‘ಸಿದ್ದರಾಮಯ್ಯ ರಾಜಕೀಯ ಬ್ರಹ್ಮ ಅಲ್ಲ, ಕುತಂತ್ರದಿಂದ ರಾಜಕೀಯ ಮಾಡುತ್ತಾರೆ’

ಬೆಂಗಳೂರು: ವಿಪಕ್ಷ ನಾಯಕ ಸಿದ್ದರಾಮಯ್ಯ ರಾಜಕೀಯ ಬ್ರಹ್ಮ ಅಲ್ಲ, ಅವರು ಕುತಂತ್ರದಿಂದ ರಾಜಕೀಯವನ್ನು ಮಾಡುತ್ತಿದ್ದಾರೆ ಎಂದು ಬಿಜೆಪಿ ಮುಖಂಡ ಕಟ್ಟಾ ಸುಬ್ರಹ್ಮಣ್ಯ ನಾಯ್ಡು ಸಿದ್ದರಾಮಯ್ಯ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

ಸಿದ್ದರಾಮಯ್ಯ ಕುತಂತ್ರದಿಂದ ರಾಜಕೀಯ ಮಾಡುತ್ತಾರೆ:
ನಮಗೂ ರಾಜಕೀಯ ಮಾಡೋಕೆ ಬರುತ್ತೆ, ಅವರು ಕುತಂತ್ರದಿಂದ ರಾಜಕೀಯ ಮಾಡುತ್ತಾರೆ. ಎರಡನೆ ಬಾರಿ ಮುಖ್ಯಮಂತ್ರಿ ಆಗುತ್ತೇನೆ ಅಂದ್ರು ಆದರೆ ಅದು ಆಗಲಿಲ್ಲ. 130 ಸೀಟ್​ಗಳಿಂದ 80 ಸೀಟುಗಳಿಗೆ ಬಂದಿದ್ದಾರೆ. ಅವರ ಬಂಡಾವಳ ಗೊತ್ತು ನಮಗೆ ಎಂದಿದ್ದಾರೆ.

ಶರತ್ ಬಚ್ಚೇಗೌಡಗೆ ಕಟ್ಟಾ ವಾರ್ನಿಂಗ್:
ಶರತ್ ಬಚ್ಚೇಗೌಡ ಸ್ವತಂತ್ರ ಅಭ್ಯರ್ಥಿ,ಅವರಿಗೆ ಪಕ್ಷ ಏನಾದರೂ ಮಾಡಿದೆಯಾ, ಅವರಿಗೆ ಇನ್ನು ಬಿಜೆಪಿ ಬಾಗಿಲು ತೆರೆದಿದೆ. ಅವರು ಬಂದರೆ ಬರಲಿ ಇಲ್ಲ ಅಂದರೆ ಪಕ್ಷ ಸೂಕ್ತವಾದ ಕ್ರಮ ಕೈಗೊಳುತ್ತೆ ಎಂದು ಕಟ್ಟಾ ಸುಬ್ರಹ್ಮಣ್ಯ ನಾಯ್ಡು ಶರತ್ ಬಚ್ಚೇಗೌಡಗೆ ವಾರ್ನಿಂಗ್ ಕೊಟ್ಟಿದ್ದಾರೆ.