ಹುಬ್ಬಳ್ಳಿ: ಮಗು ಆಗುತ್ತಿದ್ದಂತೆ ಪತ್ನಿ ಬಿಟ್ಟು ಪರಾರಿಯಾದ ಪತಿ; ಅನೇಕ ಹೆಣ್ಮಕ್ಕಳಿಗೆ ಮೋಸ ಮಾಡಿರುವ ಆರೋಪ

ಹುಬ್ಬಳ್ಳಿ, ಮೇ.14: ಮದುವೆಯಾಗಿ ಜೀವನ ನಡೆಸುತ್ತಿದ್ದ ಗಂಡ ತನ್ನ ಪತ್ನಿಗೆ ಹೆಣ್ಣು ಮಗು (Baby) ಜನಿಸುತ್ತಿದ್ದಂತೆ ಮನೆ ಬಿಟ್ಟು ಹೋಗಿದ್ದಾನೆ. ಗಂಡ ಬೇಕೆಂದು ಮಹಿಳೆ ಮಗುವಿನ ಜೊತೆಗೆ ರಾತ್ರಿ ಪೂರ್ತಿ ಗಂಡ ಮನೆ ಮುಂದೆ ಕೂತು ಕಣ್ಣೀರು ಹಾಕಿದ ಘಟನೆ ಹುಬ್ಬಳ್ಳಿಯಲ್ಲಿ (Hubballi) ನಡೆದಿದೆ. ಪತಿ ಮೊಹಮ್ಮದ್ ಗೌಸ್​ಗಾಗಿ ಪತ್ನಿ ರುಕ್ಸಾನಾ ಮಗುವಿನ ಜೊತೆ ಧರಣಿ ನಡೆಸುತ್ತಿದ್ದಾರೆ.

ಸಾಫ್ಟವೇರ್ ಇಂಜಿನಿಯರ್ ಎಂದು ಹೇಳಿಕೊಂಡಿದ್ದ ಮೊಹಮ್ಮದ್ ಗೌಸ್​ಗೆ ಈ ಮೊದಲೇ ಮದುವೆ ಆಗಿತ್ತು. ಆದರೂ ಆತ ಸುಳ್ಳು ಹೇಳಿ ಮತ್ತೊಂದು ಮದುವೆಯಾಗಿದ್ದ. ನಾನು ಇಂಜಿನಿಯರ್ ಎಂದು ನಂಬಿಸಿ ಮದುವೆಯಾಗಿದ್ದ. ಮದುವೆಯಾದ ಬಳಿಕ ಹೆಂಡತಿಯೊಂದಿಗೆ ಸ್ವಲ್ಪ ದಿನ ಚೆನ್ನಾಗಿಯೇ ಇದ್ದ. ಸ್ವಂತಕ್ಕೆ ಪಿಜಿ ಇದೆ ಎಂದು ಇಲ್ಲ ಸಲ್ಲದ ಕಥೆ ಕಟ್ಟಿದ್ದ. ಹೆಂಡತಿ ನಂಬಿ ಗಂಡ ಚೆನ್ನಾಗಿದಾನೆ ಅಂದುಕೊಂಡಿದ್ಲು. ಮೊದಲು ಚೆನ್ನಾಗಿದ್ದ ಗಂಡ, ಇದೀಗ ಒಂದು ಮಗು ಆಗುತ್ತಲೇ ಹೆಂಡತಿಯನ್ನ ಬಿಟ್ಟು ಹೋಗಿದ್ದಾನೆ. ಇತ್ತ ಗಂಡ ಬೇಕೆಂದು ಹೆಂಡತಿ ಮನೆ ಮುಂದೆ ಧರಣಿ ಕುತಿದ್ದಾರೆ.

ಮೂಲತಃ ಯಲ್ಲಾಪೂರ ನಿವಾಸಿಯಾಗಿರುವ ರುಕ್ಸಾನಾ ಕಳೆದ ಮೂರು ವರ್ಷಗಳ ಹಿಂದೆ ಹುಬ್ಬಳ್ಳಿಯ ಮೊಹಮ್ಮದ್ ಗೌಸ್ ಜೊತೆ ಮದುವೆಯಾಗಿದ್ರು. ಮೊಹಮ್ಮದ್ ಗೌಸ್ ಗೆ ಮೊದಲು ಮದುವೆಯಾಗಿದ್ದರೂ, ಹೆಂಡತಿ ಹುಚ್ಚಿಯಾಗಿದ್ದಾಳೆಂದು ನಂಬಿಸಿ ರುಕ್ಸಾನಾ ಜೊತೆ ಮದುವೆಯಾಗಿದ್ದ. ನಾನು ಸಾಫ್ಟ್‌ವೇರ್ ಇಂಜಿನಿಯರ್ ಎಂದು ಹೇಳಿಕೊಂಡಿದ್ದ. ಹುಬ್ಬಳ್ಳಿಯಲ್ಲಿ ಬೇಕಾದಷ್ಟು ಆಸ್ತಿ ಇದೆ, ಸ್ವಂತ ಪಿಜಿ ಇದೆ ಎಂದು ನಂಬಿಸಿ ಮದುವೆಯಾಗಿದ್ದ. ಮೊಹಮ್ಮದ್ ಗೌಸ್ ಮದುವೆಯಾದ ಹೊಸತರಲ್ಲಿ ಚೆನ್ನಾಗಿದ್ದ‌. ರುಕ್ಸಾನಾ ಜೊತೆ ಸಂಸಾರ ಕೂಡಾ ಮಾಡಿದ್ದಾನೆ. ರುಕ್ಸಾನಾಗೆ ಯಾವಾಗ ಒಂದು ಮಗು ಆಯ್ತು, ಮೊಹಮ್ಮದ್ ಗೌಸ್ ಇದೀಗ ಪರಾರಿಯಾಗಿದ್ದಾನೆ. ಇತ್ತ ರುಕ್ಸಾನಾ ದಿಕ್ಕು ತೋಚದಂತೆ ಯಲ್ಲಾಪುರದಿಂದ ಹುಬ್ಬಳ್ಳಿಗೆ ಬಂದು ಮೊಹಮ್ಮದ್ ಗೌಸ್ ಗಾಗಿ ಹುಡುಕಾಡುತ್ತಿದ್ದಾಳೆ. ಮಗು ಸಮೇತ ಮೊಹಮ್ಮದ್ ಗೌಸ್ ವಾಸ ಮಾಡ್ತಿದ್ದ ಮನೆ ಮುಂದೆ ಧರಣಿ ಕುಳಿತಿದ್ದಾಳೆ. ನನಗೆ ನನ್ನ ಗಂಡ ಬೇಕು ಎಂದು ರುಕ್ಸಾನಾ ಅಂಗಲಾಚುತ್ತಿದ್ದಾಳೆ.

ಇದನ್ನೂ ಓದಿ: ಚಾರ್ಮಾಡಿ ಘಾಟ್​ನಲ್ಲಿ ಸಲಗನ ಆರ್ಭಟ, ನೀವು ಮಾತ್ರ ಅವನ ಅಡ್ಡ ನಿಲ್ಲೋಕೆ ಹೋಗ್ಬೇಡಿ ಸರ್​​​​​ ಎಂದ ನೆಟ್ಟಿಗರು

ಮಹಮ್ಮದ್ ಗೌಸ್ ಮೂಲತಃ ಹುಬ್ಬಳ್ಳಿ ನಿವಾಸಿ. ಆದ್ರೆ ಮದುವೆಗೆ ಮುಂಚೆ ಇಲ್ಲ ಸಲ್ಲದ ಸುಳ್ಳು ಹೇಳಿ ವಂಚನೆ ಮಾಡಿದ್ದಾನೆ. ಮೊದಲ ಮದುವೆ ಆಗಿ ಹೆಂಡತಿ ಚೆನ್ನಾಗಿದ್ರು, ಹುಚ್ಚಿ ಇದಾಳೇ ಎಂದು ಸುಳ್ಳು ಹೇಳಿ ನಂಬಿಸಿದ್ದಾನೆ. ಬಣ್ಣದ ಮಾತಿಗೆ ಮರುಳಾಗಿ ರುಕ್ಸಾನಾ ಮೊಹಮ್ಮದ್ ಗೌಸ್ ಜೊತೆ ಮದುವೆಯಾಗಿದ್ದಾಳೆ. ಹುಬ್ಬಳ್ಳಿಯಲ್ಲಿ ಏಳು ಮನೆಗಳನ್ನು ಬದಲಾವಣೆ ಮಾಡಿರೋ‌ ಮೊಹಮ್ಮದ್ ಗೌಸ್, ಸದ್ಯ ವಿದ್ಯಾನಗರದ ಫೆಸಿಪಿಕ್ ಪರ್ಲ್ ಅಪಾರ್ಟ್ಮೆಂಟ್ ನಲ್ಲಿ ವಾಸ ಮಾಡ್ತೀದಾನೆ. ರುಕ್ಸಾನಾ ಕುಟುಂಬ ಮನೆ ಮುಂದೆ ಬಂದು ಮೊಹಮ್ಮದ್ ಗೌಸ್ ಗೆ ಹುಡುಕಾಡುತ್ತಿದ್ದಾರೆ. ಆದ್ರೆ ಮೊಹಮ್ಮದ್ ಗೌಸ್ ಎಸ್ಕೇಪ್ ಆಗಿದ್ದಾನೆ. ರುಕ್ಸಾನಾ ಎಲ್ಲ ನಂಬರ್ ಗಳನ್ನ ಬ್ಲಾಕ್ ಮಾಡಿ ಮನೆ ಬಿಟ್ಟು ಹೋಗಿದ್ದಾನೆ. ಕೇವಲ ರುಕ್ಸಾನಾ ಅಲ್ಲ, ಅನೇಕ ಹೆಣ್ಣು ಮಕ್ಕಳಿಗೆ ಮೊಹಮ್ಮದ್ ಗೌಸ್ ಮೋಸ ಮಾಡಿದ್ದಾನೆ ಅನ್ನೋ ಆರೋಪವೂ ಇದೆ. ಇದಲ್ಲದೆ ರುಕ್ಸಾನಾ ಬಳಿ ಇದ್ದ ಹಣ ಬಂಗಾರ ಕೂಡಾ ದೋಚಿಕೊಂಡು ಹೋಗಿದ್ದಾನೆ.

ಸದ್ಯ ರುಕ್ಸಾನಾ ಕುಟುಂಬಸ್ಥರು ಹುಬ್ಬಳ್ಳಿಯ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಮೊಹಮದ್ ‌ಗೌಸ್ ವಿರುದ್ದ ದೂರು ನೀಡಿದ್ದಾರೆ. ಮಗು ಕೊಟ್ಟು ಹೆಂಡತಿ ಬಿಟ್ಟು ಪರಾರಿಯಾದ ಗೋಸುಂಬೆ ಮೊಹಮ್ಮದ್ ಗೌಸ್ ಗೆ ಪೊಲೀಸರು ಹುಡುಕಾಟ ನಡೆಸಿದ್ದಾರೆ.

ರಾಜ್ಯದ ಪ್ರಮುಖ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ