ರಶ್ಮಿಕಾ ಮಂದಣ್ಣ-ಪೂಜಾ ಹೆಗ್ಡೆಗೆ ಟಫ್ ಕಾಂಪಿಟೀಷನ್ ಕೊಡೋಕೆ ಬಂದ್ರು ಮತ್ತೋರ್ವ ನಟಿ!
ನಟಿ ರಶ್ಮಿಕಾ ಮಂದಣ್ಣ ಹಾಗೂ ನಟಿ ಪೂಜಾ ಹೆಗ್ಡೆ ಅವರಿಗೆ ಕರ್ನಾಟಕದ ಹಿನ್ನೆಲೆ ಇದೆ. ಈಗ ಇಬ್ಬರಿಗೂ ಕಾಂಪಿಟೇಷನ್ ಕೊಡೋಕೇ ಮತ್ತೋರ್ವ ನಟಿ ರೆಡಿ ಆಗಿದ್ದಾರೆ.
ಕೊಡಗಿನ ರಶ್ಮಿಕಾ ಮಂದಣ್ಣ ಈಗ ಟಾಲಿವುಡನ್ ಸ್ಟಾರ್ ಹೀರೋಯಿನ್. ಈಗಾಗಲೇ ತೆಲುಗಿನ ಸೂಪರ್ ಸ್ಟಾರ್ಗಳಾದ ಮಹೇಶ್ ಬಾಬು, ನಾನಿ ಮತ್ತು ವಿಜಯ್ ದೇವರಕೊಂಡ ಜೊತೆ ಸ್ಕ್ರೀನ್ ಶೇರ್ ಮಾಡಿದ್ದಾರೆ. ಅವರ ನಟನೆಯ ಎಲ್ಲಾ ಸಿನಿಮಾಗಳು ಸೂಪರ್ ಹಿಟ್ ಆಗಿವೆ. ಸಿನಿ ಪ್ರೇಮಿಗಳ ಮನ ಗೆದ್ದಿರುವ ಮತ್ತೋರ್ವ ಟಾಲಿವುಡ್ನ ಸ್ಟಾರ್ ಕನ್ನಡತಿ ಅಂದ್ರೆ ಅದು ಪೂಜಾ ಹೆಗ್ಡೆ. ಇವರು ಇತ್ತೀಚಿನ ದಿನಗಳಲ್ಲಿ ತುಸು ಹೆಚ್ಚೇ ಹವಾ ಮಾಡುತ್ತಿದ್ದಾರೆ. ಈಗ ಇವರಿಬ್ಬರಿಗೆ ಕಾಂಪಿಟೇಶನ್ ಕೋಡಕೇ ಮತ್ತೋರ್ವ ನಟಿ ರೆಡಿ ಆಗಿದ್ದಾರೆ. ಅವರು ಬೇರಾರು ಅಲ್ಲಿ ಕೃತಿ ಶೆಟ್ಟಿ.
ತೆಲುಗಿನ ‘ಉಪ್ಪೇನಾ’ ಸಿನಿಮಾ ಬಿಡುಗಡೆಗೆ ಮುಂಚಿತವಾಗಿಯೇ ತಮ್ಮ ನೋಟದಿಂದ ಎಲ್ಲರ ಗಮನ ಸೆಳೆದಿದ್ದರು ನಟಿ ಕೃತಿ ಶೆಟ್ಟಿ. ‘ಉಪ್ಪೇನಾ’ ದಲ್ಲಿನ ಅಭಿನಯವಂತೂ ಈಗ ಎಲ್ಲರ ಮೆಚ್ಚುಗೆ ಪಡೆದಿದೆ. ಈ ಚಿತ್ರದ ಮೂಲಕ 17 ವರ್ಷದ ಬೆಡಗಿ ಈಗ ಎಲ್ಲರ ಮನ ಕದ್ದಿದ್ದಾರೆ. ಹೀಗಾಗಿ ಅನೇಕ ಚಿತ್ರ ನಿರ್ಮಾಪಕರು ಈಗ ಕೃತಿ ಡೇಟ್ಸ್ ಪಡೆಯಲು ಸಾಲುಗಟ್ಟಿ ನಿಂತಿದ್ದಾರೆ ಎನ್ನಲಾಗುತ್ತಿದೆ.
ಕೃತಿ ನಾನಿಯ ‘ಶ್ಯಾಮ್ ಸಿಂಘಾ ರಾಯ್’ ಮತ್ತು ಸುಧೀರ್ ಬಾಬು ನಟನೆಯ, ಮೋಹನ್ ಕೃಷ್ಣ ಇಂದ್ರಗಂಟಿ ನಿರ್ದೇಶನದ ಮುಂದಿನ ಚಿತ್ರಕ್ಕೆ ಸಹಿ ಹಾಕಿದ್ದರು. ಆದರೆ, ಇನ್ನೂ ಎ ಲಿಸ್ಟ್ ನಟರ ಜೊತೆ ನಟಿಸಲು ಕೃತಿಗೆ ಯಾವುದೇ ಆಫರ್ ಇಲ್ಲ. ಇದಕ್ಕೆ ಇನ್ನೂ ಸ್ವಲ್ಪ ಟೈಮ್ ಬೇಕಾಗಬಹುದು ಅಂತಿದ್ದಾರೆ ಟಾಲಿವುಡ್ ಮಂದಿ. ಇನ್ನೂ ಕೆಲವು ಚಿತ್ರಗಳು ಹಿಟ್ ಆದರೆ ಕೃತಿ ಸ್ಟಾರ್ ನಟರ ಚಿತ್ರಕ್ಕೆ ನಾಯಕಿಯಾಗಲಿದ್ದಾರೆ. ಹಾಗಾಗಿ, ನಟಿ ರಶ್ಮಿಕಾ ಮಂದಣ್ಣ ಹಾಗೂ ಪೂಜಾ ಹೆಗ್ಡೆ ಶೀಘ್ರದಲ್ಲೇ ಕೃತಿ ಅವರಿಂದ ಟಫ್ ಕಾಂಪಿಟೇಶನ್ ಎದುರಿಸಬಹುದು ಅಂತಿದ್ದಾರೆ ಟಾಲಿವುಡ್ ಪಂಡಿತರು.
