ಮೈಸೂರಿನ ಎಂಜಿನಿಯರಿಂಗ್ ವಿದ್ಯಾರ್ಥಿಗಳು ಅಭಿವೃದ್ಧಿಪಡಿಸಿದ ರೋಬಾಟ್ ನರ್ಸ್: ಹೇಗೆ ಕೆಲಸ ಮಾಡುತ್ತೆ? ಇಲ್ಲಿದೆ ವಿವರ

ಮೈಸೂರು, ಅಕ್ಟೋಬರ್ 27: ಕೋವಿಡ್ ಸಾಂಕ್ರಾಮಿಕದ ಬಳಿಕ ವೈದ್ಯಕೀಯ ಕ್ಷೇತ್ರದಲ್ಲಿ ಸಾಕಷ್ಟು ಬದಲಾವಣೆಯಾಗುತ್ತಿದೆ. ಅದೇ ರೀತಿ ಇಂತಹ ಮಾರಣಾಂತಿಕ ಖಾಯಿಲೆಗಳು ಬಂದರೆ ಅದನ್ನು ಎದುರಿಸಲು ಹಲವು ಆವಿಷ್ಕಾರಗಳು ನಡೆಯುತ್ತಿವೆ. ಇದೀಗ ಮೈಸೂರಿನ (Mysuru) ಎಂಜಿನಿಯರಿಂಗ್ ವಿದ್ಯಾರ್ಥಿಗಳು (Engineering Students) ರೋಬಾಟ್ ನರ್ಸ್ (Robot Nurse) ಆವಿಷ್ಕಾರ ಮಾಡಿದ್ದಾರೆ. ಇದೇನಿದು ರೋಬೋಟ್ ನರ್ಸ್, ಇದು ಹೇಗೆ ಕೆಲಸ ಮಾಡುತ್ತದೆ ಎಂಬ ವಿವರ ಇಲ್ಲಿದೆ.

ಥೇಟ್ ನರ್ಸ್ ಮಾದರಿಯಲ್ಲಿ ಇರುವ ರೋಬೋ ನರ್ಸ್ ಆವಿಷ್ಕಾರ ಮಾಡಿರೋದು ಮೈಸೂರಿನ ಎನ್​ಐ ಕಾಲೇಜಿನ ಎಂಜಿನಿಯರಿಂಗ್ ವಿದ್ಯಾರ್ಥಿ. ಹೌದು, ರೋಬೋಟ್ ಯಂತ್ರಗಳನ್ನು ಇದೀಗಾ ಹಲವು ಕ್ಷೇತ್ರದಲ್ಲಿ ಬಳಸಲಾಗುತ್ತಿದೆ.‌ ಹಲವು ದೇಶಗಳಲ್ಲಿ ರೋಬೋವನ್ನ ವೈದ್ಯಕೀಯ ಕ್ಷೇತ್ರದಲ್ಲಿ ಬಳಸುತ್ತಿದ್ದಾರೆ. ಆದ್ರೆ ಭಾರತದಲ್ಲಿ‌ ಇಂತಹ ರೋಬೋಗಳ ಬಳಕೆ ಕಡಿಮೆ. ಅದರಲ್ಲೂ ಸರ್ಕಾರಿ ಸಂಸ್ಥೆಗಳಲ್ಲಿ‌‌ ಇವುಗಳ ಬಳಕೆ ಇಲ್ಲವೆ ಇಲ್ಲ. ಇದೀಗ ಮೈಸೂರು ಮೆಡಿಕಲ್ ಕಾಲೇಜಿನಲ್ಲಿ ಈ ರೋಬೋ ನರ್ಸ್ ಬಳಸಲು ರೋಬೋಟ್ ನರ್ಸ್ ಆವಿಷ್ಕಾರ ಮಾಡಲಾಗಿದೆ. ಅದು ಕೂಡ ಕಡಿಮೆ ವೆಚ್ಚದಲ್ಲಿ ನಿರ್ಮಾಣವಾಗಿದೆ.

ಕೋವಿಡ್ ನಂತಹ ಮಾರಣಾಂತಿಕ ಖಾಯಿಲೆ ಬಂದ ಸಂಧರ್ಭದಲ್ಲಿ ರೋಗಿಗಳ ಬಳಿಗೆ ವೈದ್ಯರು, ನರ್ಸ್​​ಗಳು ಹೋಗಲು ಕಷ್ಟವಾಗುತಿತ್ತು. ಈ ಕಾರಣದಿಂದ, ಆ ವಿಚಾರವನ್ನು ಗಮನದಲ್ಲಿಟ್ಟುಕೊಂಡು ಮೈಸೂರಿನ ಎನ್​ಐ ಕಾಲೇಜಿನ ಇಂಜಿನಿಯರಿಂಗ್ ವಿದ್ಯಾರ್ಥಿ ಪ್ರಮೋದ್ ಈ ರೋಬೋಟ್ ಆವಿಷ್ಕಾರ ಮಾಡಿದ್ದಾರೆ.

ಇದನ್ನೂ ಓದಿ: ಹೆಚ್​ಡಿ ಕೋಟೆ: ಭೂ ಕಬಳಿಕೆ ಆರೋಪ, ನಾಲ್ವರು ಅಧಿಕಾರಿಗಳು ಅಮಾನತು

ಸದ್ಯ ಈ ರೋಬೋಟ್ ಅನ್ನು ಮತ್ತಷ್ಟು ಅಭಿವೃದ್ಧಿ ಪಡಿಲಾಗುತ್ತಿದೆ.‌ ಈಗಿರುವ ರೋಬೋ ಸುಮಾರು 15-20 ಕೆ.ಜಿ ಯಷ್ಟು ತೂಕವನ್ನು ಹೊತ್ತೊಯ್ಯಹುದಾಗಿದೆ. ಜೊತೆ ರೋಬೋಗೆ ಕ್ಯಾಮರಾ ಹಾಗೂ ಡಿಸ್​ಪ್ಲೇ ಅಳವಡಿಸಲಾಗುತ್ತೆ. ಈ ಮೂಲಕ ವೈದ್ಯರು ರೋಬೋ ಮೂಲಕ ರೋಗಿಗಳಿಗೆ ಸೂಚನೆ ಕೊಡಬಹುದುದಾಗಿದೆ.‌ ಜೊತೆಗೆ ಪಲ್ಸ್ ರೇಟ್ ಹಾಗೂ ಮತ್ತಿತರ ಪರೀಕ್ಷೆಗಳನ್ನ ಮಾಡಬಹುದು.‌ ಇದರಿಂದ ರೋಗಿಗಳ ಚಿಕಿತ್ಸೆ ಕೊಡಲು ಸುಲಭವಾಗಲಿದೆ. ಈಗಲೂ ಸಾಕಷ್ಟು ವೈರಸ್ ಸೋಂಕು ಹರಡುವಿಕೆ ಇರುವುದರಿಂದ ಇಂತಹ ರೋಬೊದಿಂದ ಅನುಕೂಲವಾಗಲಿದೆ ಎಂದು ಮೆಡಿಕಲ್ ಕಾಲೇಜಿನ ವೈದ್ಯರು ಅಭಿಪ್ರಾಯಪಟ್ಟಿದ್ದಾರೆ.

ಒಟ್ಟಾರೆ, ಮೈಸೂರಿನ ವಿದ್ಯಾರ್ಥಿ ಮಾಡಿರುವ ಈ ರೋಬೋ ನರ್ಸ್ ಆವಿಷ್ಕಾರದಿಂದ ವೈದ್ಯಕೀಯ ಕ್ಷೇತ್ರಕ್ಕೆ ಸಾಕಷ್ಟು ಅನುಕೂಲವಾಗಲಿದೆ.‌

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ

Published On - 8:37 pm, Fri, 27 October 23