ಲಾರಿಯಲ್ಲಿ ತೊಗರಿಬೇಳೆ ಮೂಟೆ ಉರುಳಿ, ಅಕ್ಕಪಕ್ಕ ಮಲಗಿದ್ದ ಇಬ್ಬರು ಕಾರ್ಮಿಕರ ಸಾವು

ನೆಲಮಂಗಲ: ಈಗಂತೂ ಬಿಡಿ.. ಕೊರೊನಾ ಕಾಲದಲ್ಲಿ ಎಂತೆಂಥಾ ಸಾವಿಗಳನ್ನೋ ಜಗತ್ತು ಕಾಣುತ್ತಿದೆ. ಅದರೆ ಇಲ್ಲೊಂದು ವಿಚಿತ್ರ ಪ್ರಸಂಗ ಘಟಿಸಿದ್ದು, ಇಬ್ಬರು ಕಾರ್ಮಿಕರು ಮೃತಪಟ್ಟಿರುವುವುದು ನೋಡಿದರೆ ಯಮರಾಯ ಹೀಗೂ ಕಾಡುತ್ತಾನಾ ಅನ್ನಿಸದೇ ಇರದು. ಹಾಗಿದೆ ಇವರ ದಾರುಣ ಸಾವು. ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ನೆಲಮಂಗಲ ವ್ಯಾಪ್ತಿಯಲ್ಲಿ ಜಕ್ಕಸಂದ್ರ ಬಳಿ ರಾಷ್ಟ್ರೀಯ ಹೆದ್ದಾರಿ 4ರಲ್ಲಿ ಈ ದುರ್ಘಟನೆ ಸಂಭವಿಸಿದೆ.

ತೊಗರಿಬೇಳೆ ಮೂಟೆಗಳನ್ನು ತುಂಬಿಕೊಂಡು ಸಾಗುತ್ತಿದ್ದ ಲಾರಿಯಿಂದ ಆಕಸ್ಮಿಕವಾಗಿ ತೊಗರಿಬೇಳೆ ಮೂಟೆಗಳು ಉರುಳಿಬಿದ್ದಿವೆ. ಆ ವೇಳೆ ಲಾರಿಯಲ್ಲಿ ಮೂಟೆಗಳ ಪಕ್ಕ ಮಲಗಿದ್ದ ಇಬ್ಬರು ಕಾರ್ಮಿಕರ ಮೇಲೆ ಅವು ಉರುಳಿಬಿದ್ದು, ಇಬ್ಬರೂ ಸ್ಥಳದಲ್ಲೇ ಸಾವಗೀಡಾಗಿದ್ದಾರೆ. ಕೂಲಿ ಕಾರ್ಮಿಕರಾದ ಸಿಂಧನೂರಿನ ಶಂಕರ್ (28) ಮತ್ತು ಗಂಗಾವತಿ ಮೂಲದ ವಾಜಿದ್ ಅಲಿ (20) ಮೃತಪಟ್ಟವರು. ನೆಲಮಂಗಲ ನಗರ ಪೊಲೀಸ್ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ. ರಾಯಚೂರಿನಿಂದ ನೆಲಮಂಗಲದ ಗೋಡಾನ್ ಗೆ ತೊಗರಿ ಸಾಗಾಟ ವೇಳೆ ಈ ಅವಘಡ ನಡೆದಿದೆ.

(toor dal bags slides in running lorry 2 labourers from raichur died in nelamangala police station limits)

ಇದನ್ನು ಓದಿ: ಹೆಣ ಸುಡೋಕು ಹೆಣಗಾಟ ಶುರು? ಬೇಡಿಕೆ ಈಡೇರಿಲ್ಲ ಅಂದರೆ ಹೋರಾಟ ಮಾಡ್ತೀವಿ ಎಂದ ಚಿತಾಗಾರ ಸಿಬ್ಬಂದಿ!

Published On - 11:09 am, Fri, 23 April 21