Google Search ಸ್ಥಳೀಯ ಭಾಷೆಯಲ್ಲಿ ಹುಡುಕಾಟಕ್ಕೆ ಹೊಸ ಅನ್ವೇಷಣೆ ಮಾಡಿದ ಗೂಗಲ್.. ಆದ್ರೆ ಕನ್ನಡಕ್ಕಿಲ್ಲ ಆದ್ಯತೆ!

ಮುಂದಿನ ದಿನಗಳಲ್ಲಿ ನೀವು ಯಾವುದಾದರೂ ವಿಚಾರವನ್ನು ಇಂಗ್ಲಿಷ್​ನಲ್ಲಿ ಸರ್ಚ್​ ಮಾಡಿದಿರಿ ಎಂದಿಟ್ಟುಕೊಳ್ಳಿ. ಅಗ ಅದಕ್ಕೆ ಸಂಬಂಧಿಸಿದ ಸ್ಥಳೀಯ ಭಾಷೆಯ ವಿಚಾರಗಳನ್ನೂ ಗೂಗಲ್ ತೋರಿಸಲಿದೆ.

Google Search ಸ್ಥಳೀಯ ಭಾಷೆಯಲ್ಲಿ ಹುಡುಕಾಟಕ್ಕೆ ಹೊಸ ಅನ್ವೇಷಣೆ ಮಾಡಿದ ಗೂಗಲ್.. ಆದ್ರೆ ಕನ್ನಡಕ್ಕಿಲ್ಲ ಆದ್ಯತೆ!
ಪ್ರಾತಿನಿಧಿಕ ಚಿತ್ರ
Rajesh Duggumane

| Edited By: sadhu srinath

Dec 17, 2020 | 6:06 PM

ಬಳಕೆದಾರರಿಗೆ ಅನುಕೂಲ ಮಾಡಿಕೊಡಲು ಸದಾ ಹೊಸ ಹೊಸ ಅನ್ವೇಷಣೆಗಳನ್ನು ಗೂಗಲ್​ ಪರಿಚಯಿಸುತ್ತಲೇ ಇದೆ. ಈಗ ಗೂಗಲ್ ಸ್ಥಳೀಯ ಭಾಷೆಗೆ ಒತ್ತು ನೀಡಲು ಮುಂದಾಗಿದೆ. ಗೂಗಲ್​​ ಸರ್ಚ್​, ಗೂಗಲ್​ ಅಸಿಸ್ಟಂಟ್​, ಗೂಗಲ್ ಮ್ಯಾಪ್​, ಗೂಗಲ್​ ಲೆನ್ಸ್​​ನಲ್ಲಿ ನೀವು ಭಾರತದ ಸ್ಥಳೀಯ ಭಾಷೆಯನ್ನು ಬಳಕೆ ಮಾಡಿ ಹುಡುಕುವ ಅವಕಾಶವನ್ನು ಕಲ್ಪಿಸಿದೆ.

ನೀವು ಗೂಗಲ್​ನಲ್ಲಿ ಟೈಪ್ ಮಾಡಿದ ಯಾವುದೇ ಇಂಗ್ಲಿಷ್​ ಪ್ರಶ್ನೆಯನ್ನು ಹಿಂದಿಗೆ ಬದಲಾಯಿಸಲು ಗೂಗಲ್ ಬಳಕೆದಾರರಿಗೆ ಸಹಾಯ ಮಾಡುತ್ತಿದೆ. ಈಗ ಅದೇ ಸೇವೆ ಭಾರತದ ನಾಲ್ಕು ಸ್ಥಳೀಯ ಭಾಷೆಗಳಿಗೆ ವಿಸ್ತರಣೆ ಆಗಿದೆ. ತಮಿಳು, ತೆಲುಗು, ಬೆಂಗಾಲಿ ಹಾಗೂ ಮರಾಠಿ ಭಾಷೆಗಳನ್ನು ಗೂಗಲ್​ ಸೇರ್ಪಡೆ ಮಾಡುತ್ತಿದೆ. ಹೀಗಾಗಿ, ಈ ನಾಲ್ಕು ಭಾಷೆಯವರಿಗೆ ಸ್ಥಳೀಯ ಭಾಷೆಯಲ್ಲಿ ಗೂಗಲ್​ ಸರ್ಚ್​ ಮಾಡಲು ಸಹಕಾರಿ ಆಗಲಿದೆ.

ಮುಂದಿನ ದಿನಗಳಲ್ಲಿ ನೀವು ಯಾವುದಾದರೂ ವಿಚಾರವನ್ನು ಇಂಗ್ಲಿಷ್​ನಲ್ಲಿ ಸರ್ಚ್​ ಮಾಡಿದಿರಿ ಎಂದಿಟ್ಟುಕೊಳ್ಳಿ. ಆಗ ಅದಕ್ಕೆ ಸಂಬಂಧಿಸಿದ ಸ್ಥಳೀಯ ಭಾಷೆಯ ವಿಚಾರಗಳನ್ನೂ ಗೂಗಲ್ ತೋರಿಸಲಿದೆ. ಸ್ಥಳೀಯ ಭಾಷೆಯಲ್ಲಿ ಸರ್ಚ್​ ಮಾಡಿದರೆ ನಿಮಗೆ ಇಂಗ್ಲಿಷ್​ನಲ್ಲೂ ಫಲಿತಾಂಶ ದೊರೆಯಲಿದೆ.

ನೀವು ಗೂಗಲ್​ನಲ್ಲಿ ಮೂರು ಅಥವಾ ಮೂರಕ್ಕಿಂತ ಹೆಚ್ಚು ಬಾರಿ ಸ್ಥಳೀಯ ಭಾಷೆಯನ್ನು ಬಳಕೆ ಮಾಡಿ ಸರ್ಚ್​ ಮಾಡಿದರೆ, ಗೂಗಲ್​ ಅದನ್ನು ಪಟ್ಟಿ ಮಾಡಿಕೊಳ್ಳಲಿದೆ. ಮುಂದಿನ ದಿನಗಳಲ್ಲಿ ಗೂಗಲ್ ಅದೇ ಭಾಷೆಯಲ್ಲಿ ಹೆಚ್ಚು ಸರ್ಚ್​ ರಿಸಲ್ಟ್​ ತೋರಿಸಲಿದೆ.

ಗೂಗಲ್​ ಮ್ಯಾಪ್​ನಲ್ಲಿ ಸ್ಥಳೀಯ ಭಾಷೆ ಗೂಗಲ್​ ಮ್ಯಾಪ್​ನಲ್ಲೂ ಸ್ಥಳೀಯ ಭಾಷೆ ಬಳಕೆ ಮಾಡೋಕೆ ಗೂಗಲ್​ ಹೆಚ್ಚು ಆದ್ಯತೆ ನೀಡುತ್ತಿದೆ. ಸದ್ಯ, 9 ಭಾರತೀಯ ಭಾಷೆಗಳಲ್ಲಿ ಗೂಗಲ್​ ಮ್ಯಾಪ್​ ಸೇವೆ ಒದಗಿಸುತ್ತಿದೆ. ಗೂಗಲ್​ ಮ್ಯಾಪ್​ ಸೆಟ್ಟಿಂಗ್​ಗೆ ತೆರಳಿ ಅಲ್ಲಿ, ನಿಮಗೆ ಬೇಕಾದ ಭಾಷೆಯನ್ನು ಆಯ್ಕೆ ಮಾಡಿಕೊಳ್ಳಬಹುದು. ಈ ಮೂಲಕ ನೀವು ಆಯ್ಕೆ ಮಾಡಿಕೊಂಡ ಭಾಷೆಯಲ್ಲೇ ಸಹಾಯ ಪಡೆಯಬಹುದು.

ಕನ್ನಡಕ್ಕಿಲ್ಲ ಆದ್ಯತೆ ಈ ಬಾರಿ ಕನ್ನಡಕ್ಕೆ ಗೂಗಲ್​ ಹೆಚ್ಚು ಆದ್ಯತೆ ನೀಡಿಲ್ಲ. ಈ ಕಾರಣಕ್ಕೆ ಹೊಸ ಆವಿಷ್ಕಾರದಲ್ಲಿ ಕನ್ನಡ ಸೇರ್ಪಡೆ ಮಾಡಿಲ್ಲ. ಮುಂದಿನ ದಿನಗಳಲ್ಲಿ ಕನ್ನಡವನ್ನು ಸೇರ್ಪಡೆ ಮಾಡುವ ಸಾಧ್ಯತೆ ಇದೆ.

ಗೂಗಲ್​ ಉದ್ಯೋಗಿಗಳಿಗೆ ಪತ್ರ​ ಬರೆದ ಸುಂದರ್​ ಪಿಚೈ; ಆ ಇ-ಮೇಲ್​ನಲ್ಲೇನಿದೆ?

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada