TV9 Impact ಭ್ರಷ್ಟಾಚಾರ ಆರೋಪ ಹೊತ್ತಿದ್ದ BDA ಅಧಿಕಾರಿಗೆ ಎತ್ತಂಗಡಿ ಶಿಕ್ಷೆ

ಬೆಂಗಳೂರು: ಟಿವಿ9 ವರದಿ ಬಳಿಕ BDAನಲ್ಲಿ ಭಾರಿ ಬದಲಾವಣೆ ಸಂಭವಿಸಿದೆ. ನಿಮ್ಮ ಸುದ್ದಿವಾಹಿನಿಯ ವರದಿ ಬೆನ್ನಲ್ಲೇ ಭ್ರಷ್ಟಾಚಾರ ಆರೋಪ ಹೊತ್ತಿದ್ದ BDA ಅಧಿಕಾರಿಗೆ ಎತ್ತಂಗಡಿ ಶಿಕ್ಷೆ ಸಿಕ್ಕಿದೆ. ಭ್ರಷ್ಟಾಚಾರ ಆರೋಪ ಹೊತ್ತಿದ್ದ N.S.ಚಿದಾನಂದ್ ಅವರನ್ನು ಎತ್ತಂಗಡಿ ಮಾಡಲಾಗಿದೆ.

ಹಲವು ಹಗರಣಗಳಲ್ಲಿ ಚಿದಾನಂದ್​ ಹೆಸರು ಕೇಳಿ ಬಂದಿತ್ತು. ಈ ನಡುವೆ, BDA ಅಧ್ಯಕ್ಷ S.R.ವಿಶ್ವನಾಥ್ ಸಹ ನೇರ ಆರೋಪ ಮಾಡಿದ್ದರು. ಚಿದಾನಂದ್ BDA ನಲ್ಲಿ ಉಪ ಕಾರ್ಯದರ್ಶಿ-1 ಹುದ್ದೆಯಲ್ಲಿದ್ದರು. ಈ ವೇಳೆ, ಭವಾನಿ ಹೌಸಿಂಗ್ ಸೊಸೈಟಿ ಗೋಲ್​ಮಾಲ್​ನಲ್ಲಿ ಭಾಗಿಯಾಗಿದ್ದರು ಎಂದು ವಿಶ್ವನಾಥ್ ಆರೋಪಿಸಿದ್ದರು. ಈ ಕುರಿತು, ಟಿವಿ9ನಲ್ಲಿ ನಿರಂತರ ವರದಿ ಪ್ರಸಾರ ಮಾಡಲಾಗಿತ್ತು. ಇದೀಗ, ಚಿದಾನಂದ್​ ವರ್ಗಾವಣೆ ಮಾಡಿ ಸರ್ಕಾರ ಆದೇಶ ಹೊರಡಿಸಿದೆ. ಎನ್.ಎಸ್.ಚಿದಾನಂದ ಅವರನ್ನು ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ಆಯುಕ್ತರ ಕಚೇರಿಯಲ್ಲಿ ಉಪ ನಿರ್ದೇಶಕರಾಗಿ ವರ್ಗಾವಣೆಗೊಳಿಸಿ ಆದೇಶ ಹೊರಡಿಸಲಾಗಿದೆ.

ಜೊತೆಗೆ, BDA ಗೆ 3 ಹೊಸ ಉಪ ಕಾರ್ಯದರ್ಶಿಗಳ ನೇಮಕವಾಗಿದೆ. ಉಪಕಾರ್ಯದರ್ಶಿ-1 ಆಗಿದ್ದ N.S.ಚಿದಾನಂದ್ ಸ್ಥಾನಕ್ಕೆ ಡಾ.ಮಧು.ಎನ್.ಎನ್ ನೇಮಕಗೊಂಡಿದ್ದಾರೆ. ಇದಲ್ಲದೆ, ಖಾಲಿಯಿದ್ದ ಉಪಕಾರ್ಯದರ್ಶಿ-3ರ ಹುದ್ದೆಗೆ ಡಾ.B.R.ಹರೀಶ್ ಮತ್ತು ಖಾಲಿ ಇದ್ದ ಉಪಕಾರ್ಯದರ್ಶಿ-4ರ ಹುದ್ದೆಗೆ ಗೀತಾ ಹುಡೇದ್ ಅವರನ್ನು ನೇಮಕ ಮಾಡಲಾಗಿದೆ. ಈ ಹಿಂದೆ, ಉಪಕಾರ್ಯದರ್ಶಿ 3, 4ರ ಹುದ್ದೆಯಲ್ಲಿದ್ದ ರಾಜು ಹಾಗೂ ಶಿವೇಗೌಡನನ್ನು ಅಮಾನತು ಮಾಡಲಾಗಿತ್ತು.

ಇದನ್ನೂ ಓದಿ: Bhaskar Rao ರೈಲ್ವೆ ADGP ಆಗಿ ಭಾಸ್ಕರ್ ರಾವ್ ವರ್ಗಾವಣೆ

Published On - 7:35 pm, Tue, 16 February 21