ದುಬಾರಿಯಾಗ್ತಿದೆ ಹೊಸ ಮನೆ ಕಟ್ಟೋ ಕನಸು: ಇಂದಿನಿಂದ ಮನೆ ನಿರ್ಮಾಣ ಉತ್ಪನ್ನಗಳ ಬೆಲೆ ಏರಿಕೆ

ಬೆಂಗಳೂರು, (ಆಗಸ್ಟ್ 01):  ಕೋವಿಡ್‌ (Covid) ಮುನ್ನ ಕೊಂಚ ಕೈಗೆಟುಕುವಂತಿದ್ದ ಅಗತ್ಯ ವಸ್ತುಗಳು ತದನಂತರ ಗಣನೀಯವಾಗಿ ಏರಿಕೆ ಕಾಣುತ್ತಲೆ ಇದೆ. ಗೃಹ ಹಾಗೂ ಇತರೆ ಕಟ್ಟಡ ನಿರ್ಮಾಣಕ್ಕೆ(house construction)  ಅಗತ್ಯವಿರುವ ಕಚ್ಚಾವಸ್ತುಗಳ ಬೆಲೆಯೂ(price hike) ಏರುತ್ತಲೆ ಇದೆ. ಇದರಿಂದ ಮನೆ ಕಟ್ಟುವವರನ್ನು ಕಂಗಾಲಾಗುವಂತೆ ಮಾಡಿದೆ.  ಹೌದು…. ದಿನಸಿ, ಹಾಲು-ತರಕಾರಿ ಸೇರಿದಂತೆ ದಿನ ಬಳಕೆ ವಸ್ತುಗಳ ಬೆಲೆ ಏರಿಕೆಯಿಂದ ಜನರು ಕಂಗಾಲಾಗಿದ್ದಾರೆ. ಇದರ ಬೆನ್ನಲ್ಲೇ ಇದೀಗ ಹೊಸ ಮನೆ ಕಟ್ಟುವವರಿಗೆ ಬೆಲೆ ಏರಿಕೆಯ ಶಾಕ್​ ಎದುರಾಗಿದೆ. ಇಂದಿನಿಂದ ಅಂದರೆ (ಆಗಸ್ಟ್ 01) ಮರಳು, ಜಲ್ಲಿ, ಗ್ರಾನೈಟ್​​​, ಕಬ್ಬಿಣ ಬೆಲೆ ಮತ್ತಷ್ಟು ಏರಿಕೆಯಾಗಿದೆ.  ಇದರೊಂದಿಗೆ  ಹೊಸ ಮನೆ ಕಟ್ಟೋ ಕನಸು ದುಬಾರಿಯಾಗುತ್ತಿದೆ.

ಇದನ್ನೂ ಓದಿ: ಇಂದಿನಿಂದ ದುಬಾರಿ ದುನಿಯಾ; ಟೊಮೆಟೊ ದರ ಬರೆಯ ಮೇಲೆ ಮತ್ತೊಂದು ಬರೆ, ಹಾಲು-ಹೋಟೆಲ್ ದರ ಹೆಚ್ಚಳ

ಮರಳು, ಎಂ-ಸ್ಯಾಂಡ್​​​, ಜಲ್ಲಿಕಲ್ಲು, ಗ್ರಾನೈಟ್​ ಬಂಡೆ, ಕಬ್ಬಿಣ ಸೇರಿದಂತೆ ಮನೆ ನಿರ್ಮಾಣದ ಇನ್ನಿತರ ವಸ್ತುಗಳ ಪರಿಷ್ಕೃತ ಇಂದಿನಿಂದ ದರ ಜಾರಿಗೆ ಬಂದಿದೆ. ಜೊತೆಗೆ ಮನೆ ನಿರ್ಮಾಣದ ವಸ್ತುಗಳ ಸಾಗಾಣಿಕೆ ದರ ಕೂಡ ದುಬಾರಿಯಾಗಿದೆ. ಇದರೊಂದಿಗೆ ಮನೆ, ಕಟ್ಟಡ ನಿರ್ಮಾಣಕ್ಕೆ ಮುಂದಾದವರಿಗೆ ಮತ್ತಷ್ಟು ಹೆಚ್ಚುವರಿ ದರ ಏರಿಕೆ ಬಿಸಿ ತಟ್ಟಿದೆ.

ಕಳೆದ ಸರ್ಕಾರ ಈ ವರ್ಷ ಶೇ 10 ರಷ್ಟು ರಾಯಲ್ಟಿ ಏರಿಕೆ ಮಾಡಿತ್ತು. ಈ ಬೆನ್ನಲ್ಲೇ ಹೊಸ ಸರ್ಕಾರ ಕೂಡಾ ಮೊದಲ ಬಜೆಟ್ ನಲ್ಲಿ ರಾಜಸ್ವ ಏರಿಕೆ ಮಾಡಿದ್ದು, ನೇರವಾಗಿ ಜನ ಸಾಮಾನ್ಯರಿಗೆ ಇದರ ಎಪೆಕ್ಟ್ ತಟ್ಟಲಿದೆ. ಇದರಿಂದ ಮನೆ ಕಟ್ಟುವ ಕಬ್ಬಿಣ, ಅದಿರು, ಜಲ್ಲಿ ಕಲ್ಲು, ಗ್ರಾನೈಟ್, ಮರಳು, ಎಂ. ಸ್ಯಾಂಡ್ ಸೇರಿದಂತೆ ಇನ್ನಿತರೆ ವಸ್ತುಗಳ ಬೆಲೆ ಇಂದಿನಿಂದ ದುಬಾರಿಯಾಗಲಿದೆ.

ಇನ್ನಷ್ಟು ಕರ್ನಾಟಕದ ಸುದ್ದಿಗಾಗಿ ಇಲ್ಲಿ ಕ್ಲಿಕ್ಕಿಸಿ