India vs Australia Test Series 2ನೇ ದಿನದಾಟ: ಗಿಲ್​ ಅರ್ಧ ಶತಕ.. ಭಾರತಕ್ಕೆ ಆರಂಭಿಕ ಆಘಾತ

ಸಿಡ್ನಿ: ಇಂಡೋ- ಆಸಿಸ್​ ನಡುವಿನ 3ನೇ ಟೆಸ್ಟ್​ನ 2ನೇ ದಿನದಾಟ ಅಂತ್ಯವಾಗಿದ್ದು, ಮೊದಲನೇ ದಿನದಾಟದಲ್ಲಿ 2 ವಿಕೆಟ್​ ಕಳೆದುಕೊಂಡು ಉತ್ತಮ ಸ್ಥಿತಿಯಲ್ಲಿದ್ದ ಆಸಿಸ್​ ಪಡೆ, 3ನೇ ದಿನದಾಟದಲ್ಲಿ ತನ್ನೆಲ್ಲಾ ವಿಕೆಟ್​ ಕಳೆದುಕೊಂಡು 338 ರನ್ ಗಳಿಸಿತ್ತು​. ಇದಕ್ಕೆ ಪ್ರತ್ತ್ಯುತ್ತರವಾಗಿ ಬ್ಯಾಟಿಂಗ್​ ಆರಂಭಿಸಿರುವ ಟೀಂ ಇಂಡಿಯಾ ಆರಂಭಿಕ ಆಘಾತ ಎದುರಿಸಿದೆ.

ಸ್ಟೀವ್​ ಸ್ಮಿತ್​ ಅಮೋಘ ಶತಕ.. 2ನೇ ದಿನದಾಟದಲ್ಲಿ ಉತ್ತಮ ಆರಂಭ ಪಡೆದ ಆಸ್ಟ್ರೇಲಿಯಾ ಸ್ಟೀವ್​ ಸ್ಮಿತ್​ ಅವರ ಅಮೋಘ 131 ರನ್​ ಹಾಗೂ ಲಾಬುಶೆನ್ ಅವರ 91 ರನ್​ಗಳ ನೆರವಿನಿಂದ ಬೃಹತ್​ ಮೊತ್ತ ಕಲೆಹಾಕುವತ್ತ ಸಾಗಿತ್ತು. ಆದರೆ ಟೀಂ ಇಂಡಿಯಾದ ಬೌಲರ್​ಗಳು ಇದಕ್ಕೆ ಬ್ರೇಕ್​ ಹಾಕಿದರು.

91 ರನ್ ಗಳಿಸಿ ಆಡುತ್ತಿದ್ದ ಲಾಬುಶೆನ್​ಗೆ ರವೀಂದ್ರ ಜಡೇಜಾ ಪೆವಿಲಿಯನ್​ ದಾರಿ ತೋರಿಸಿದರು. ಹಾಗೆಯೇ ಶತಕ ಬಾರಿಸಿ ಆರ್ಭಟಿಸುತ್ತಿದ್ದ ಸ್ಟೀವ್​ ಸ್ಮಿತ್​, ಜಡೇಜಾ ಮಾಡಿದ ಅದ್ಭುತ ಫೀಲ್ಡಿಂಗ್​ಗೆ ಬಲಿಯಾದರು. ಅಂತಿಮವಾಗಿ ಮಿಚೆಲ್​ ಸ್ಟಾರ್ಕ್​ ಕೊಂಚ ಅಬ್ಬರಿಸಿದ್ದನ್ನು ಬಿಟ್ಟರೆ, ಉಳಿದ ಆಸಿಸ್​ ಆಟಗಾರರು ಮೈದಾನದಲ್ಲಿ ಹೆಚ್ಚು ಸಮಯ ಉಳಿಯಲಿಲ್ಲ.

4 ವಿಕೆಟ್​ ಕಬಳಿಸಿದ ರವೀಂದ್ರ ಜಡೇಜಾ.. ಭಾರತದ ಪರ 4 ವಿಕೆಟ್​ ಕಬಳಿಸಿದ ರವೀಂದ್ರ ಜಡೇಜಾ ಆಸಿಸ್​ನ ಬ್ಯಾಟಿಂಗ್​ ಬೆನ್ನೇಲುಬನ್ನು ಮುರಿಯುವಲ್ಲಿ ಯಶಸ್ವಿಯಾದರು. ಹಾಗೆಯೇ ನವ್​ದೀಪ್​ ಸೈನಿ ಹಾಗೂ ಬುಮ್ರಾ ತಲಾ 2 ವಿಕೆಟ್​ ತೆಗೆಯುವುದರ ಮೂಲಕ ತಂಡಕ್ಕೆ ನೆರವಾದರು. ವೇಗಿ ಸಿರಾಜ್​ ಕೂಡ 1 ವಿಕೆಟ್​ ಪಡೆದರು.

ಆಸಿಸ್​ನ 368 ರನ್​ಗಳ ಗುರಿ ಬೆನ್ನತ್ತಿರುವ ಟೀಂ ಇಂಡಿಯಾ ಆರಂಭಿಕ ಆಘಾತಕ್ಕೆ ಒಳಗಾಗಿದೆ. ಭಾರತದ ಪರ ಆರಂಭಿಕರಾಗಿ ಕಣಕ್ಕಿಳಿದ ರೋಹಿತ್​ ಶರ್ಮ ಹಾಗೂ ಶುಭ್​ಮನ್​ ಗಿಲ್​ 50 ರನ್​ಗಳ ಜೊತೆಯಾಟ ಆಡುವುದರ ಮೂಲಕ ಉತ್ತಮ ಅಡಿಪಾಯ ಹಾಕಿಕೊಟ್ಟರು. ಆದರೆ 26 ರನ್​ ಗಳಿಸಿ ಅಬ್ಬರಿಸುತ್ತಿದ್ದ ರೋಹಿತ್​ ಶರ್ಮ ಹ್ಯಾಝಲ್​ವುಡ್​ ಬಲೆಗೆ ಬಿದ್ದರು.

ಅರ್ಧ ಶತಕ ಬಾರಿಸಿದ ಶುಭ್​ಮನ್​ ಗಿಲ್..​ ನಂತರ ಬಂದ ಪೂಜಾರಾಗೆ ಉತ್ತಮ ಸಾಥ್​ ನೀಡಿದ ಗಿಲ್​ ಅರ್ಧ ಶತಕ ಪೂರೈಸಿದರು. 50 ರನ್​ ಬಳಿಕ ಎಚ್ಚರಿಕೆಯ ಆಟವಾಡಬೇಕಿದ್ದ ಗಿಲ್​ ಅರ್ಧ ಶತಕದ ಸಂಭ್ರಮದಲ್ಲೇ ಪ್ಯಾಟ್​ ಕಮಿನ್ಸ್​ಗೆ ವಿಕೆಟ್​ ಒಪ್ಪಿಸಿದರು. ಈ ಎರಡು ವಿಕೆಟ್​ಗಳ ನಂತರ ತಾಳ್ಮೆಯ ಆಟಕ್ಕೆ ಮುಂದಾಗಿರುವ ನಾಯಕ ಅಜಿಂಕ್ಯಾ ರಹಾನೆ ಹಾಗೂ ಪೂಜಾರ ನಾಳೆಗೆ ಬ್ಯಾಟಿಂಗ್​ ಕಾಯ್ದುಕೊಂಡಿದ್ದಾರೆ. ಇಂದಿನ ದಿನದಾಟದ ಅತ್ಯಂಕ್ಕೆ ಟೀಂ ಇಂಡಿಯಾ 2 ವಿಕೆಟ್​ ಕಳೆದುಕೊಂಡು 96 ರನ್​ ಗಳಿಸಿದೆ.

India vs Australia Test Series ಸ್ಮಿತ್ ಸೆಂಚುರಿ.. ಜಡೇಜಾಗೆ 4 ವಿಕೆಟ್​: ಆಸ್ಟ್ರೇಲಿಯಾ ಆಲೌಟ್​