ಭಾರಿ ಕುಸಿತ ಕಂಡ ಈರುಳ್ಳಿ ಬೆಲೆ

ದಾವಣಗೆರೆ: ಕಳೆದ ಕೆಲ ದಿನಗಳ ಹಿಂದೆ ಗಗನಕ್ಕೆ ಏರಿ ಎಲ್ಲರ ಕಣ್ಣಲ್ಲೂ ನೀರು ತರಿಸಿದ್ದ ಈರುಳ್ಳಿ ದರ ಇಳಿಕೆಯಾಗಿದೆ. ಐದು ದಿನದಲ್ಲಿ ಈರುಳ್ಳಿ ಭಾರಿ ಕುಸಿತ ಕಂಡಿದ್ದು, ಮತ್ತೆ ದರ ಮಾರಕಟ್ಟೆಯಲ್ಲಿ ಯಥಾ ಸ್ಥಿತಿಗೆ ತಲುಪಿದೆ.

ಕ್ವಿಂಟಲ್​ಗೆ 15 ಸಾವಿರ ರೂಪಾಯಿ ಇದ್ದ ಈರುಳ್ಳಿ ಈಗ ಆರು ಸಾವಿರ ರೂಪಾಯಿಗೆ ಕುಸಿದಿದೆ. ದಾವಣಗೆರೆ ಈರುಳ್ಳಿ ‌ಮಾರುಕಟ್ಟೆಯಲ್ಲಿ ಈರುಳ್ಳಿ ದರ ಏರುಪೇರಾಗಿದೆ. ಡಿಸೆಂಬರ್ 9ಕ್ಕೆ ಕ್ವಿಂಟಲ್​ಗೆ 10 ಸಾವಿರ ಇತ್ತು, ನಿನ್ನೆ 7 ಸಾವಿರ ರೂಪಾಯಿಗೆ ಇಳಿದಿತ್ತು ಇಂದು ಮತ್ತೆ 6 ಸಾವಿರಕ್ಕೆ ಕುಸಿದಿದೆ.

ಈ ರೀತಿ ದಿನೇ ದಿನೇ ಇಳಿಯುತ್ತಿರುವ ದರಕ್ಕೆ ಈರುಳ್ಳಿ ವ್ಯಾಪಾರಿಗಳು ಆತಂಕಕ್ಕೆ ಒಳಗಾಗಿದ್ದಾರೆ. ಅದರಲ್ಲೂ ಈಗ ಮಾರುಕಟ್ಟೆಗೆ ಬರುತ್ತಿರುವ ಈರುಳ್ಳಿ ಪ್ರಮಾಣ ಹೆಚ್ಚಾಗುತ್ತಿದೆ. ಹೀಗಾಗಿ ಜನ ಸಾಮಾನ್ಯರು ಚಿಂತಿಸದೆ ಖರೀದಿ ಮಾಡಬಹುದಾಗಿದೆ. ಆದರೆ ರೈತರೂ ಮಾತ್ರ ನಿರಾಸರಾಗಿದ್ದಾರೆ.