ಒಣ ಚರ್ಮದವರು ಮುಖಕ್ಕೆ ಒಮ್ಮೆ ಈ ಫೇಸ್​ಪ್ಯಾಕ್ ಹಚ್ಚಿ ನೋಡಿ

ಒಣ ಚರ್ಮದವರಿಗೆ ಯಾವ ಕ್ರೀಂ, ಲೋಷನ್ ಬಳಸಿದರೂ ಕೆಲವೊಮ್ಮೆ ಸರಿಹೊಂದುವುದಿಲ್ಲ. ಮೇಕಪ್ ಹಾಕಿಕೊಂಡರೆ ಮುಖದ ಚರ್ಮ ಇನ್ನಷ್ಟು ಒಣಗಿದಂತಾಗುತ್ತದೆ. ಇದಕ್ಕೆ ಪರಿಹಾರ ಬೇಕೆಂದರೆ ಒಮ್ಮೆ ಮುಲ್ತಾನಿ ಮಿಟ್ಟಿಯ ಫೇಸ್​ಪ್ಯಾಕ್ ಹಚ್ಚಿ ನೋಡಿ. ಮುಲ್ತಾನಿ ಮಿಟ್ಟಿ, ಜೇನುತುಪ್ಪ ಅಥವಾ ಮೊಸರಿನಂತಹ ಕೆಲವು ನೈಸರ್ಗಿಕ ಮಾಯಿಶ್ಚರೈಸರ್‌ಗಳು ನಿಮ್ಮ ಚರ್ಮವನ್ನು ಶುಷ್ಕತೆ ಮತ್ತು ದದ್ದುಗಳು, ಕೆಂಪು ಕಲೆ ಮತ್ತು ತುರಿಕೆಯಂತಹ ಇತರ ಚರ್ಮದ ಸಮಸ್ಯೆಗಳಿಂದ ರಕ್ಷಿಸುತ್ತದೆ.

ಇದು ನೈಸರ್ಗಿಕ ತೈಲಗಳು ಮತ್ತು ಪೋಷಕಾಂಶಗಳನ್ನು ನಿಮ್ಮ ಚರ್ಮಕ್ಕೆ ಮರಳಿ ಸೇರಿಸುವ ಮೂಲಕ ಮತ್ತು ಒಳಗಿನಿಂದ ಚರ್ಮವನ್ನು ಪೋಷಿಸುತ್ತದೆ. ನಯವಾದ ಮತ್ತು ಮೃದುವಾದ ಚರ್ಮಕ್ಕಾಗಿ ಮುಲ್ತಾನಿ ಮಿಟ್ಟಿ ಮತ್ತು ಮೊಸರು ಬಳಸಿ ಫೇಸ್ ಪ್ಯಾಕ್ ಮಾಡಿಕೊಳ್ಳಿ. ಮೊಸರು ಸಮೃದ್ಧವಾದ ಕೊಬ್ಬನ್ನು ಹೊಂದಿರುತ್ತದೆ, ಇದು ತೇವಾಂಶವನ್ನು ನೀಡಲು ಸಹಾಯ ಮಾಡುತ್ತದೆ ಮತ್ತು ನಿಮ್ಮ ಚರ್ಮಕ್ಕೆ ಆರೋಗ್ಯಕರ ಹೊಳಪನ್ನು ನೀಡುತ್ತದೆ.

ಇದನ್ನೂ ಓದಿ: ಒಣಗಿದ ಚರ್ಮಕ್ಕೆ ಹೊಳಪು ನೀಡಲು ಸೌತೆಕಾಯಿ ಫೇಸ್​ಪ್ಯಾಕ್ ಹಚ್ಚಿ ನೋಡಿ

ಫೇಸ್​ಪ್ಯಾಕ್ ಹೇಗೆ ಮಾಡುವುದು?:

– ಒಂದು ಬಟ್ಟಲಿನಲ್ಲಿ ಅರ್ಧ ಕಪ್ ಸಾದಾ ಮೊಸರು ಮತ್ತು 2 ಚಮಚ ಮುಲ್ತಾನಿ ಮಿಟ್ಟಿಯನ್ನು ಮಿಶ್ರಣ ಮಾಡಿ ಮತ್ತು ಉಂಡೆಗಳಿಲ್ಲದಂತೆ ಸರಿಯಾಗಿ ಮಿಕ್ಸ್​ ಮಾಡಿ.

– ನಿಮ್ಮ ಮುಖವನ್ನು ಸ್ವಚ್ಛಗೊಳಿಸಿ ಮತ್ತು ಒಣಗಿಸಿಕೊಳ್ಳಿ. ಈ ಮುಲ್ತಾನಿ ಮಿಟ್ಟಿ ಫೇಸ್ ಪ್ಯಾಕ್ ಅನ್ನು ಹುಬ್ಬುಗಳನ್ನು ಹೊರತುಪಡಿಸಿ ನಿಮ್ಮ ಮುಖದ ಮೇಲೆ ಸಮವಾಗಿ ಹಚ್ಚಿಕೊಳ್ಳಿ.

– ಮುಖವನ್ನು ತೊಳೆಯುವ ಮೊದಲು 30ರಿಂದ 40 ನಿಮಿಷಗಳ ಕಾಲ ಬಿಡಿ. ಫೇಸ್ ಪ್ಯಾಕ್ ಅನ್ನು ತಣ್ಣೀರಿನಿಂದ ತೊಳೆದ ನಂತರ ಮಾಯಿಶ್ಚರೈಸ್ ಮಾಡಲು ಮರೆಯಬೇಡಿ.

– ತೇವಾಂಶಯುತ ಮತ್ತು ಆರೋಗ್ಯಕರ ಚರ್ಮಕ್ಕಾಗಿ ವಾರಕ್ಕೊಮ್ಮೆ ಇದನ್ನು ಬಳಸಿ.

– ಉತ್ತಮವಾದ ವಾಸನೆ ಮತ್ತು ಹೆಚ್ಚುವರಿ ಸೌಂದರ್ಯ ಪ್ರಯೋಜನಗಳನ್ನು ಪಡೆಯಲು ನೀವು ಕೆಲವು ಹನಿ ರೋಸ್ ವಾಟರ್ ಅನ್ನು ಕೂಡ ಸೇರಿಸಬಹುದು.

ಇದನ್ನೂ ಓದಿ: ಮೊಸರು ಬಳಸಿ ಹೇಗೆಲ್ಲ ಫೇಸ್​ಪ್ಯಾಕ್ ಮಾಡಿಕೊಳ್ಳಬಹುದು ಗೊತ್ತಾ?

ಮುಲ್ತಾನಿ ಮಿಟ್ಟಿಯ ಪ್ರಯೋಜನಗಳೇನು?:

ಮುಲ್ತಾನಿ ಮಿಟ್ಟಿ ಬಿಸಿ ತಾಪಮಾನ ಮತ್ತು ಬಿಸಿಲಿನಿಂದ ಬಳಲುತ್ತಿರುವ ಚರ್ಮಕ್ಕೆ ಅತ್ಯುತ್ತಮ ಪರಿಹಾರವಾಗಿದೆ. ಮೈಬಣ್ಣವನ್ನು ಸುಧಾರಿಸಲು ಮುಲ್ತಾನಿ ಮಿಟ್ಟಿಯನ್ನು ಬಳಸಬಹುದು. ಮುಲ್ತಾನಿ ಮಿಟ್ಟಿ ಮೊಡವೆಗಳಿಗೆ ಪರಿಣಾಮಕಾರಿ ಮನೆಮದ್ದು. ಚರ್ಮವನ್ನು ಸ್ವಚ್ಛವಾಗಿ ಮತ್ತು ಆರೋಗ್ಯಕರವಾಗಿಡಲು ಈ ಜೇಡಿಮಣ್ಣನ್ನು ಪ್ರತಿದಿನ ಬಳಸಬಹುದು.

ಮುಲ್ತಾನಿ ಮಿಟ್ಟಿಯು ಚರ್ಮದಿಂದ ಸತ್ತ ಕೋಶಗಳನ್ನು ಹೊರಹಾಕಲು ಸಹಾಯ ಮಾಡುತ್ತದೆ. ಇದರಿಂದ ಚರ್ಮ ಕಾಂತಿಯುತವಾಗುತ್ತದೆ. ಕಿರಿಕಿರಿಯುಂಟುಮಾಡುವ ಚರ್ಮಕ್ಕೆ ಈ ಜೇಡಿಮಣ್ಣು ಪ್ರಯೋಜನಕಾರಿಯಾಗಿದೆ. ಮುಲ್ತಾನಿ ಮಿಟ್ಟಿ ಮೊಡವೆ ವಿರೋಧಿ ಗುಣವನ್ನು ಹೊಂದಿದೆ. ಇದು ಚರ್ಮವನ್ನು ಹೊಳಪುಗೊಳಿಸುವ ಗುಣವನ್ನು ಹೊಂದಿದೆ. ಬ್ಲ್ಯಾಕ್ ಹೆಡ್ಸ್ ಮತ್ತು ವೈಟ್ ಹೆಡ್ಸ್ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಮುಲ್ತಾನಿ ಮಿಟ್ಟಿ ಎಂಬ ಈ ನೈಸರ್ಗಿಕ ಜೇಡಿಮಣ್ಣು ಸೌಂದರ್ಯವರ್ಧಕ ಉತ್ಪನ್ನಗಳಲ್ಲಿಯೂ ಬಳಸಲ್ಪಡುತ್ತದೆ. ಇದರ ವಿಶಿಷ್ಟ ಗುಣಲಕ್ಷಣಗಳು ಚರ್ಮವನ್ನು ಮೃದುಗೊಳಿಸುತ್ತದೆ. ಮುಲ್ತಾನಿ ಮಿಟ್ಟಿ ಚರ್ಮವನ್ನು ಟೋನ್ ಮಾಡಲು ಸಹಾಯ ಮಾಡುತ್ತದೆ.

ಮುಲ್ತಾನಿ ಮಿಟ್ಟಿಯನ್ನು ನೀರಿನೊಂದಿಗೆ, ಹಾಲಿನೊಂದಿಗೆ, ಗ್ಲಿಸರಿನ್ ಜೊತೆ, ರೋಸ್ ವಾಟರ್ ಜೊತೆ, ತೆಂಗಿನ ಎಣ್ಣೆ ಅಥವಾ ಆಲಿವ್ ಎಣ್ಣೆಯೊಂದಿಗೆ ಸೇರಿಸಿ ಬಳಸಬಹುದು. ಹಾಗೇ, ನಿಂಬೆ ರಸ ಮತ್ತು ಜೇನುತುಪ್ಪದೊಂದಿಗೆ ಮುಲ್ತಾನಿ ಮಿಟ್ಟಿ ಫೇಸ್ ಪ್ಯಾಕ್ ಕೂಡ ಮಾಡಬಹುದು.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ