Mothers Post-Delivery : ಹೆರಿಗೆಯ ನಂತರದ ದಿನಗಳಲ್ಲಿ ಈ 5 ಆಹಾರಗಳನ್ನು ರೂಢಿಸಿಕೊಳ್ಳಿ
ಪ್ರಸವದ ನಂತರದ ದಿನಗಳಲ್ಲಿ ಬಾಣಂತಿಯು ಚೇತರಿಸಿಕೊಳ್ಳಲು ಸಾಕಷ್ಟು ಪೋಷಕಾಂಶಗಳು ಮತ್ತು ಶಕ್ತಿಯ ಅಗತ್ಯವಿರುತ್ತದೆ. ಜೊತೆಗೆ ಮಗುವಿಗೂ ಹಾಲುಣಿಸುವುದರಿಂದ ಆಹಾರ ಕ್ರಮದಲ್ಲಿ ಹೆಚ್ಚಿನ ಕಾಳಜಿ ವಹಿಸುವುದು ಅಗತ್ಯ.
ಹೆರಿಗೆಯ ನಂತರ(After Delivery) ದ ಅವಧಿಯಲ್ಲಿ ತಾಯಿ ಮತ್ತು ಮಗುವಿನ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುವುದು ಅತ್ಯಂತ ಅಗತ್ಯವಾಗಿದೆ. ಈ ಸಮಯದಲ್ಲಿ ತಾಯಿ ಸೇವಿಸುವ ಆಹಾರಗಳು ನೇರವಾಗಿ ಮಗುವಿನ ಮೇಲೆ ಪರಿಣಾಮ ಬೀರುತ್ತದೆ. ಆದ್ದರಿಂದ ತಾಯಿ ಸರಿಯಾದ ಆಹಾರ ಕ್ರಮ ರೂಢಿಸಿಕೊಳ್ಳುವುದು ಅತ್ಯಂತ ಅಗತ್ಯವಾಗಿದೆ. ಇದರಿಂದ ನಿಮ್ಮ ಮತ್ತು ನಿಮ್ಮ ಮಗುವಿನ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು.
ಈಗಷ್ಟೇ ಹೆರಿಗೆಯಾದ ತಾಯಂದಿರು ಹೆರಿಗೆ ಸಮಯದಲ್ಲಿ ಸಾಕಷ್ಟು ನೋವು ಅನುಭವಿಸಿರುವುದರಿಂದ ಪ್ರಸವದ ನಂತರದ ದಿನಗಳಲ್ಲಿ ಬಾಣಂತಿಯು ಚೇತರಿಸಿಕೊಳ್ಳಲು ಸಾಕಷ್ಟು ಪೋಷಕಾಂಶಗಳು ಮತ್ತು ಶಕ್ತಿಯ ಅಗತ್ಯವಿರುತ್ತದೆ. ಜೊತೆಗೆ ಮಗುವಿಗೂ ಹಾಲುಣಿಸುವುದರಿಂದ ಆಹಾರ ಕ್ರಮದಲ್ಲಿ ಹೆಚ್ಚಿನ ಕಾಳಜಿ ವಹಿಸುವುದು ಅಗತ್ಯ ಎಂದು ಸ್ತ್ರೀರೋಗತಜ್ಞರಾದ ಡಾ ಸುಷ್ಮಾ ತೋಮರ್ ಹೇಳುತ್ತಾರೆ.
ನವಜಾತ ಶಿಶುವಿನ ಜನನದ ಮೊದಲ ಆರು ತಿಂಗಳವರೆಗೆ ಸಂಪೂರ್ಣವಾಗಿ ತಾಯಿಯ ಹಾಲನ್ನು ಅವಲಂಬಿಸಿರುವುದರಿಂದ, ತಾಯಿಯ ಹಾಗೂ ಮಗುವಿನ ಯೋಗಕ್ಷೇಮ ಮತ್ತು ಆರೋಗ್ಯಕ್ಕೆ ಉತ್ತಮ ಆಹಾರವು ಅತ್ಯಗತ್ಯವಾಗಿದೆ.
ಪ್ರಸವದ ನಂತರದ ದಿನಗಳಲ್ಲಿ ತಾಯಿ ಹಾಗೂ ಮಗುವಿನ ಆರೋಗ್ಯವನ್ನು ಕಾಪಾಡಲು ಈ ಕೆಳಗಿನ ಪ್ರಮುಖ ಆಹಾರಗಳನ್ನು ರೂಢಿಸಿಕೊಳ್ಳಿ.
1.ಬಾದಾಮಿ:
ಬಾದಾಮಿಯಲ್ಲಿ ಹೆಚ್ಚಿನ ಪ್ರಮಾಣದ ಪೋಷಕಾಂಶಗಳು ಮತ್ತು ವಿಟಮಿನ್ ಗಳು ಹೇರಳವಾಗಿರುವುದರಿಂದ ತಾಯಿ ಹಾಗೂ ಮಗುವಿನ ಆರೋಗ್ಯಕ್ಕೆ ಬಾದಾಮಿಯು ಅತ್ಯಂತ ಅಗತ್ಯವಾಗಿದೆ. ಕೆಲವು ಬಾದಾಮಿಗಳನ್ನು ರಾತ್ರಿಯಿಡೀ ನೀರಿನಲ್ಲಿ ನೆನೆಸಿ, ಮತ್ತು ಬೆಳಿಗ್ಗೆ ಎದ್ದ ನಂತರ ಅವುಗಳನ್ನು ಮೊದಲು ಸೇವಿಸಿ.
2. ಸೋರೆಕಾಯಿ:
ಸೋರೆಕಾಯಿಯು ಪ್ರಸವದ ನಂತರದಲ್ಲಿ ಸೇವಿಸಲು ಒಂದು ಉತ್ತಮ ಆಹಾರವಾಗಿದೆ. ಇದು ದೇಹದಲ್ಲಿ ತೇವಾಂಶವನ್ನು ಹೆಚ್ಚಿಸುವುದರ ಜೊತೆಗೆ ತೂಕ ಇಳಿಸಲು ಕೂಡ ಸಹಾಯಮಾಡುತ್ತದೆ. ತಾಯಿಯ ಎದೆಹಾಲನ್ನು ಹೆಚ್ಚಿಸಲು ಕೂಡ ಈ ಸೋರೆಕಾಯಿ ಅತ್ಯಂತ ಪ್ರಯೋಜನಕಾರಿಯಾಗಿದೆ.
3. ಜೀರಿಗೆ:
ಒಂದು ಚಮಚ ಜೀರಿಗೆಯನ್ನು ಸ್ವಲ್ಪ ಬೆಲ್ಲ ಮತ್ತು ಹಾಲಿನೊಂದಿಗೆ ಕುಡಿಯಿರಿ. ಇದು ನಿಮ್ಮ ಜೀರ್ಣಾಂಗ ವ್ಯವಸ್ಥೆ, ಪ್ರತಿರಕ್ಷಣಾ ವ್ಯವಸ್ಥೆ, ರಕ್ತ ಪರಿಚಲನೆ ಸುಧಾರಿಸುತ್ತದೆ. ಜೊತೆಗೆ ಜೀರಿಗೆ ಕ್ಯಾಲ್ಸಿಯಂ ಮತ್ತು ಕಬ್ಬಿಣದ ಸಮೃದ್ಧ ಮೂಲವಾಗಿದೆ.
ಇದನ್ನು ಓದಿ: ಹೆರಿಗೆಯ ನಂತರ ಮಹಿಳೆಯರಿಗೆ ಹೊಟ್ಟೆ ಏಕೆ ಬರುತ್ತೆ? ಕಡಿಮೆ ಮಾಡುವ ವಿಧಾನಗಳ ತಿಳಿಯಿರಿ
4. ಪಂಜೀರಿ:
ಪಂಜೀರಿ ಪೌಷ್ಟಿಕಾಂಶದ ಪೂರಕವಾಗಿದ್ದು, ಇದು ಹೊಸ ತಾಯಿಯ ಚಯಾಪಚಯವನ್ನು ಸುಧಾರಿಸಲು ಮತ್ತು ತೂಕ ನಿಯಂತ್ರಣದಲ್ಲಿ ಸಹಾಯ ಮಾಡುತ್ತದೆ. ಬಹು ಮುಖ್ಯವಾಗಿ, ಇದು ಎದೆ ಹಾಲನ್ನು ಹೆಚ್ಚಿಸುತ್ತದೆ. ಇದರಲ್ಲಿ ತುಪ್ಪ ಹಾಗೂ ಡ್ರೈ ಫ್ರೂಡ್ಸ್ ಗಳನ್ನು ಬಳಸುವುರಿಂದ ನೀವು ಇದನ್ನು ಲಡ್ಡು ಅಥವಾ ಹಲ್ವಾ ರೂಪದಲ್ಲೂ ತಿನ್ನಬಹುದು.
ಇದನ್ನು ಓದಿ: ನೀವು ಸುಲಭವಾಗಿ ಮನೆಯಲ್ಲಿಯೇ ಖರ್ಜೂರದ ಬರ್ಫಿ ತಯಾರಿಸಿ
5. ಓಮು ಕಾಳು:
ಅಜ್ವೈನ್ ಎಂದು ಜನಪ್ರಿಯವಾಗಿ ಕರೆಯಲ್ಪಡುವ ಇದು ಪ್ರಸವದ ನಂತರದಲ್ಲಿ ಗ್ಯಾಸ್ ಮತ್ತು ಅಜೀರ್ಣ ಸಮಸ್ಯೆಗಳನ್ನು ಪರಿಹರಿಸುವಲ್ಲಿ ಸಹಾಯ ಮಾಡುತ್ತದೆ. ಎರಡು ಚಮಚ ಓಮು ಕಾಳನ್ನು ನೀರಿನಲ್ಲಿ ಸೇರಿಸಿ ಮತ್ತು ಕುದಿಸಿ. ಕುದಿಸಿದ ನಂತರ, ನೀರನ್ನು ಸೋಸಿಕೊಂಡು ಕುಡಿಯಿರಿ.
ಈ ಮೇಲಿನ ಪ್ರಮುಖ 5 ಆಹಾರಗಳು ತಾಯಿ ಮತ್ತು ಅವಳ ಮಗುವಿಗೆ ಅಗತ್ಯವಿರುವ ಎಲ್ಲಾ ಪೋಷಕಾಂಶಗಳನ್ನು ಒಳಗೊಂಡಿವೆ ಎಂದು ಆರೋಗ್ಯ ತಜ್ಞರು ಸಲಹೆ ನೀಡುತ್ತಾರೆ.
ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ: