Kannada News Karnataka Haveri Desi sports Parents and teachers dance with children haveri news in kannada
ಹಾವೇರಿಯಲ್ಲಿ ಮಕ್ಕಳ ಹಬ್ಬ; ದೇಸಿ ಆಟ ಆಡಿದ ನಂತರ ಮಕ್ಕಳೊಂದಿಗೆ ಡಾನ್ಸ್ ಮಾಡಿದ ಪೋಷಕರು ಮತ್ತು ಶಿಕ್ಷಕರು
Haveri: ಮಕ್ಕಳ ಒಂದೊಂದು ಗುಂಪು ದೇಶಿ ಆಟಗಳನ್ನು ಆಡುತ್ತಾ ನಕ್ಕು ನಲಿದಾಡುತ್ತಿದ್ದರು. ಗೆದ್ದ ಮಕ್ಕಳ ಸಂಭ್ರಮವಂತೂ ಮುಗಿಲು ಮುಟ್ಟಿತ್ತು. ಕೊನೆಗೆ ಮಕ್ಕಳು, ಪೋಷಕರು ಹಾಗೂ ಶಿಕ್ಷಕರು ಸಖತ್ ಸ್ಟೆಪ್ ಹಾಕಿ ಮಸ್ತ್ ಮಜಾ ಮಾಡಿದರು
Haveri Desi sports Parents and teachers dance with children haveri news in kannada
1 / 6
Haveri Desi sports Parents and teachers dance with children haveri news in kannada
2 / 6
ಹಾವೇರಿ ನಗರದ ಕ್ರಿಯಾಶೀಲ ಶಿಕ್ಷಕರ ಬಳಗದವರು ಮಕ್ಕಳಿಗೆ ದೇಶೀಯ ಆಟಗಳನ್ನು ಪರಿಚಯಿಸುವ ಸಂಬಂಧ ಮಕ್ಕಳ ಹಬ್ಬ ಎನ್ನುವ ಹೆಸರಿನಲ್ಲಿ ದೇಶೀಯ ಆಟಗಳನ್ನು ಆಯೋಜಿಸಿದ್ದರು. ಸುಮಾರು ಮೂರ್ನಾಲ್ಕು ಗಂಟೆಗಳ ಕಾಲ ಮೈದಾನದಲ್ಲಿ ಜಮಾಯಿಸಿದ್ದ ಮಕ್ಕಳು ದೇಶೀಯ ಆಟಗಳನ್ನು ಆಡಿ ಖುಷಿಪಟ್ಟರು. ಮಕ್ಕಳಿಗೆ ಗೊತ್ತಿಲ್ಲದ ಕೆಲವೊಂದು ಆಟಗಳನ್ನು ಮಕ್ಕಳ ಜೊತೆಗೆ ಬಂದಿದ್ದ ಪೋಷಕರು ಹಾಗೂ ಕ್ರಿಯಾಶೀಲ ಶಿಕ್ಷಕರ ಬಳಗದ ಸದಸ್ಯರು ತಾವೇ ಆಡಿ ಮಕ್ಕಳಿಗೆ ಆಟವನ್ನು ತಿಳಿಸಿಕೊಟ್ಟರು.
3 / 6
ಕೆಲವೊಂದು ಆಟಗಳಲ್ಲಿ ಮೈದಾನದಲ್ಲಿ ನೆರೆದಿದ್ದ ಶಿಕ್ಷಕರ ಬಳಗದ ಸದಸ್ಯರು ಹಾಗೂ ಮಕ್ಕಳ ಪೋಷಕರು ಮಕ್ಕಳ ಜೊತೆಗೆ ತಾವು ಮಕ್ಕಳಂತಾಗಿ ದೇಶೀಯ ಆಟಗಳನ್ನು ಆಡಿದರು. ದೇಶೀಯ ಆಟಗಳನ್ನು ಆಡಿದ ಮಕ್ಕಳಿಗಾಗಿ ನೆನೆಸಿದ ಕಾಳುಗಳು, ಲಿಂಬಿಹುಳಿ ಪೆಪ್ಪರಮೆಂಟು ನೀಡಲಾಯಿತು.
4 / 6
ಬುಗುರಿ, ಚಿನ್ನಿದಾಂಡು, ಸರಗೋಲು, ಹಗ್ಗಜಗ್ಗಾಟ ಆಡಿ ಖುಷಿ ಅನುಭವಿಸಿದ ನಂತರ ಮಕ್ಕಳು ಹುಟ್ಟಿದರೆ ಕನ್ನಡ ನಾಡಲ್ಲಿ ಹುಟ್ಟಬೇಕು, ಎಕ್ಕಾ ಸಕ್ಕ ಎಕ್ಕಾ ಸಕ್ಕ ಅನ್ನೋ ಹಾಡುಗಳಿಗೆ ಸಖತ್ ಸ್ಟೆಪ್ ಹಾಕಿ ಮಸ್ತ್ ಮಜಾ ಮಾಡಿದರು. ಮಕ್ಕಳ ಜೊತೆಗೆ ಶಿಕ್ಷಕರ ಬಳಗದ ಸದಸ್ಯರು ಹಾಗೂ ಮಕ್ಕಳ ಪೋಷಕರು ಭರ್ಜರಿ ಸ್ಟೆಪ್ಸ್ ಹಾಕಿದರು. ದೇಶೀಯ ಆಟಗಳು ಮರೆಯಾಗುತ್ತಿರುವ ಪ್ರಸ್ತುತ ದಿನಗಳಲ್ಲಿ ಮಕ್ಕಳಿಗೆ ದೇಶೀಯ ಆಟಗಳ ಬಗ್ಗೆ ಅರಿವು ಮೂಡಿಸುವುದರ ಜೊತೆಗೆ ಮಕ್ಕಳು ದೇಶೀಯ ಆಟಗಳನ್ನು ಸವಿಯುವಂತೆ ಮಾಡುವ ಸಲುವಾಗಿ ದೇಶೀಯ ಆಟಗಳನ್ನು ಆಯೋಜನೆ ಮಾಡಲಾಗಿತ್ತು.
5 / 6
ಇತ್ತೀಚಿನ ದಿನಗಳಲ್ಲಿ ಕ್ರೀಡೆ ಅಂದರೆ ಕ್ರಿಕೆಟ್ ಅನ್ನೋ ಮಾತು ಬಲವಾಗುತ್ತಿದೆ. ಅದರಲ್ಲೂ ಇತ್ತೀಚಿನ ದಿನಗಳಲ್ಲಿ ಮಕ್ಕಳು ಮೊಬೈಲ್ ಗೀಳಿಗೆ ಒಳಗಾಗಿದ್ದಾರೆ. ಇಂತಹ ಸಂದರ್ಭದಲ್ಲಿ ಮಕ್ಕಳಿಗೆ ದೇಶೀಯ ಆಟಗಳನ್ನು ಪರಿಚಯಿಸುವ ಕೆಲಸವನ್ನು ಶಿಕ್ಷಕರ ಬಳಗದವರು ಯಶಸ್ವಿಯಾಗಿ ಮಾಡಿದ್ದಾರೆ. (ಪ್ರಭುಗೌಡ.ಎನ್.ಪಾಟೀಲ, ಟಿವಿ9 ಹಾವೇರಿ)
