ಹಿಮ್ಮುಖವಾಗಿ ಇನ್ಲೈನ್ ಸ್ಕೇಟಿಂಗ್ ಮಾಡುವ ಮೂಲಕ ಗಿನ್ನಿಸ್​ ದಾಖಲೆ ನಿರ್ಮಿಸಿದ ಕರ್ನಾಟಕ ಕ್ಲಬ್ ಸದಸ್ಯ

ಬೆಂಗಳೂರು, ಜುಲೈ 03: ಇತ್ತೀಚಿನ ಕೆಲ ವರ್ಷಗಳಲ್ಲಿ ಸ್ಕೇಟಿಂಗ್ (skating) ಸಾಕಷ್ಟು ಜನರ ಮೆಚ್ಚಿನ ಕ್ರೀಡೆ ಆಗಿದೆ. ಚಿಕ್ಕ ಮಕ್ಕಳಿಂದ ಹಿಡಿದು ಯುವಕರವರೆಗೂ ಸ್ಕೇಟಿಂಗ್​ ಮಾಡುತ್ತಾರೆ. ಈಗಾಗಲೇ ಸಾಕಷ್ಟು ಜನರು ಕೂಡ ಇದೇ ಸ್ಕೇಟಿಂಗ್ ಮೂಲಕ ರೆಕಾರ್ಡ್ ಮೇಲೆ ರೆಕಾರ್ಡ್ ಮಾಡುತ್ತಿದ್ದಾರೆ. ಈ ಸ್ಕೇಟಿಂಗ್​ ಕ್ರೀಡೆಯಲ್ಲಿ ಹಲವು ವಿಧಗಳಿದ್ದು ಅದರಲ್ಲಿ ಹಿಮ್ಮುಖವಾಗಿ ಇನ್ಲೈನ್ ಸ್ಕೇಟಿಂಗ್ ಕೂಡ ಒಂದು. ಇದೀಗ ಕರ್ನಾಟಕದ ರೋಲರ್ ಸ್ಕೇಟಿಂಗ್ ಕ್ಲಬ್​ನ ಸದಸ್ಯರೊಬ್ಬರು 100 ಮೀಟರ್​ ಅನ್ನು ಕೇವಲ 14.84 ಸೆಕೆಂಡುಗಳಲ್ಲಿ ಹಿಮ್ಮುಖವಾಗಿ ಇನ್ಲೈನ್ ಸ್ಕೇಟಿಂಗ್ ಮಾಡುವ ಮೂಲಕ ಗಿನ್ನಿಸ್​ ದಾಖಲೆ (Guinness World Record) ನಿರ್ಮಿಸಿದ್ದಾರೆ.

ಬೆಳಗಾವಿಯಲ್ಲಿರುವ ರೋಲರ್ ಸ್ಕೇಟಿಂಗ್ ಕ್ಲಬ್​ನ ಸದಸ್ಯರಾದ ಶಿವಗಂಗಾ ಎಂಬುವವರು ಈ ದಾಖಲೆಯನ್ನು ಮಾಡಿದ್ದಾರೆ. ಇದೇ ವರ್ಷ ಮೇ 27ರಂದು ಶಿವಗಂಗಾ ಅವರು ಈ ಗಿನ್ನಿಸ್​ ದಾಖಲೆಯನ್ನು ನಿರ್ಮಿಸಿದ್ದಾರೆ. ಸದ್ಯ ಇದರ ವಿಡಿಯೋಗಳು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿವೆ.

View this post on Instagram

A post shared by Guinness World Records (@guinnessworldrecords)

ವೈರಲ್​ ಆದ ವಿಡಿಯೋದಲ್ಲಿ ಶಿವಗಂಗಾ ಅವರು ಇನ್ಲೈನ್ ಸ್ಕೇಟಿಂಗ್​ ಅನ್ನು ಹಿಮ್ಮುಖವಾಗಿ ಸವಾರಿ ಮಾಡುತ್ತಿರುವುದನ್ನು ಕಾಣಬಹುದಾಗಿದೆ. ವಿಡಿಯೋ ವೈರಲ್​ ಬಳಿಕ ಸುಮಾರು 3.1 ಲಕ್ಷ ವೀಕ್ಷಣೆ ಮತ್ತು ಸುಮಾರು 8 ಸಾವಿರಕ್ಕೂ ಹೆಚ್ಚ್​ ಲೈಕ್​ ಪಡೆದುಕೊಂಡಿದೆ. ಇನ್ನು ನೆಟ್ಟಿಗರು ಇವರ ಈ ಸಾಹಸ ಕಂಡು ಬಾಯಿ ಮೇಲೆ ಬೆರಳಿಟ್ಟುಕೊಂಡಿದ್ದಾರೆ.

ಇದನ್ನೂ ಓದಿ: Guinness Records: 3 ಸೆಕೆಂಡುಗಳ ಒಳಗೆ A ಯಿಂದ Z ವರೆಗೆ ಟೈಪ್​ ಮಾಡಿ ಗಿನ್ನೆಸ್ ದಾಖಲೆ ಬರೆದ ಭಾರತೀಯ

ಸಾಕಷ್ಟು ಜನರು ವಿವಿಧ ಕಾಮೆಂಟ್​ಗಳನ್ನು ಮಾಡಿದ್ದು, ಕೆಲವರು ನಿಮ್ಮ ಈ ಸಾಹಸ ಪ್ರೇರಣೆಯಾಗಿದೆ ಎಂದಿದ್ದಾರೆ. ಮತ್ತೆ ಕೆಲವರು ಈ ಸಾಧನೆಯನ್ನು ಕಂಡು ಆಶ್ಚರ್ಯಪಟ್ಟಿದ್ದಾರೆ. ಇತರರು ಇದು ತುಂಬಾ ಅಪಾಯಕಾರಿ ಎಂದು ಹೇಳಿದ್ದಾರೆ. ಮತ್ತೊಬ್ಬರು, “ದಿಲ್ ಸೇ ಸಲ್ಯೂಟ್” ಎಂದು ಬರೆದಿದ್ದಾರೆ. ಇನ್ನೊಬ್ಬರು ಇದು ಅದ್ಭುತವಾಗಿದೆ ಎಂದು ಬರೆದುಕೊಂಡಿದ್ದಾರೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

Published On - 4:11 pm, Wed, 3 July 24