ಫಾಸ್ಟ್​ಟ್ಯಾಗ್: ಟೋಲ್ ಸಿಬ್ಬಂದಿ, ಪೊಲೀಸರಿಂದ ಚಾಲಕನ ಮೇಲೆ ಹಲ್ಲೆ

ಫಾಸ್ಟ್​ಟ್ಯಾಗ್: ಟೋಲ್ ಸಿಬ್ಬಂದಿ, ಪೊಲೀಸರಿಂದ ಚಾಲಕನ ಮೇಲೆ ಹಲ್ಲೆ

ಆನೇಕಲ್: ಅತ್ತಿಬೆಲೆಯ BETL ಟೋಲ್ ಗೇಟ್ ಸಿಬ್ಬಂದಿ ಗೂಂಡಾಗಿರಿ ನಡೆಸಿದ್ದು, ಗೂಡ್ಸ್‌ ವಾಹನ ಚಾಲಕನ ಮೇಲೆ ಗಂಭೀರವಾಗಿ ಹಲ್ಲೆ ಮಾಡಿರುವ ಘಟನೆ ನಡೆದಿದೆ. ಜಗದೀಶ್ ಹಲ್ಲೆಗೊಳಗಾದ ಗೂಡ್ಸ್‌ ವಾಹನ ಚಾಲಕ. ಅತ್ತಿಬೆಲೆಯ ಟೋಲ್ ಮುಖಾಂತರ ಹೊಸೂರು ಕಡೆಗೆ‌ ಚಾಲಕ ಜಗದೀಶ್ ತೆರಳುತ್ತಿದ್ದ. BETL ಟೋಲ್​ನಲ್ಲಿ ಫಾಸ್ಟ್​ಟ್ಯಾಗ್ ಇದ್ದರೂ ಗೇಟ್ ತೆರೆಯದ ಹಿನ್ನೆಲೆಯಲ್ಲಿ ಪ್ರಶ್ನಿಸಿದ್ದಾನೆ. ಫಾಸ್ಟ್​ಟ್ಯಾಗ್ ಸ್ಕ್ಯಾನರ್ ಹಾಳಾಗಿದೆ. ಹೀಗಾಗಿ ಹಣ ನೀಡುವಂತೆ ಟೋಲ್ ಸಿಬ್ಬಂದಿ ಹೇಳಿದ್ದಾರೆ. ನಾವು ಫಾಸ್ಟ್​ಟ್ಯಾಗ್ ರೀಚಾರ್ಜ್ ಕೂಡ‌ ಮಾಡಿಸಬೇಕು. ಟೋಲ್ ಕೂಡ ಕಟ್ಟಬೇಕಾ […]

sadhu srinath

|

Feb 26, 2020 | 12:20 PM

ಆನೇಕಲ್: ಅತ್ತಿಬೆಲೆಯ BETL ಟೋಲ್ ಗೇಟ್ ಸಿಬ್ಬಂದಿ ಗೂಂಡಾಗಿರಿ ನಡೆಸಿದ್ದು, ಗೂಡ್ಸ್‌ ವಾಹನ ಚಾಲಕನ ಮೇಲೆ ಗಂಭೀರವಾಗಿ ಹಲ್ಲೆ ಮಾಡಿರುವ ಘಟನೆ ನಡೆದಿದೆ. ಜಗದೀಶ್ ಹಲ್ಲೆಗೊಳಗಾದ ಗೂಡ್ಸ್‌ ವಾಹನ ಚಾಲಕ.

ಅತ್ತಿಬೆಲೆಯ ಟೋಲ್ ಮುಖಾಂತರ ಹೊಸೂರು ಕಡೆಗೆ‌ ಚಾಲಕ ಜಗದೀಶ್ ತೆರಳುತ್ತಿದ್ದ. BETL ಟೋಲ್​ನಲ್ಲಿ ಫಾಸ್ಟ್​ಟ್ಯಾಗ್ ಇದ್ದರೂ ಗೇಟ್ ತೆರೆಯದ ಹಿನ್ನೆಲೆಯಲ್ಲಿ ಪ್ರಶ್ನಿಸಿದ್ದಾನೆ. ಫಾಸ್ಟ್​ಟ್ಯಾಗ್ ಸ್ಕ್ಯಾನರ್ ಹಾಳಾಗಿದೆ. ಹೀಗಾಗಿ ಹಣ ನೀಡುವಂತೆ ಟೋಲ್ ಸಿಬ್ಬಂದಿ ಹೇಳಿದ್ದಾರೆ.

ನಾವು ಫಾಸ್ಟ್​ಟ್ಯಾಗ್ ರೀಚಾರ್ಜ್ ಕೂಡ‌ ಮಾಡಿಸಬೇಕು. ಟೋಲ್ ಕೂಡ ಕಟ್ಟಬೇಕಾ ಅಂತಾ ಜಗದೀಶ್ ಪ್ರಶ್ನೆ ಮಾಡಿದ್ದಾನೆ. ಇದರಿಂದ ರೊಚ್ಚಿಗೆದ್ದು ಟೋಲ್ ಗೇಟ್ ಸಿಬ್ಬಂದಿ ಚಾಲಕನ ಮುಖ ಹಾಗೂ ಹೊಟ್ಟೆಗೆ ಹೊಡೆದು ಗಾಯಗೊಳಿಸಿದ್ದಾರೆ. ಬಳಿಕ ಸ್ಥಳಕ್ಕೆ ಬಂದ ಪೊಲೀಸರೂ ಸಹ ಜಗದೀಶ್ ಮೇಲೆ ಹಲ್ಲೆ ಮಾಡಿದ್ದಾರೆ.

ನ್ಯಾಯ ಕೇಳಿದ್ದಕ್ಕೆ ಜಗದೀಶ್​ಗೆ ಪೊಲೀಸರು ಹಾಗೂ BETL ಸಿಬ್ಬಂದಿ ಥಳಿಸಿದ್ದಾರೆ. ಡ್ರೈವರ್ ಮೇಲೆ ಹಲ್ಲೆ ಮಾಡಿರುವ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ನಿನ್ನೆ ಬೆಳಗ್ಗೆ 11.30‌ರ ಸುಮಾರಿಗೆ ನಡಿದಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ಈ ಸಂಬಂಧ ಅತ್ತಿಬೆಲೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Follow us on

Related Stories

Most Read Stories

Click on your DTH Provider to Add TV9 Kannada