ನರ್ಸ್ ಕೊರತೆ ಆತಂಕದಲ್ಲಿ ಕೋವಿಡ್ ಆಸ್ಪತ್ರೆ; ಕೈಯಲ್ಲಿ ಅಪಾಯಿಟ್ಮೆಂಟ್ ಆರ್ಡರ್ ಹಿಡಿದು ಕುಳಿತಿದೆ ಆಡಳಿತ ಮಂಡಳಿ

Nursing shortage: ಮೆಡಿಕಲ್ ಕಾಲೇಜು ಆಡಳಿತ ಮಂಡಳಿಯು 20 ಸಾವಿರ ರೂಪಾಯಿ ಸಂಬಳ ನೀಡುವುದಾಗಿ ಹೇಳುತ್ತಿದೆ. ಅಷ್ಟೇ ಅಲ್ಲ.. ಕೆಲಸ ಬೇಕು ಎಂದು ಬಂದ ದಿನವೇ, ಕರ್ತವ್ಯಕ್ಕೆ ಹಾಜರಾಗುವಂತೆ ಆದೇಶ ಪ್ರತಿಯನ್ನೂ ಕೈಯಲ್ಲಿ ಹಿಡಿದು ಕುಳಿತಿದೆ. ಉಹು: ಆದರೂ ಯುವಜನತೆ ಇದರತ್ತ ದೃಷ್ಟಿಹಾಯಿಸಿಲ್ಲ.

ಸಾಂದರ್ಭಿಕ ಚಿತ್ರ

ಸಾಧು ಶ್ರೀನಾಥ್|
Updated on: May 06, 2021 | 10:27 AM

ಚಿಕ್ಕಮಗಳೂರು: ಕೊರೊನಾ ಮಹಾಮಾರಿ ಹೀಗೂ ಕಾಡುತ್ತಿದೆ. ಒಂದೆಡೆ ವೈದ್ಯಕೀಯ ಉಪಕರಣ/ ಸಾಧನಗಳು ಇಲ್ಲದೆ ಜನ ಕಂಗಾಲಾಗಿದ್ದರೆ, ಮತ್ತೊಂದೆಡೆ ವೈದ್ಯಕೀಯ ಸೇವೆಗೆ ಜನ ಸಿಗುತ್ತಿಲ್ಲ. ವೈದ್ಯಕೀಯ ಸಿಬ್ಬಂದಿ ಬೇಕಾಗಿದ್ದಾರೆ. ಒಳ್ಳೆಯ ಸಂಬಳ ಕೊಡುತ್ತೇವೆ ಅಂದ್ರೂ ಕೊರೊನಾ ಭೀತಿಯಿಂದಾಗಿ ಯುವಜನತೆ ಮುಂದೆಬರುತ್ತಿಲ್ಲ. ಸದ್ಯಕ್ಕೆ ಚಿಕ್ಕಮಗಳೂರಿನ ಜಿಲ್ಲಾಸ್ಪತ್ರೆಯಲ್ಲಿ ನರ್ಸ್ ಕೊರತೆ ಎದುರಾಗಿದೆ.

ನರ್ಸ್ಗಳು ಬೇಕಾಗಿದ್ದಾರೆ ಎಂದರೂ ಬರುತ್ತಿಲ್ಲ: 80 ಮಂದಿ ನರ್ಸ್ಗಳು ತುರ್ತಾಗಿ ಬೇಕಾಗಿದ್ದಾರೆ ಎಂದು ಜಾಹಿರಾತು ನೀಡಿದರೂ ಯಾರೂ ಮುಂದೆ ಬರುತ್ತಿಲ್ಲ. ಕೇವಲ 17 ಮಂದಿ ಮಾತ್ರ ಅರ್ಜಿ ಹಾಕಿದ್ದಾರೆ. ಮೆಡಿಕಲ್ ಕಾಲೇಜು ಆಡಳಿತ ಮಂಡಳಿಯು 20 ಸಾವಿರ ರೂಪಾಯಿ ಸಂಬಳ ನೀಡುವುದಾಗಿ ಹೇಳುತ್ತಿದೆ.

ಅಷ್ಟೇ ಅಲ್ಲ.. ಕೆಲಸ ಬೇಕು ಎಂದು ಬಂದ ದಿನವೇ, ಕರ್ತವ್ಯಕ್ಕೆ ಹಾಜರಾಗುವಂತೆ ಆದೇಶ ಪ್ರತಿಯನ್ನೂ ಕೈಯಲ್ಲಿ ಹಿಡಿದು ಕುಳಿತಿದೆ. ಉಹು: ಆದರೂ ಯುವಜನತೆ ಇದರತ್ತ ದೃಷ್ಟಿಹಾಯಿಸಿಲ್ಲ. ಆದರೆ ಜಿಲ್ಲಾ ಕೋವಿಡ್ ಆಸ್ಪತ್ರೆಯಂತೂ ನರ್ಸ್ ಕೊರತೆಯಿಂದ ಆತಂಕ ಎದುರಿಸುತ್ತಿದೆ.

(Nursing shortage covid hospital in chikkamaglur faces shortage of nurses)