ಭಾರತದಲ್ಲಿ ಇನ್ನು ಎರಡೇ ತಿಂಗಳಲ್ಲಿ ನಡೆಯಲಿದೆ 48 ಲಕ್ಷ ಮದುವೆ, 6 ಲಕ್ಷ ಕೋಟಿ ವ್ಯವಹಾರ, ವರದಿಯಲ್ಲಿ ಬಹಿರಂಗ

ಮನೆ ಕಟ್ಟಿ ನೋಡು, ಮದುವೆ ಮಾಡಿ ನೋಡು ಎನ್ನುವ ಗಾದೆಯಿದೆ. ಮನೆಗೆ ಹಾಗೂ ಮದುವೆಗೆ ಎಷ್ಟೇ ದುಡ್ಡು ಹಾಕಿದರೂ ಸಾಕಾಗುವುದೇ ಇಲ್ಲ. ಅದರಲ್ಲಿಯೂ ಇತ್ತೀಚೆಗಿನ ವರ್ಷಗಳಲ್ಲಿ ಭಾರತೀಯರಿಗೆ ಮದುವೆ ಮಾಡುವುದು ಪ್ರತಿಷ್ಠೆಯ ಪ್ರಶ್ನೆಯಾಗಿದೆ. ಹೀಗಾಗಿ ಎಷ್ಟೇ ದುಡ್ಡು ಖರ್ಚಾದರೂ ಸರಿಯೇ, ಸಾಲ ಮಾಡಿಯಾದರು ಮದುವೆ ಮಾಡುವವರೇ ಹೆಚ್ಚು. ದೇಶದಾದಂತ್ಯ ಇನ್ನೇನು ಕೆಲವೇ ಕೆಲವು ದಿನಗಳಲ್ಲಿ ಮದುವೆ ಸೀಸನ್ ಆರಂಭವಾಗಲಿದೆ. ಇದೀಗ ಅಖಿಲ ಭಾರತ ವ್ಯಾಪಾರಿಗಳ ಒಕ್ಕೂಟದ (ಸಿಎಐಟಿ) ವರದಿಯ ಪ್ರಕಾರ, ಈ ವರ್ಷ ನವೆಂಬರ್ ಮತ್ತು ಡಿಸೆಂಬರ್‌ನಲ್ಲಿ ಸುಮಾರು 48 ಲಕ್ಷ ವಿವಾಹಗಳು ನಡೆಯಲಿವೆ, ಈ ಬಾರಿ ಸುಮಾರು 6 ಲಕ್ಷ ಕೋಟಿ ರೂಪಾಯಿ ವ್ಯವಹಾರವನ್ನು ನಿರೀಕ್ಷಿಸಲಾಗಿದೆ.

ದೇಶದಾದ್ಯಂತ 75 ಪ್ರಮುಖ ನಗರಗಳಲ್ಲಿ ಮದುವೆಗೆ ಸಂಬಂಧಿಸಿದ ಸರಕುಗಳು ಮತ್ತು ಸೇವೆಗಳಲ್ಲಿ ವ್ಯವಹರಿಸುತ್ತಿರುವ ಪ್ರಮುಖ ವ್ಯಾಪಾರಿ ಸಂಸ್ಥೆಗಳೊಂದಿಗೆ ಚರ್ಚೆಯಿಂದ ಪಡೆದ ಡೇಟಾವನ್ನು ಆಧರಿಸಿ ಸಿಎಐಟಿಯೂ ಈ ಅಂದಾಜನ್ನು ಮಾಡಿದೆ. 2024 ರಿಂದ ಫೆಬ್ರವರಿ 2025 ರವರೆಗೆ ಬಿಡುವಿಲ್ಲದ ಮದುವೆಯ ಋತುವಿಗಾಗಿ ಅನೇಕ ಗ್ರಾಹಕರು ಈಗಿನಿಂದಲೇ ತಯಾರಿ ನಡೆಸುತ್ತಿದ್ದಾರೆ ಎನ್ನುವುದು ತಿಳಿದು ಬಂದಿದೆ.

ವರದಿಯ ಪ್ರಕಾರವಾಗಿ ದೆಹಲಿಯೊಂದರಲ್ಲೇ ಅಂದಾಜು 4.5 ಲಕ್ಷ ಮದುವೆಗಳು ನಡೆಯಲಿದ್ದು, ಈ ಋತುವಿನಲ್ಲಿ 1.5 ಲಕ್ಷ ಕೋಟಿ ರೂಪಾಯಿ ಮೌಲ್ಯದ ವ್ಯವಹಾರವನ್ನು ನಿರೀಕ್ಷಿಸಲಾಗಿದೆಯಂತೆ. ಅದಲ್ಲದೇ, ಕಳೆದ ವರ್ಷ, ಈ ಋತುವಿನಲ್ಲಿ 35 ಲಕ್ಷ ವಿವಾಹಗಳಿಂದ ಒಟ್ಟು 4.25 ಲಕ್ಷ ಕೋಟಿ ರೂಪಾಯಿಗಳಷ್ಟೇ ಆದಾಯವಾಗಿತ್ತು. ಆದರೆ ಈ ಋತುವಿನಲ್ಲಿ ದೇಶಾದ್ಯಂತ ಸುಮಾರು 40 ಲಕ್ಷ ಮದುವೆಗಳನ್ನು 3 ಲಕ್ಷದಿಂದ ಪ್ರಾರಂಭವಾಗಿ 15 ಲಕ್ಷ ರೂಪಾಯಿ ವೆಚ್ಚದಲ್ಲಿ ನಡೆಸಲಾಗುವುದು ಎಂದು ಅಂದಾಜಿಸಲಾಗಿದೆ.

ಇದನ್ನೂ ಓದಿ : ಅನ್ನ, ಚಪಾತಿ ಇವುಗಳಲ್ಲಿ ಯಾವುದು ಆರೋಗ್ಯಕ್ಕೆ ಒಳ್ಳೆಯದು?

ಅದಲ್ಲದೇ ಏಳು ಲಕ್ಷ ಮದುವೆಗೆ 25 ಲಕ್ಷ ರೂ, 50 ಸಾವಿರ ಮದುವೆಗಳಿಗೆ 50 ಲಕ್ಷ ರೂ ಹಾಗೂ ಇನ್ನುಳಿದಂತೆ 50 ಸಾವಿರ ಮದುವೆ ಸಮಾರಂಭಗಳಿಗೆ ಒಂದು ಕೋಟಿ ಅಥವಾ ಅದಕ್ಕಿಂತ ಹೆಚ್ಚು ವೆಚ್ಚವಾಗಲಿದೆ ಎನ್ನಲಾಗಿದೆ. ಈ ಬಾರಿಯ ಮದುವೆಯ ವೆಚ್ಚಗಳನ್ನು ಸರಕು ಮತ್ತು ಸೇವೆಗಳ ನಡುವೆ ವಿಂಗಡಿಸಲಾಗಿದೆ. ಇದರಲ್ಲಿ ಮುಖ್ಯವಾಗಿ ಜವಳಿ, ಸೀರೆಗಳು, ಲೆಹೆಂಗಾಗಳು, ಎಲೆಕ್ಟ್ರಾನಿಕ್ಸ್, ವಿದ್ಯುತ್ ಉಪಕರಣಗಳು ಸೇರಿದಂತೆ ಗ್ರಾಹಕ ಬಾಳಿಕೆ ಬರುವ ವಸ್ತುಗಳು ಸೇರಿದಂತೆ ಉಡುಪುಗಳು ಒಳಗೊಂಡಿದೆ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ