Food Mistakes: ಆಹಾರ ಸೇವಿಸುವಾಗ ಈ ತಪ್ಪುಗಳನ್ನು ಯಾವತ್ತೂ ಮಾಡಬೇಡಿ!
ಬೆಳಗಿನ ಉಪಾಹಾರ, ಮಧ್ಯಾಹ್ನ, ರಾತ್ರಿ ಊಟದ ಸಮಯ ಯಾವಾಗಲೂ ಒಂದೇ ಆಗಿರಬೇಕು. ಆಗಾಗ್ಗೆ ಸಮಯವನ್ನು ಬದಲಾಯಿಸುವುದರಿಂದ ತೊಂದರೆ ಉಂಟಾಗುತ್ತದೆ.
Updated on: Aug 07, 2022 | 7:00 AM
ಸಾಮಾನ್ಯವಾಗಿ ನಾವು ದಿನಕ್ಕೆ ಕನಿಷ್ಠ ಮೂರು ಬಾರಿ ಆಹಾರ (Food) ಸೇವಿಸುತ್ತೇವೆ. ಆದ್ದರಿಂದ ನಾವು ಆರೋಗ್ಯವಾಗಿರುತ್ತೇವೆ. ಆಹಾರ ಸೇವನೆಯಿಂದ ನಮ್ಮ ದೇಹಕ್ಕೆ ಶಕ್ತಿ ಸಿಗುತ್ತದೆ. ದೇಹದ ಆಂತರಿಕ ಕಾರ್ಯಗಳಿಗೆ ಆಹಾರವೂ ಅಗತ್ಯ. ಆದರೆ, ಆಹಾರ ಸೇವಿಸುವಾಗ ಕೆಲವೊಂದು ತಪ್ಪುಗಳನ್ನು ಮಾಡಬಾರದು ಎನ್ನುತ್ತಾರೆ ಆರೋಗ್ಯ ತಜ್ಞರು. ಹೀಗೆ ಮಾಡುವುದರಿಂದ ಲಾಭದ ಬದಲು ಹಾನಿಯಾಗುವ ಸಾಧ್ಯತೆ ಇದೆ. ಬೆಳಗಿನ ಉಪಾಹಾರ, ಮಧ್ಯಾಹ್ನ, ರಾತ್ರಿ ಊಟದ ಸಮಯ ಯಾವಾಗಲೂ ಒಂದೇ ಆಗಿರಬೇಕು. ಆಗಾಗ್ಗೆ ಸಮಯವನ್ನು ಬದಲಾಯಿಸುವುದರಿಂದ ತೊಂದರೆ ಉಂಟಾಗುತ್ತದೆ. ಮತ್ತು ಆಹಾರ ಸೇವಿಸುವಾಗ ಕೆಲವು ತಪ್ಪುಗಳನ್ನು ಮಾಡಬಾರದು. ಹಾಗಾದರೆ ಆ ತಪ್ಪುಗಳು ಯಾವವು ಎಂದು ಈ ಲೇಖನದಲ್ಲಿ ತಿಳಿಯೋಣ.
ಇದನ್ನೂ ಓದಿ: International Beer Day 2022: ಬಿಯರ್ ಕುಡಿಯುವುದರಿಂದಾಗುವ ಪ್ರಯೋಜನಗಳು ಹಾಗೂ ಅಡ್ಡಪರಿಣಾಮಗಳೇನು?
ಆಹಾರ ಸೇವಿಸುವಾಗ ಈ ತಪ್ಪುಗಳಾಗದಂತೆ ಜಾಗೃತಿ ವಹಿಸಿ
ಖಾಲಿ ಹೊಟ್ಟೆಯಲ್ಲಿ ಮೊಸರು ತಿನ್ನಬಾರದು:
ಮೊಸರು ತಿನ್ನುವುದು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಸಾಮಾನ್ಯವಾಗಿ ಮೊಸರಿನ ಪರಿಣಾಮವು ತಂಪಾಗುತ್ತದೆ. ಇದು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ಆದರೆ ಈ ಊಟದ ಮೊದಲು ಖಾಲಿ ಹೊಟ್ಟೆಯಲ್ಲಿ ತಿನ್ನಬಾರದು. ಏಕೆಂದರೆ ಇದು ಹೊಟ್ಟೆಯ ಆಮ್ಲೀಯತೆಯನ್ನು ಕಡಿಮೆ ಮಾಡುತ್ತದೆ. ಮೊಸರನ್ನು ಯಾವಾಗಲೂ ಊಟದ ನಂತರ ತಿನ್ನಬೇಕು. ಹೀಗೆ ಮಾಡುವುದರಿಂದ ಪ್ರೊಟೀನ್ ಪ್ರಮಾಣ ಹೆಚ್ಚುತ್ತದೆ. ಸ್ನಾಯುಗಳ ಅಭಿವೃದ್ಧಿವೊಂದಿಗೆ ಬಲಪಡಿಸುತ್ತದೆ.
ಊಟದಲ್ಲಿ ಅನ್ನ ಸೇವಿಸುವುದು:
ನಮ್ಮ ದೈನಂದಿನ ಆಹಾರದಲ್ಲಿ ಅನ್ನವು ಮುಖ್ಯವಾಗಿದೆ. ಅಕ್ಕಿ ಕಾರ್ಬೋಹೈಡ್ರೇಟ್‌ಗಳ ಉತ್ತಮ ಮೂಲವಾಗಿದೆ. ಆದ್ದರಿಂದ ಜೀರ್ಣಿಸಿಕೊಳ್ಳಲು ಸಮಯ ತೆಗೆದುಕೊಳ್ಳುತ್ತದೆ. ಇದರ ಹೆಚ್ಚಿನ ಕ್ಯಾಲೋರಿಗಳು ಸಹ ತೂಕ ಹೆಚ್ಚಾಗಲು ಕಾರಣವಾಗುತ್ತವೆ.
ಇದನ್ನೂ ಓದಿ: Dementia: ನಿಮ್ಮ ಆರೋಗ್ಯವನ್ನು ಹೀಗೆ ನೋಡಿಕೊಂಡರೆ ವಯಸ್ಸಾದ ಮೇಲೆ ಮರೆವಿನ ಕಾಯಿಲೆ ಬರದು
ಬಿಸಿ ಹಾಲು ಕುಡಿಯುವುದು:
ಬಹುತೇಕ ಎಲ್ಲಾ ಪೋಷಕಾಂಶಗಳು ಹಾಲಿನಲ್ಲಿ ಅಡಗಿರುತ್ತವೆ. ಅದಕ್ಕಾಗಿಯೇ ಹಾಲನ್ನು ಸಂಪೂರ್ಣ ಆಹಾರವೆಂದು ಪರಿಗಣಿಸಲಾಗಿದೆ. ಆದಾಗ್ಯೂ, ಬಿಸಿ ಹಾಲು ಜೀರ್ಣಕಾರಿ ಸಮಸ್ಯೆಗಳನ್ನು ಉಂಟುಮಾಡಬಹುದು. ಹಾಗಾಗಿ ತುಂಬಾ ಬಿಸಿಯಾದ ಹಾಲನ್ನು ಎಂದಿಗೂ ಕುಡಿಯಬೇಡಿ. ಆದರೆ ಬೆಚ್ಚಗಿನ ಹಾಲು ಕುಡಿಯಲು ಯಾವುದೇ ತೊಂದರೆ ಇಲ್ಲ.
ಖಾಲಿ ಹೊಟ್ಟೆಯಲ್ಲಿ ಬಾಳೆಹಣ್ಣು ಸೇವಿಸಬಾರದು:
ಬಾಳೆಹಣ್ಣು ತಿನ್ನುವುದು ನಮ್ಮ ಆರೋಗ್ಯಕ್ಕೆ ಒಳ್ಳೆಯದು ಎಂಬುದರಲ್ಲಿ ಸಂದೇಹವಿಲ್ಲ. ಸರಿಯಾದ ಸಮಯಕ್ಕೆ ತಿನ್ನದಿದ್ದರೆ ಹಾನಿಯಾಗುವುದು ಖಚಿತ. ಖಾಲಿ ಹೊಟ್ಟೆಯಲ್ಲಿ ಈ ಹಣ್ಣನ್ನು ತಿನ್ನಬೇಡಿ. ಇದು ಶಕ್ತಿಯನ್ನು ಕಡಿಮೆ ಮಾಡುವುದಲ್ಲದೇ ಅತಿಸಾರ, ಕರುಳಿನ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಬಾಳೆಹಣ್ಣನ್ನು ಸ್ವಲ್ಪ ಹೊಟ್ಟೆ ತುಂಬಿದಾಗ ಮಾತ್ರ ತಿನ್ನಬೇಕು.
ಮತ್ತಷ್ಟು ಲೈಫ್ಸ್ಟೈಲ್ ಲೇಖನಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
