ಕೇರಳದಲ್ಲಿ ಹೆಚ್ಚಿನ ಮಳೆ, ಕಬಿನಿ ಜಲಾಶಯದಲ್ಲಿ ನೀರೋ ನೀರು

ಮೈಸೂರು: ಕೇರಳ ಭಾಗದಲ್ಲಿ ಹೆಚ್ಚಿನ ಮಳೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಜಿಲ್ಲೆಯ ಹೆಚ್. ಡಿ. ಕೋಟೆ ತಾಲೂಕು ಬೀಚನಹಳ್ಳಿ ಗ್ರಾಮದ ಬಳಿಯಿರುವ ಕಬಿನಿ ಜಲಾಶಯಕ್ಕೆ ಒಳಹರಿವಿನ‌ ಪ್ರಮಾಣ ಹೆಚ್ಚಳವಾಗಿದೆ. ಕಬಿನಿ ಜಲಾಶಯದ ಒಳಹರಿವಿನ ಪ್ರಮಾಣ 10,786 ಕ್ಯೂಸೆಕ್ ಎಂದು ತಿಳಿದುಬಂದಿದೆ. ಜೊತೆಗೆ, ಜಲಾಶಯದ ಹೊರಹರಿವು 1,500 ಕ್ಯೂಸೆಕ್ ಎನ್ನಲಾಗಿದೆ.

ಒಳಹರಿವಿನ ಪ್ರಮಾಣ ಹೆಚ್ಚಳವಾಗಿರೋದ್ರಿಂದ ಜಲಾಶಯದಲ್ಲಿ ನೀರಿನ ಮಟ್ಟ 72.96 ಅಡಿ ತಲುಪಿದೆ. ಕಬಿನಿ ಜಲಾಶಯದ ಗರಿಷ್ಠ ನೀರಿನ ಮಟ್ಟ 84 ಅಡಿ. ಜೊತೆಗೆ, ಜಲಾಶಯದ ಒಟ್ಟು ನೀರಿನ ಸಂಗ್ರಹ ಸಾಮರ್ಥ್ಯ 19.52 ಟಿಎಂಸಿ ಆಗಿದ್ದು ಇಂದು ಇರುವ ನೀರಿನ ಸಂಗ್ರಹ 11.42 ಟಿಎಂಸಿ ತಲುಪಿದೆ.

Published On - 11:33 am, Sat, 18 July 20