2 ಮಕ್ಕಳ ತಾಯಿಯಾದರೂ ಅನುಷ್ಕಾ ಹೇಗಿದ್ದಾರೆ ನೋಡಿ; ಕೊನೆಗೂ ರಿವೀಲ್‌ ಆಯ್ತು ಬ್ಯೂಟಿ ಸೀಕ್ರೆಟ್​​

ಗರ್ಭಧಾರಣೆ, ಹೆರಿಗೆ ಮತ್ತು ನವಜಾತ ಶಿಶುವಿನ ಆರೈಕೆಯಿಂದಾಗಿ ಮಹಿಳೆಯರು ತಮ್ಮ ಆರೋಗ್ಯ ಹಾಗೂ ಸೌಂದರ್ಯದ ಬಗ್ಗೆ ನಿರ್ಲಕ್ಷ್ಯ ತೋರುತ್ತಾರೆ. ಮಗು ಜನಿಸಿದ ನಂತರ ತನ್ನ ಸೌಂದರ್ಯ ಹಾಳಾಯಿತು ಎನ್ನುವವರು, ಇದರಿಂದಾಗಿ ಗರ್ಭಧರಿಸಲು ಹಿಂದೇಟು ಹಾಕುವವರು ಹಲವರಿದ್ದಾರೆ. ಕೆಲವರು ಮಗುವಾಗುವ ಮೊದಲಿದ್ದ ಸೌಂದರ್ಯ ಮರಳುವುದೇ ಇಲ್ಲ ಎಂದು ಬೇಸರಿಸುವುದನ್ನು ನೀವು ಕೇಳಿರಬಹುದು. ಆದರೆ  ಅನುಷ್ಕಾ ಶರ್ಮಾ ಮಗುವಾದ ಕೇವಲ ಆರು ತಿಂಗಳಲ್ಲಿ ಫಿಟ್​​ ಆ್ಯಂಡ್​​ ಫೈನ್​​ ಆಗಿ ಕಾಣಿಸಿಕೊಂಡಿದ್ದು, ಇವರ ಬ್ಯೂಟಿ​​​ ಕಂಡು ನೆಟ್ಟಿಗರು ಶಾಕ್​ ಆಗಿದ್ದಾರೆ.

ಸದ್ಯ ವಿರಾಟ್ ಕೊಹ್ಲಿ ತಮ್ಮ ಕುಟುಂಬದ ಸಮೇತ ಲಂಡನ್‌ನಲ್ಲಿ ವಾಸಿಸುತ್ತಿದ್ದಾರೆ. ಇತ್ತೀಚಿಗಷ್ಟೇ ಸ್ಲರ್ಪ್‌ ಫರ್ಮಾದ (Slurrp Farm) ಕಾರ್ಯಕ್ರಮವೊಂದರ ಸಲುವಾಗಿ ಅನುಷ್ಕಾ ಶರ್ಮಾ ಮುಂಬೈಗೆ ಆಗಮಿಸಿದ್ದರು. ಈ ವೇಳೆ ಸಂದರ್ಶನದಲ್ಲಿ ಮಾತನಾಡಿದ ಅನುಷ್ಕಾ ತಮ್ಮ ಲೈಫ್‌ಸ್ಟೈಲ್ ಮಕ್ಕಳ ಪಾಲನೆ ಸೇರಿದಂತೆ ಹಲವು ವಿಚಾರಗಳ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.

ನಾನು ನನ್ನ ಮಗಳು ವಾಮಿಕಾ ಜೊತೆ ಸಂಜೆ 5 .30ಕ್ಕೆ ಊಟ ಮಾಡಿ ಮುಗಿಸುತ್ತೇನೆ. ಮಗಳಿಗೆ ಸಂಜೆ ಬೇಗನೇ ಹಸಿವಾಗುವುದರಿಂದ ಅವಳ ಜೊತೆಯಲ್ಲೇ ನಾನು ಊಟ ಮಾಡಲು ಪ್ರಾರಂಭಿಸಿದೆ. ಇದರಿಂದ ನನಗೆ ಸಾಕಷ್ಟು ಪ್ರಯೋಜನ ಸಿಕ್ಕಿದೆ ಎಂದು ಅನುಷ್ಕಾ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಒಬ್ಬ ವ್ಯಕ್ತಿಗೆ ಎಷ್ಟು ಬಾರಿ ಡೆಂಗ್ಯೂ ಜ್ವರ ಬರಬಹುದು ಎಂದು ತಿಳಿದಿದೆಯೇ!

ಸಂಜೆ ಬೇಗ ಊಟ ಮಾಡುವುದರಿಂದಾಗುವ ಪ್ರಯೋಜನಗಳು:

ಸಾಧ್ಯವಾದರೆ ಪ್ರತಿದಿನ ರಾತ್ರಿಯ ಊಟದ ಸಮಯವನ್ನು ಸಂಜೆ 7 ಗಂಟೆಯ ಒಳಗೆ ಇಟ್ಟುಕೊಂಡರೆ, ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು ಎನ್ನುತ್ತಾರೆ ಆರೋಗ್ಯ ತಜ್ಞರು. ಏಕೆಂದರೆ ಊಟ ಮಾಡಿದ ನಂತರದಲ್ಲಿ ನಮ್ಮ ದೇಹಕ್ಕೆ ಆಹಾರವನ್ನು ಜೀರ್ಣ ಮಾಡಲು ಸಮಯ ಬೇಕಾಗುತ್ತದೆ. ಈಗಾಗಿ ಬೇಗ ಊಟ ಮಾಡುವುದರಿಂದ ಜೀರ್ಣಾಂಗ ವ್ಯವಸ್ಥೆಗೆ ಕ್ಯಾಲೋರಿ ಬರ್ನ್‌ ಮಾಡಲು ಸಾಕಷ್ಟು ಸಮಯ ಸಿಗುತ್ತದೆ. ಇದಲ್ಲದೇ ಈ ಅಭ್ಯಾಸ ಹೃದ್ರೋಗ, ಮಧುಮೇಹ ಮತ್ತು ಕೆಲವು ರೀತಿಯ ಕ್ಯಾನ್ಸರ್‌ಗಳಂತಹ ಪರಿಸ್ಥಿತಿಗಳ ಅಪಾಯವನ್ನು ಕಡಿಮೆ ಮಾಡಬಹುದು ಎಂದು ಸಂಶೋಧನೆ ಸೂಚಿಸುತ್ತದೆ.

ಆರೋಗ್ಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ