋಟೋಗಳ ರವಾನೆ ಮಾಡಿದ್ದ. ಆತ ಪಾಕಿಸ್ತಾನದ ಬೇಹುಗಾರಿಕೆಗೆ ಫೋಟೊಗಳ ರವಾನೆ ಮಾಡಿದ್ದ ಎಂದು ತಿಳಿದುಬಂದಿದೆ.

ಜಿತೇಂದ್ರ, ಪಾಕಿಸ್ತಾನದ ಮೊಬೈಲ್ ಸಂಖ್ಯೆಗೆ ನಿರಂತರವಾಗಿ ಕರೆ ಮಾಡುತ್ತಿದ್ದ. ಪೂಜಾಜಿ ಎಂದು ನಂಬರ್​ ಸೇವ್ ಮಾಡಿದ್ದ. ಮೆಸೇಜ್, ಆಡಿಯೋ, ವಿಡಿಯೋ ಕಳುಹಿಸಿದ್ದ. ಆದರೆ, ಆತ ಈ ಹಿಂದೆ ಕಳಿಸಿದ್ದ ಮೆಸೇಜ್​ ಡಿಲೀಟ್ ಮಾಡಿದ್ದಾನೆ. ಉಳಿದಂತೆ, ಜಿತೇಂದ್ರ ಮೊಬೈಲ್​ನಲ್ಲಿ ಹಲವು ಫೋಟೋಗಳು ಪತ್ತೆಯಾಗಿದೆ. ಮಿಲಿಟರಿ ಸಮವಸ್ತ್ರದಲ್ಲಿರುವ ಹಲವು ಫೋಟೋಗಳು ಪತ್ತೆ ಆಗಿದೆ.

ಪಾಕ್ ಬೇಹುಗಾರಿಕೆ ಮಹಿಳೆಗೆ ತಾನು ಮಿಲಿಟರಿ ಅಧಿಕಾರಿ ಎಂದು ಪರಿಚಯಿಸಿಕೊಂಡಿದ್ದ. ಪಾಕ್ ಐಪಿ ಅಡ್ರೆಸ್ ಹೊಂದಿರುವ ನಂಬರ್ ಜತೆ ಸಂಪರ್ಕ ಇಟ್ಟುಕೊಂಡಿದ್ದ. ಬದ್ಧವೈರಿ ಪಾಕ್ ಗೂಢಚಾರಿಕೆ ಸಿಸಿಬಿ ತನಿಖೆಯಲ್ಲಿ ಈ ವಿಚಾರ ಪತ್ತೆ ಆಗಿದೆ. ದೇಶದ್ರೋಹಿ ಜಿತೇಂದ್ರ ಸಿಂಗ್​ ವಿರುದ್ಧದ ದೂರಲ್ಲಿ ಏನೇನಿದೆ? ಎಂದು ಮಾಹಿತಿ ಇದೀಗ ಲಭ್ಯವಾಗಿದೆ. ಆತ ವಾಟ್ಸಪ್​ ಮೂಲಕವೇ ಸಂಪರ್ಕ ಹೊಂದಿದ್ದ ಎಂಬುದು ತಿಳಿದುಬಂದಿದೆ.

ಪಾಕ್​ ಜತೆ ಸಂಪರ್ಕಿಸಿದ್ದ ನಂಬರ್ ಬಗ್ಗೆ ಪೊಲೀಸರು ಕೇಳಿದಾಗ ಇದು ನನ್ನದೇ ನಂಬರ್ ಎಂದು ಜಿತೇಂದ್ರ ಸಿಂಗ್ ಒಪ್ಪಿಕೊಂಡಿದ್ದಾನೆ. ಕರಾಚಿ ಇಂಟಲಿಜೆನ್ಸ್ ನಂಬರ್​ನ್ನ ಹುಡುಗಿ ಹೆಸರಲ್ಲಿ ಸೇವ್​ ಮಾಡಿಕೊಂಡಿದ್ದ. ರಾಜಸ್ಥಾನ ಮೂಲದ 24 ವರ್ಷದ ಜಿತೇಂದ್ರ ಸಿಂಗ್ ಪೂಜಾಜಿ ಎಂದು ಸೇವ್ ಮಾಡಿದ್ದ ಸಂಪರ್ಕ ಸಂಖ್ಯೆ ಜತೆ ವಾಟ್ಸಪ್, ಫೇಸ್​ಬುಕ್​ನಲ್ಲಿ ಚಾಟಿಂಗ್ ಮಾಡಿದ್ದ. ಪೂಜಾಜಿ ಕೋರಿಕೆಯಂತೆ ಭಾರತ ಮಿಲಿಟರಿ ಫೋಟೋ ಹಂಚಿಕೆ ಮಾಡಿದ್ದ. ಈ ಬಗ್ಗೆ ಎಫ್​ಐಆರ್​ನಲ್ಲಿ ಉಲ್ಲೇಖಿಸಲಾಗಿದೆ.

ಇದನ್ನೂ ಓದಿ: ಸೆ.25ರಂದು ಯುಎನ್​​ಜಿಎ ಅಧಿವೇಶನ; ಉಗ್ರವಾದ, ತೀವ್ರವಾದ ಸಿದ್ಧಾಂತಗಳ ವಿರುದ್ಧ ಹೋರಾಟ ಸೇರಿದಂತೆ ಪ್ರಮುಖ ಸಮಸ್ಯೆಗಳ ಬಗ್ಗೆ ಮಾತನಾಡಲಿದ್ದಾರೆ ಮೋದಿ

ಇದನ್ನೂ ಓದಿ: ಬಂಧಿತ ಪಾಕ್ ಉಗ್ರರ ಗುಂಪು ಎಲ್ಲ ಮೆಟ್ರೊ ನಗರಗಳ ಮೇಲೆ ಗುರಿಯಿಟ್ಟಿತ್ತು; ಕರಾಚಿ ತರಬೇತುದಾರರು ಯೋಜನೆ ಬಗ್ಗೆ ಹೇಳಿದ್ದರು ಎಂದ ಆರೋಪಿ 

Published On - 3:12 pm, Tue, 21 September 21