ರೋಡ್​​ ರೋಲರ್ ಚಲಾಯಿಸ್ತಾ, ಮೊಬೈಲ್​​ನಲ್ಲಿ ಮಾತಾಡ್ಕೊಂಡು ಹೋದ್ರೆ ಹೀಗೇ ಆಗೋದು!

ಕೊಪ್ಪಳ: ಚಲಾಯಿಸ್ತಾ ಇದ್ದಿದ್ದು ರೋಡ್​​ ರೋಲರ್ ಎಂಬ ಭಾರೀ ವಾಹನ. ಅದಕ್ಕೆ ಮೈಯೆಲ್ಲಾ ಕಣ್ಣಾಗಿ ಎಚ್ಚರಿಕೆ ವಹಿಸಿರಬೇಕು. ಆದ್ರೆ ಇಲ್ಲೊಬ್ಬ ಭಾರೀ ವಾಹನ ಚಲಾಯಿಸುತ್ತಾ ಇದ್ದೀನಿ ಅನ್ನೋ ಪರಿಜ್ಞಾನವೇ ಇಲ್ಲದೆ ಮೊಬೈಲ್​​ನಲ್ಲಿ ಮಾತಾಡುತ್ತಾ ಸಾಗಿದ್ದಾನೆ. ಎಲ್ಲೋ ಒಂಚೂರು ಪೊರಪಾಟು ಆಗಿದೆ, ಅಷ್ಟೇ.. ಯಮರಾಜ ತನ್ನ ಮುಂದಿನ ಕೆಲ್ಸ ಮಾಡಿಮುಗಿಸಿದ್ದಾನೆ.

ಕೊಪ್ಪಳ ಜಿಲ್ಲೆಯ ಗಂಗಾವತಿ ಹೊರವಲಯದಲ್ಲಿ ಇಂತಹ ದುರ್ಘಟನೆಯೊಂದು ನಡೆದಿದ್ದು, ಚಾಲಕ ರೋಡ್​​ ರೋಲರ್ ಕೆಳಗೆ ಸಿಲುಕಿ ಸಾವನ್ನಪ್ಪಿದ್ದಾನೆ. ಇಳಿಜಾರು ರಸ್ತೆಯಲ್ಲಿ ರೋಡ್​​ ರೋಲರ್​ ಜಮೀನಿಗೆ ಉರುಳಿದಾಗ ನಿಯಂತ್ರಣ ಕಳೆದುಕೊಂಡ ಚಾಲಕ ಅದರ ಕೆಳಗೆ ಉರುಳಿಬಿದ್ದು ಸಾವಿಗೀಡಾಗಿದ್ದಾನೆ. 47 ವರ್ಷದ ಸುರೇಶ್ ಸಾವಿಗೀಡಾದ ವ್ಯಕ್ತಿ. ಗಂಗಾವತಿ ಇಂದ ಸಂಗಾಪೂರ ಕಡೆ ಹೊರಟಿದ್ದ. ಗಂಗಾವತಿ ಗ್ರಾಮಾಂತರ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.