ಇನ್​ಸ್ಟಾಗ್ರಾಂನಲ್ಲಿ ಹೊಸಹೊಸತು, ನಿಮಗೆಷ್ಟು ಗೊತ್ತು? ಬಳಸೋದು ಹೇಗೆ?

ಪ್ರಮುಖ ಸಾಮಾಜಿಕ ಜಾಲತಾಣ ಇನ್​ಸ್ಟಾಗ್ರಾಂ ಕಾಲಕ್ಕೆ ತಕ್ಕಂತೆ ಹೊಸಹೊಸ ಆಪ್ಷನ್​ಗಳನ್ನು ಪರಿಚಯಿಸುತ್ತಿದೆ.  ಈ ಮೂಲಕ ಇನ್ನಷ್ಟು ಬಳಕೆದಾರರನ್ನು ಸೆಲೆಯುವ ಹುಕಿಯಲ್ಲಿ ಮುಂದುವರೆಯುತ್ತಿರುವ  ಇನ್​ಸ್ಟಾಗ್ರಾಂ, ಈಚೆಗೆ ಪರಿಚಯಿಸಿದ ಐದು ಹೊಸ ಆಪ್ಷನ್​ಗಳ ಬಗ್ಗೆ ಇಲ್ಲಿದೆ ಮಾಹಿತಿ.

ನಿರ್ದಿಷ್ಟ ಸಂದೇಶಕ್ಕೆ ಉತ್ತರಿಸಿ ಒಂದು ವಾರದ ಹಿಂದಷ್ಟೆ, ನಿರ್ದಿಷ್ಟ ಸಂದೇಶಕ್ಕೆ ಪ್ರತಿಕ್ರಿಯಿಸುವ ನೀಡುವ ಹೊಸ ಆಯ್ಕೆಯನ್ನು ಇನ್​ಸ್ಟಾಗ್ರಾಂ ನೀಡಿದೆ. ವಾಟ್ಸಾಪ್​ನಲ್ಲಿ ಈ ಆಯ್ಕೆ ಈಗಾಗಲೇ ಇದೆ. ನಿರ್ದಿಷ್ಟ ಸಂದೇಶವೊಂದನ್ನು ಆಯ್ಕೆ ಮಾಡಿದಾಗ ಯಾರಿಗೆ ಫಾರ್ವರ್ಡ್​ ಮಾಡಬೇಕು ಎಂಬುದನ್ನು ನಿರ್ಧರಿಸುವ ಅವಕಾಶವೂ ಈಗ ಲಭ್ಯವಿದೆ.

ಖಾತೆಯನ್ನು ಬದಲಿಸೋದು ಸುಲಭ ಬಳಕೆದಾರರು ಇನ್​ಸ್ಟಾಗ್ರಾಂನಲ್ಲಿ ಎರಡು ಖಾತೆಗಳನ್ನು ಹೊಂದಿದ್ದು, ಎರಡೂ ಖಾತೆಗಳಿಂದ ಲಾಗ್​ಇನ್ ಆಗಿದ್ದಲ್ಲಿ ಟ್ಯಾಪ್ ಮಾಡುವ ಮೂಲಕ ಸುಲಭವಾಗಿ ಖಾತೆಯನ್ನು ಬದಲಾಯಿಸಬಹುದು. ಎರಡು ಖಾತೆಗಳಲ್ಲಿ ನೀವು ಆಯ್ಕೆ ಮಾಡುವ ಖಾತೆಯನ್ನು ದೀರ್ಘವಾಗಿ ಒತ್ತಿದರೆ ಅದನ್ನೇ ಬಳಸಲು ಅವಕಾಶ ಪಡೆದುಕೊಳ್ಳುಬಹುದು.

ಕಣ್ಮರೆಯಾಗುವ ಫೋಟೊ / ವಿಡಿಯೋ ನಿರ್ದಿಷ್ಟ ಸಮಯದ ನಂತರ ಕಣ್ಮರೆಯಾಗುವಂತೆ ಫೋಟೊ ಅಥವಾ ವಿಡಿಯೋಗಳನ್ನು ಗುಂಪಿನಲ್ಲಿ ಅಥವಾ ವೈಯಕ್ತಿಕವಾಗಿ ನಿರ್ದಿಷ್ಟ ವ್ಯಕ್ತಿಗೆ ಕಳುಹಿಸುವ ಆಯ್ಕೆಯನ್ನು ಇನ್​ಸ್ಟಾಗ್ರಾಂ ನೀಡುತ್ತಿದೆ. ಇನ್​ಬಾಕ್ಸ್​ನಲ್ಲಿ ಕ್ಯಾಮೆರಾ ಐಕಾನ್​ ಒತ್ತಿದಾಗ, ಕ್ಯಾಮೆರಾ ಮತ್ತು ಫೋಟೋ ಗ್ಯಾಲರಿ ಆಯ್ಕೆ ಪಡೆಯಬಹುದು. ಕಳಿಸಿದ ಫೋಟೋ ಅಥವಾ ವಿಡಿಯೋ ನಿರ್ದಿಷ್ಟ ಸಮಯದ ನಂತರ ಕಣ್ಮರೆಯಾಗಲಿದೆ.

ಸಂದೇಶ ಅಥವಾ ಪೋಸ್ಟ್ ಮ್ಯೂಟ್ ಇತರರು ಪೋಸ್ಟ್​ ಮಾಡುವ ಅಥವಾ ಕಳುಹಿಸುವ ಸಂದೇಶಗಳು ನಿಮಗೆ ಇಷ್ಟವಾಗದಿದ್ದಲ್ಲಿ ಮ್ಯೂಟ್ ಮಾಡುವ ಆಯ್ಕೆಯನ್ನು ಇನ್​ಸ್ಟಾಗ್ರಾಂ ನೀಡಿದೆ. ಇತರ ಖಾತೆದಾರರ ಪ್ರೊಫೈಲ್ ಚಿತ್ರದ ಮೇಲೆ ದೀರ್ಘವಾಗಿ ಒತ್ತುವ ಮೂಲಕ ಅವರ ಖಾತೆಯ ಪೇಜ್​ ತೆರೆಯಬಹುದು. ಈ ಮೂಲಕ ಮ್ಯೂಟ್ ಆಯ್ಕೆ ಬಳಸಬಹುದು. ಪೇಜಿನ ಕೊನೆಯಲ್ಲಿ ಮ್ಯೂಟ್ ಆಯ್ಕೆ ಸಿಗುತ್ತದೆ. ಮ್ಯೂಟ್ ಮಾಡಿದ ವ್ಯಕ್ತಿಗೆ ಯಾವುದೇ ಮಾಹಿತಿ ಸಿಗುವುದಿಲ್ಲ.

ಎಮೋಜಿಗಳು ಫೇಸ್​ಬುಕ್, ವಾಟ್ಸಾಪ್​ಗಳು ಈಗಾಗಲೇ ಎಮೋಜಿ ಆಯ್ಕೆಗಳನ್ನು ನೀಡಿದೆ. ಅಂತೆಯೇ ಇನ್​ಸ್ಟಾಗ್ರಾಂ ಕೂಡಾ ಈ ಆಯ್ಕೆಯನ್ನು ಬಳಕೆದಾರರಿಗೆ ನೀಡುತ್ತಿದೆ. ಪೋಸ್ಟರ್​ಗಳಲ್ಲಿ ಎಮೋಜಿಗಳನ್ನು ಬಳಸುವ ಮೂಲಕ ಪ್ರತಿಕ್ರಿಯೆ ನೀಡಬಹುದು. ಸ್ನೇಹಿತರು ಕಳುಹಿಸುವ ಪೋಸ್ಟ್​ಗಳನ್ನು ದೀರ್ಘಕಾಲದವರೆಗೆ ಒತ್ತುವ ಮೂಲಕ ಎಮೋಜಿ ಆಯ್ಕೆಗಳು ಕಾಣಿಸುತ್ತವೆ. ಇದನ್ನು ಆಯ್ಕೆ ಮಾಡಬಹುದು. ಕೆಂಪು ಹೃದಯದ ಐಕಾನ್ ಬಳಸಲು ಪೋಸ್ಟ್​ನ್ನು ಡಬಲ್ ಟ್ಯಾಪ್ ಮಾಡಬಹುದು.