AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ಮಗನನ್ನೇ ಕೊಂದ ಅಪ್ಪ: ಶವದೊಂದಿಗೆ ಕುಳಿತು ತಂದೆಯ ಹೈಡ್ರಾಮಾ; ಬೇಸತ್ತ ಜನರಿಂದ ಗೂಸಾ

ತುಮಕೂರು ಜಿಲ್ಲೆಯ ಕುಣಿಗಲ್​ ತಾಲೂಕಿನ ಚೌಡನಾಯಕನಪಾಳ್ಯದಲ್ಲಿ ಪತಿ, ಪತ್ನಿ ಜಗಳದಲ್ಲಿ ಮಗನ ಹತ್ಯೆಯಾಗಿದೆ. ಸದ್ಯ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಮಗನ ಶವದೊಂದಿಗೆ ಮನೆಯೊಳಗೆ ಅಡಗಿ ಕುಳಿತು ಹುಚ್ಚಾಟ ಮೆರೆದ ತಂದೆಯನ್ನು ಪೊಲೀಸರು ಇದೀಗ ಬಂಧಿಸಿದ್ದಾರೆ. ಅಷ್ಟೇ ಅಲ್ಲದೆ ಸಾರ್ವಜನಿಕರು ಆತನಿಗೆ ಗೂಸಾ ನೀಡಿದ್ದಾರೆ.

ಮಗನನ್ನೇ ಕೊಂದ ಅಪ್ಪ: ಶವದೊಂದಿಗೆ ಕುಳಿತು ತಂದೆಯ ಹೈಡ್ರಾಮಾ; ಬೇಸತ್ತ ಜನರಿಂದ ಗೂಸಾ
ಆರೋಪಿ ತಂದೆ
ಜಗದೀಶ ಬಿ.
| Edited By: |

Updated on:Nov 16, 2026 | 7:09 PM

Share

ಮುಖ್ಯಾಂಶಗಳು

  • ಕುಣಿಗಲ್​ನಲ್ಲಿ ತಂದೆಯಿಂದಲೇ ಮಗನ ಕೊಲೆ ಪ್ರಕರಣ
  • ಮಗನ ಕೊಂದು ಹೈಡ್ರಾಮಾ ಸೃಷ್ಟಿಸಿದ್ದ ತಂದೆ
  • ಸಾರ್ವಜನಿಕರಿಂದ ಬಿತ್ತು ಗೂಸಾ

ತುಮಕೂರು, ನವೆಂಬರ್​ 16: ಜಿಲ್ಲೆಯ ಕುಣಿಗಲ್ ತಾಲೂಕಿನ ಚೌಡನಾಯಕಪಾಳ್ಯದಲ್ಲಿ ತಂದೆಯೇ ಹಾರೆಯಿಂದ ಮಗನ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮತ್ತಷ್ಟು ಸಂಗತಿಗಳು ಬಯಲಾಗುತ್ತಿವೆ. ಹೆಂಡತಿ ಜೊತೆಗಿನ ಗಲಾಟೆಯಲ್ಲಿ ನಂಜಪ್ಪ ಮಗ ಸುನೀಲ್​​ನನ್ನು ಭಾನುವಾರ ಕೊಲೆಗೈದಿದ್ದ. ಕೊಲೆ ಬಳಿಕ ಮಗನ ಶವದೊಂದಿಗೆ ಮನೆಯೊಳಗೆ ಕುಳಿತು ಹೈಡ್ರಾಮಾ ಸೃಷ್ಟಿಸಿದ್ದಾನೆ. ಕೊನೆಗೆ ಪೊಲೀಸರು ಹರಸಾಹಸದ ಬಳಿಕ ಮನೆಯಿಂದ ಹೊರಬಂದ ಆರೋಪಿಗೆ ಸ್ಥಳೀಯರು ಹಿಗ್ಗಾಮುಗ್ಗಾ ಥಳಿಸಿದ್ದಾರೆ.

ಪತ್ನಿ ಜೊತೆ ಜಗಳ; ಮಗನನ್ನೇ ಕೊಂದ ತಂದೆ!

ತಂದೆಯಿಂದಲೇ ಮಗನ ಕೊಲೆ ಪ್ರಕರಣ ಸದ್ಯ ಭಾರಿ ಹೈಡ್ರಾಮಾಗೆ ಕಾರಣವಾಗಿದೆ. ನಂಜಪ್ಪ ಮತ್ತು ಆತನ ಪತ್ನಿ ರಂಜಿತಾ ನಡುವೆ ಜಗಳವಾಗಿದೆ. ಈ ವೇಳೆ ಪತ್ನಿಯನ್ನು ಮನೆಯಿಂದ ಹೊರಹಾಕಿದ್ದ ನಂಜಪ್ಪ ಮನೆಯ ಬಾಗಿಲಿಗೆ ಚಿಲಕ ಹಾಕಿಕೊಂಡಿದ್ದ. ಬೆಳಿಗ್ಗೆ ಬಾಗಿಲು ತೆರೆಯುವಂತೆ ಮಗ ಹೇಳಿದ್ದೆ ತಪ್ಪಾಗಿದೆ. ಹೆಂಡತಿ ಮೇಲಿದ್ದ ಕೋಪವನ್ನು ತಾನೂ ಜನ್ಮ ನೀಡಿದ ಮಗನ ಮೇಲೆ ತೀರಿಸಿಕೊಂಡಿದ್ದಾನೆ. ಮುಗ್ದ ಬಾಲಕನ ಬಲಿ ಪಡೆದಿದ್ದಾನೆ.

ಮಗನ ಶವದೊಂದಿಗೆ ಕುಳಿತು ತಂದೆಯ ಹೈಡ್ರಾಮಾ

ಆದರೆ ಇದಾದ ನಂತರವೂ ತನ್ನ ಹುಚ್ಚಾಟ ನಿಲ್ಲಿಸದ ತಂದೆ, ಮಗನ ಶವದೊಂದಿಗೆ ಮನೆಯೊಳಗೆ ಅಡಗಿಕೊಂಡು ಅವಾಂತರ ಸೃಷ್ಟಿಸಿದ್ದ. ಹೆಗಲ ಮೇಲೆ ಹಾರೆ ಹಿಡಿದು ಯಾರು ಬರ್ತಿರಾ ನೋಡ್ತಿನಿ ಎಂದು ಅವಾಜ್ ಕೂಡ ಹಾಕಿದ್ದ. ಇನ್ನು ವಿಚಾರ ತಿಳಿದು ಸ್ಥಳಕ್ಕೆ ಬಂದ ಪೊಲೀಸರಿಗೆ ಮನೆಯ ಲಾಕ್​​ ತೆರೆಯಲು ಒಪ್ಪದ ನಂಜಪ್ಪ, ಈ ರೀತಿ ಹೈಡ್ರಾಮಾ ಸೃಷ್ಟಿಸಿದ್ದಾನೆ.

ಇದನ್ನೂ ಓದಿ: ಗಂಡ-ಹೆಂಡತಿ ಜಗಳದಲ್ಲಿ ಮಗ ಬಲಿ: ಹಾರೆಯಿಂದ ಹೊಡೆದು ಪುತ್ರನನ್ನೇ ಕೊಂದ ಪಾಪಿ!

ಆರೋಪಿಯನ್ನು ಮನವೊಲಿಸಲು ಪೊಲೀಸರು ಸಾಕಷ್ಟು ಪ್ರಯತ್ನಿಸಿದರೂ ಆತ ಬಾಗಿಲು ತೆರೆಯಲಿಲ್ಲ. ಕೊನೆಗೆ ತಾವೇ ಹಾರೆ ಬಳಸಿ ಹೊರಗಡೆಯಿಂದ ಬಾಗಿಲು ತೆರೆದಿದ್ದಾರೆ. ಇನ್ನು ಇದೆಲ್ಲವನ್ನೂ ಹೊರಗಡೆಯಿಂದ ಜನರು ನೋಡುತಿದ್ದರು. ಇನ್ನು ಹೀಗೆ ಬಾಗಿಲು ತೆರೆದು ಒಳಗೆ ತೆರಳಿದ ಪೊಲೀಸರು ಆತನನ್ನು ವಶಕ್ಕೆ ಪಡೆದು ಹೊರ ಕರೆತಂದಿದ್ದಾರೆ. ಈ ವೇಳೆ ಅಲ್ಲಿ ನೆರೆದಿದ್ದ ಜನ ಆತನ ಮೇಲೆ ದಾಳಿ ಮಾಡಿದ್ದಾರೆ. ಪೊಲೀಸರು ಕೂಡಲೇ ಆತನನ್ನು ಹೊಯ್ಸಳದೊಳಗೆ ಕೂರಿಸಿದ್ದಾರೆ. ಆದರೂ ಬಿಡದ ಜನ ವಾಹನದೊಳಗೆ ನುಗ್ಗಿ ಹಲ್ಲೆ ಮಾಡಿದ್ದಾರೆ. ಜೊತೆಗೆ ನೆಲಕ್ಕೆ ತಳ್ಳಿ, ತುಳಿದಾಡಿದ್ದಾರೆ.

LIVE TV

ಮಗನ ಕಳೆದುಕೊಂಡು ತಾಯಿ ಕಣ್ಣೀರು 

ಇತ್ತ ತನ್ನ ಮೇಲಿದ್ದ ಕೋಪಕ್ಕೆ ಪತಿ, ಮಗನ ಕೊಂದನಲ್ಲ ಎಂದು ತಾಯಿ ಕಣ್ಣೀರು ಹಾಕಿದ್ದಾಳೆ. ಈ ಹಿಂದೆ ಗಂಡ ಹಲ್ಲೆ ಮಾಡಿದ್ದಾಗ ಪೊಲೀಸ್ ಠಾಣೆಯಲ್ಲಿ ಪತ್ನಿ ಕೇಸ್ ಮಾಡಿದ್ದು, ಆತ ಬಂಧನವಾಗಿ ಬಿಡುಗಡೆಯಾಗಿದ್ದ. ಆದರೆ ಕೇಸ್ ಕೋರ್ಟ್​ನಲ್ಲಿ ನಡೆಯುತಿತ್ತು. ಬಳಿಕ ರಾಜಿಯೂ ಆಗಿತ್ತು. ಒಟ್ಟಿಗೆ ಸಂಸಾರವೂ ಸಾಗಿತ್ತು. ಹೀಗಾಗಿ ಮರು ದಿನ ಅಂದರೆ ಸೋಮವಾರ ಕೋರ್ಟ್​ನಲ್ಲಿ ರಾಜಿ ಮಾಡಿಕೊಳ್ಳುವುದಕ್ಕೆ ಚಿಂತನೆ ಮಾಡಲಾಗಿತ್ತು. ಆದರೆ ಅದಕ್ಕೂ ಮುಂಚೆ ಶುರುವಾದ ಜಗಳದಲ್ಲಿ ಮಗ ಬಲಿಯಾಗಿದ್ದಾನೆ. ಜಗಳದಲ್ಲಿ ತಾನು ಜನ್ಮ ನೀಡಿದ ಮಗನ ಸಾವು ನಿರೀಕ್ಷಿಸದ ತಾಯಿ ಆತನನ್ನು ಕಳೆದುಕೊಂಡು ಕಣ್ಣೀರು ಹಾಕಿದ್ದಾಳೆ.

ಇದನ್ನೂ ಓದಿ: ಪಾರ್ಟನರ್​ನಿಂದಲೇ ₹30 ಲಕ್ಷದ ಸುಪಾರಿ: ರಿಯಲ್ ಎಸ್ಟೇಟ್ ಉದ್ಯಮಿ ಚರಣ್ ಕೊಲೆ ರಹಸ್ಯ ಕೊನೆಗೂ ಬಯಲು, ಐವರ ಬಂಧನ

ಸದ್ಯ ಘಟನೆ ಸಂಬಂಧ ಕುಣಿಗಲ್ ಪೊಲೀಸರು ನಂಜಪ್ಪನ ಬಂಧಿಸಿದ್ದಾರೆ. ಇನ್ನು ಆತನಿಗೆ ತಕ್ಕ ಶಿಕ್ಷೆ ಆಗಬೇಕು ಎನ್ನುವುದು ಗ್ರಾಮಸ್ಥರ ಒತ್ತಾಯವಷ್ಟೇ ಅಲ್ಲದೇ, ಮಗುವನ್ನು ಕಳೆದುಕೊಂಡ ತಾಯಿಯ ಒತ್ತಾಯವೂ ಆಗಿದೆ. ಒಟ್ಟಾರೆ, ತಾನು ಜನ್ಮ ನೀಡಿ, ಆಡಿಸಿ ಬೆಳೆಸಿದ ಮಗುವಿನ ಮೇಲೆ ತಂದೆಯ ಈ ಹುಚ್ಚಾಟದ ಕೃತ್ಯ ಎಲ್ಲರನ್ನೂ ಬೆಚ್ಚಿಬೀಳಿಸಿದೆ.

ಮತ್ತಷ್ಟು ಕ್ರೈಂ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

Published On - 7:06 pm, Mon, 16 November 26

Follow Us
ಜಗದೀಶ ಬಿ.
ಜಗದೀಶ ಬಿ.

ಜಗದೀಶ್​ ಬಸವರಾಜು ಟಿವಿ9 ಕನ್ನಡದ ಜಿಲ್ಲಾ ವರದಿಗಾರರಾಗಿದ್ದಾರೆ. ಪ್ರಸ್ತುತ ಅವರು ತುಮಕುರು ಜಿಲ್ಲಾ ಸುದ್ದಿಗಳ ವರದಿ ಮಾಡುತ್ತಿದ್ದಾರೆ. ಹುಟ್ಟಿದ್ದು, ಬೆಳೆದಿದ್ದು ಬೆಂಗಳೂರಿನಲ್ಲಿ. ಪತ್ರಿಕೋದ್ಯಮ ಓದಿದ್ದು, ವೃತ್ತಿ ಬದುಕು ಆರಂಭಿಸಿದ್ದು ಕೂಡಾ ಬೆಂಗಳೂರಿನಲ್ಲಿ. ಟಿವಿ9ನಲ್ಲಿ ಎಂಟು ವರ್ಷ ಸಹಿತ ಹತ್ತು ವರ್ಷದ ಕ್ರೈಂ ವರದಿಗಾರಿಕೆಯ ಅನುಭವದ ಜೊತೆ ಸದ್ಯ ೨೦೨೫ರಿಂದ ತುಮಕೂರು ಜಿಲ್ಲಾವರದಿಗಾರನಾಗಿ ಮಾದ್ಯಮದ ವೃತ್ತಿ ಬದುಕು ಮುಂದುವರೆದಿದೆ.

Read More
ಸೋನಿಯಾ ಗಾಂಧಿಯ ಆತ್ಮಕತೆ ಇಂದು ಅಧಿಕೃತ ಬಿಡುಗಡೆ
ಸೋನಿಯಾ ಗಾಂಧಿಯ ಆತ್ಮಕತೆ ಇಂದು ಅಧಿಕೃತ ಬಿಡುಗಡೆ
ಪ್ರತಿಭಟನೆ ತೀವ್ರ ಸ್ವರೂಪ ಪಡೆದುಕೊಳ್ಳುತ್ತಿದ್ದಂತೆಯೇ ಮದ್ಯ ಮಾರಾಟ ನಿಷೇಧ
ಪ್ರತಿಭಟನೆ ತೀವ್ರ ಸ್ವರೂಪ ಪಡೆದುಕೊಳ್ಳುತ್ತಿದ್ದಂತೆಯೇ ಮದ್ಯ ಮಾರಾಟ ನಿಷೇಧ
ಇಂಡಿಗೋ ವಿಮಾನದಲ್ಲಿ ತಾಂತ್ರಿಕ ದೋಷ ಪತ್ತೆ: ತಪ್ಪಿದ ಅನಾಹುತ
ಇಂಡಿಗೋ ವಿಮಾನದಲ್ಲಿ ತಾಂತ್ರಿಕ ದೋಷ ಪತ್ತೆ: ತಪ್ಪಿದ ಅನಾಹುತ
‘ತಲೆ ಮೇಲೆ ಗಾನವಿ ಕಾಲಿಟ್ಟಳು’: ಬಿಗ್ ಬಾಸ್ ಒಳಗಿನ ವಿಷಯ ತೆರೆದಿಟ್ಟ ಸೋನಿಕಾ
‘ತಲೆ ಮೇಲೆ ಗಾನವಿ ಕಾಲಿಟ್ಟಳು’: ಬಿಗ್ ಬಾಸ್ ಒಳಗಿನ ವಿಷಯ ತೆರೆದಿಟ್ಟ ಸೋನಿಕಾ
ರಾಜ್ಯಾದ್ಯಂತ ಹಾಫ್ ಹೆಲ್ಮೆಟ್ ಬ್ಯಾನ್‌:ಸಚಿವ ಬೈರತಿ ಸುರೇಶ್ ಮಹತ್ವದ ಮಾಹಿತಿ
ರಾಜ್ಯಾದ್ಯಂತ ಹಾಫ್ ಹೆಲ್ಮೆಟ್ ಬ್ಯಾನ್‌:ಸಚಿವ ಬೈರತಿ ಸುರೇಶ್ ಮಹತ್ವದ ಮಾಹಿತಿ
ರೇಷನ್ ಕಾರ್ಡ್‌ಗಾಗಿ 40 ವರ್ಷಗಳಿಂದ ಒಂಟಿ ವೃದ್ಧೆಯ ಪರದಾಟ
ರೇಷನ್ ಕಾರ್ಡ್‌ಗಾಗಿ 40 ವರ್ಷಗಳಿಂದ ಒಂಟಿ ವೃದ್ಧೆಯ ಪರದಾಟ
‘ನಾನು ಕನ್ನಡ ನಟರ ಬಗ್ಗೆ ತಪ್ಪಾಗಿ ಮಾತನಾಡಿಲ್ಲ’; ಶ್ರೀರಾಮ್ ಸ್ಪಷ್ಟನೆ
‘ನಾನು ಕನ್ನಡ ನಟರ ಬಗ್ಗೆ ತಪ್ಪಾಗಿ ಮಾತನಾಡಿಲ್ಲ’; ಶ್ರೀರಾಮ್ ಸ್ಪಷ್ಟನೆ
ಸಾರಿಗೆ ನೌಕರರಿಗೆ ಗುಡ್ ನ್ಯೂಸ್: 280 ಕೋಟಿ ರೂ. ವೇತನ ಹಿಂಬಾಕಿ ಬಿಡುಗಡೆ
ಸಾರಿಗೆ ನೌಕರರಿಗೆ ಗುಡ್ ನ್ಯೂಸ್: 280 ಕೋಟಿ ರೂ. ವೇತನ ಹಿಂಬಾಕಿ ಬಿಡುಗಡೆ
ಹೊಸ ಗಂಗಾ ಮನೆಯ ಬಗ್ಗೆ ಮುಕ್ತವಾಗಿ ಹಂಚಿಕೊಂಡ ಸಿಎಂ ಡಿಕೆ ಶಿವಕುಮಾರ್‌
ಹೊಸ ಗಂಗಾ ಮನೆಯ ಬಗ್ಗೆ ಮುಕ್ತವಾಗಿ ಹಂಚಿಕೊಂಡ ಸಿಎಂ ಡಿಕೆ ಶಿವಕುಮಾರ್‌
ಇ-ಕೆವೈಸಿ ಹೆಸರಲ್ಲಿ ವಸೂಲಿಗಿಳಿದ ನ್ಯಾಯಬೆಲೆ ಅಂಗಡಿಗಳ ವಿರುದ್ಧ ಕಠಿಣ ಕ್ರಮ
ಇ-ಕೆವೈಸಿ ಹೆಸರಲ್ಲಿ ವಸೂಲಿಗಿಳಿದ ನ್ಯಾಯಬೆಲೆ ಅಂಗಡಿಗಳ ವಿರುದ್ಧ ಕಠಿಣ ಕ್ರಮ