ಎಲ್ಲಿ ಮಲೇರಿಯಾ ಹೊರೆ ಹೆಚ್ಚಿದೆಯೋ ಆ ದೇಶಗಳಲ್ಲಿ ಮಲೇರಿಯಾ ನಿಗಾ ಪ್ರಮಾಣ ದುರ್ಬಲವಾಗಿದೆ ಎಂದು ಅಧ್ಯಯನಕ್ಕೆ ಸಂಬಂಧಿಸಿದ ಹಿರಿಯ ಲೇಖಕ ಡಾ. ಸುಶಾಂತ್ ಕುಮಾರ್ ಅಭಿಪ್ರಾಯ ಪಡುತ್ತಾರೆ. ನ್ಯಾಷನಲ್ ವೆಕ್ಟರ್ ಬೋರ್ನ್ ಡಿಸೀಸ್ ಕಂಟ್ರೋಲ್ ಪ್ರೋಗ್ರಾಂ (NVBDCP) ಪ್ರಕಾರ, ನಗರ ಮಲೇರಿಯಾದಲ್ಲಿ ಅತಿ ಹೆಚ್ಚು ಅಪಾಯ ಇರುವುದು ಮಂಗಳೂರಿನಲ್ಲಿ ಎಂದು ತಿಳಿಸಲಾಗಿದೆ.
ಕರ್ನಾಟಕದ ಒಟ್ಟು ಮಲೇರಿಯಾ ಪ್ರಕರಣಗಳ ಪೈಕಿ ಶೇ 85ರಷ್ಟು ಮಂಗಳೂರಿನಲ್ಲಿ
ಕೆಎಂಸಿಯಲ್ಲಿ ಪ್ರೊಫೆಸರ್ ಆಗಿರುವ ಬಿ. ಶಾಂತಾರಾಂ ಬಾಳಿಗ ಅವರು ತಿಳಿಸುವ ಪ್ರಕಾರ, ಕರ್ನಾಟಕದಲ್ಲಿನ ಒಟ್ಟು ಮಲೇರಿಯಾ ಪ್ರಕರಣಗಳಲ್ಲಿ ಮಂಗಳೂರಿನ ಕೊಡುಗೆ ಶೇಕಡಾ 85ರಷ್ಟು ಎನ್ನುತ್ತಾರೆ. ಕಳೆದ ಮೂರು ದಶಕಗಳಿಂದ (ನಿರ್ಮಾಣ ಕ್ಷೇತ್ರದಲ್ಲಿ ಭಾರೀ ಹೆಚ್ಚಳ ಆದ ಮೇಲೆ) ಮಂಗಳೂರಿನಲ್ಲಿ ಮಲೇರಿಯಾ ಸ್ಥಳೀಯವಾಗಿ ಹೆಚ್ಚಾಗಿದೆ. ಈ ಹಿಂದೆ ಕೈಗೊಂಡ ರಾಷ್ಟ್ರೀಯ ಮಲೇರಿಯಾ ನಿರ್ಮೂಲನಾ ಕಾರ್ಯಕ್ರಮ (NMEP) ಇಲ್ಲಿ ಫಲಿತಾಂಶ ನೀಡಲು ಸಾಧ್ಯವಾಗಿಲ್ಲ ಎಂದು ಅವರು ಹೇಳುತ್ತಾರೆ.
ಪ್ರಕರಣಗಳ ವರದಿ ಮತ್ತು ಅದಕ್ಕೆ ತೆಗೆದುಕೊಳ್ಳುವ ಕ್ರಮಗಳು ಮ್ಯಾನ್ಯುಯಲ್ ಆಗಿರುತ್ತಿತ್ತು. ಇದರಿಂದ ನಿಗಾ ತಡವಾಗುತ್ತಿತ್ತು, ಇತರರಲ್ಲಿ ಅಸಮರ್ಪಕ ನಿರ್ವಹಣೆ ಕಾರಣಕ್ಕೆ ಮಲೇರಿಯಾ ನಿರ್ಮೂಲನಾ ಕಾರ್ಯಕ್ರಮ ಮಂಗಳೂರಿನಲ್ಲಿ ವಿಫಲ ಆಗುತ್ತಿತ್ತು ಎನ್ನುತ್ತಾರೆ ಬಾಳಿಗಾ. ಆದರೆ ಮಲೇರಿಯಾ ನಿಗಾ ಮತ್ತು ನಿಯಂತ್ರಣ ಕಾರ್ಯಕ್ರಮವನ್ನು ಡಿಜಿಟೈಸ್ ಮಾಡಲು ತೀರ್ಮಾನಿಸಲಾಯಿತು. 2015ರ ಅಕ್ಟೋಬರ್ನಲ್ಲಿ ಎಂಸಿಎಸ್ ಆರಂಭಿಸಲಾಯಿತು. ಈ ಹೊಸ ವಿಧಾನದಲ್ಲಿ, ಯಾವುದೇ ಲ್ಯಾಬೊರೇಟರಿ ಅಥವಾ ಕ್ಲಿನಿಕ್ನಲ್ಲಿ ಮಲೇರಿಯಾ ಪ್ರಕರಣ ಪತ್ತೆ ಮಾಡಿದರೆ 48 ಗಂಟೆಗಳೊಳಗೆ ಆನ್ಲೈನ್ನಲ್ಲಿ ಅಪ್ಲೋಡ್ ಮಾಡಬೇಕಾಯಿತು.
ಟ್ಯಾಬ್ ಸಾಧನದ ಮೂಲಕ ಅಲರ್ಟ್
ಹೊಸ ಪ್ರಕರಣದ ಬಗ್ಗೆ ಆನ್ಲೈನ್ನಲ್ಲಿ ದಾಖಲಾಗುತ್ತಿದ್ದಂತೆ ಟ್ಯಾಬ್ ಸಾಧನದ ಮೂಲಕ 54 ತರಬೇತಾದ ಬಹುಪಯೋಗಿ ಸಿಬ್ಬಂದಿಗೆ ಅಲರ್ಟ್ ಹೋಗುತ್ತಿತ್ತು. ಈ ಜಿಐಎಸ್ ಟ್ಯಾಗ್ ಆದ ಟ್ಯಾಬ್ನಲ್ಲಿ ಇರುವ ಅಪ್ಲಿಕೇಷನ್ಗಳು ಸಿಬ್ಬಂದಿಗೆ ಸಹಾಯ ಮಾಡುತ್ತವೆ. ಯಾರಿಗೆ ಕಾಯಿಲೆ ಬಂದಿರುತ್ತದೋ ಅಂಥವರ ಸಂಪರ್ಕಕ್ಕೆ ಬಂದವರ ರಕ್ತದ ಸ್ಯಾಂಪಲ್ ಸಂಗ್ರಹ ಮತ್ತು ಸೊಳ್ಳೆಗಳ ಸಂತಾನೋತ್ಪತ್ತಿ ತಾಣಗಳ ನಾಶ ಇತ್ಯಾದಿ ಕ್ರಮಗಳಿಗೆ ಮುಂದಾಗುತ್ತಾರೆ.
ಈ ಫೀಚರ್ ಮೂಲಕ ರೋಗಿಗಳ ಫಾಲೋಅಪ್ ಮಾಡಲಾಗುತ್ತದೆ. ಮತ್ತು ಒಂದು ವೇಳೆ ಪ್ಲಾಸ್ಮೋಡಿಯಂ ವಿವಾಕ್ಸ್ ಮಲೇರಿಯಾದಲ್ಲಿ 14 ದಿನದೊಳಗೆ ಪ್ರಕರಣ ಮುಕ್ತಾಯ ಆಗಬೇಕು. ಐ.ಟಿ.- ಆಧಾರಿತ ಸೇವೆಗೆ ಹಲವು ಅಡೆತಡೆಗಳು ಎದುರಾದವು. ಬಹುಪಯೋಗಿ ಸಿಬ್ಬಂದಿಯನ್ನು ಆ ಕೆಲಸದಿಂದ ಬೇರೆ ಉದ್ದೇಶಗಳಿಗೆ ವಾಪಸ್ ಕರೆಸಿಕೊಳ್ಳಲು ಮಂಗಳೂರು ನಗರ ಪಾಲಿಕೆ ನಿರ್ಧರಿಸಿತು. ಆದರೂ ಮನೆಗೇ ಭೇಟಿ ನೀಡುವುದು ಮತ್ತು ಪ್ರಕರಣ ಪೂರ್ಣ ಮಾಡುವುದು (ಶೇ 90ರಷ್ಟು ಪ್ರಕರಣ ಪೂರ್ಣಗೊಂಡಿದೆ) ಮುಂದುವರಿಯಿತು. ಕಾಯಿಲೆ ಹಬ್ಬುವ ಚಕ್ರವನ್ನು ಮುರಿಯಲಾಯಿತು ಎಂದು ಬಾಳಿಗಾ ಹೇಳುತ್ತಾರೆ.
ಎಲ್ಲ ಬಗೆಯ ಸಂಪರ್ಕದ ಮೂಲಕ ಹಬ್ಬುವ ಇತರ ಕಾಯಿಲೆಗಳನ್ನು ಸಹ ಈ ರೀತಿ ಸ್ಮಾರ್ಟ್ ನಿಗಾ ವ್ಯವಸ್ಥೆ ಮೂಲಕವಾಗಿ ನಿಗಾ ಮಾಡಿ, ಹತೋಟಿಗೆ ತರುವುದಕ್ಕೆ ಸಾಧ್ಯವಿದೆ ಎನ್ನುತ್ತಾರೆ ಬಾಳಿಗಾ. ಡಾ. ಘೋಷ್ ಮಾತನಾಡಿ, 2016ರಿಂದ 2030ರ ತನಕ ಮಲೇರಿಯಾ ನಿರ್ಮೂಲನೆ ಮಾಡುವ ವಿಶ್ವ ಆರೋಗ್ಯ ಸಂಸ್ಥೆಯ ಜಾಗತಿಕ ತಾಂತ್ರಿಕ ಸ್ಟ್ರಾಟೆಜಿ (GTS) ಅನ್ನು ಡಿಜಿಟೈಸ್ಡ್ ಸ್ಮಾರ್ಟ್ ಸರ್ವೇಲನ್ಸ್ ವ್ಯವಸ್ಥೆ ಪೂರ್ಣಗೊಳಿಸುತ್ತದೆ ಎಂದು ಹೇಳಿದ್ದಾರೆ. ಈ ಬಗ್ಗೆ ಡೆಕ್ಕನ್ ಹೆರಾಲ್ಡ್ನಲ್ಲಿ ವರದಿ ಆಗಿದೆ.
ಇದನ್ನೂ ಓದಿ: ಜೀವಂತ ಕಾಡುಪ್ರಾಣಿ ಮಾರಾಟ ನಿಷೇಧಿಸಿದ ವಿಶ್ವ ಆರೋಗ್ಯ ಸಂಸ್ಥೆ: ವುಹಾನ್ ಪ್ರಕರಣದಿಂದ ಪಾಠ ಕಲಿಯಲು ಸಲಹೆ
(Malaria contains surveillance tool which was used in Mangaluru got global recognition.)
