Food Poison : ಬಿಸಿಲ ಬೇಗೆಯ ನಡುವೆ ಫುಡ್ ಪಾಯಿಸನ್‌ ಸಮಸ್ಯೆ ಕಾಡುತ್ತಿದೆಯೇ? ಇಲ್ಲಿದೆ ಸರಳ ಪರಿಹಾರ

ಬೇಸಿಗೆಯಲ್ಲಿ ಅತಿಯಾದ ಶಾಖದ ನಡುವೆ ಕೆಲವು ಆರೋಗ್ಯ ಸಮಸ್ಯೆಗಳು ಬಿಡದೇ ಕಾಡುತ್ತದೆ. ಬಿಸಿ ಬಿಸಿಯಾದ ಧಗೆಯ ನಡುವೆ ಆರೋಗ್ಯವಂತೂ ಕೈ ಕೊಟ್ಟರೆ ಕೇಳುವುದೇ ಬೇಡ. ಈ ಸಮಯದಲ್ಲಿ ಹೆಚ್ಚಿನವರಲ್ಲಿ ಫುಡ್‌ ಪಾಯಿಸನ್‌ ಸಮಸ್ಯೆಯು ಕಾಣಿಸಿಕೊಳ್ಳುತ್ತವೆ. ಹೀಗಾದಾಗ ಜ್ವರ, ಅತಿಸಾರ, ವಾಂತಿ, ಹೊಟ್ಟೆ ನೋವು ಹಾಗೂ ಮೈಯೆಲ್ಲಾ ತುರಿಕೆ ಸೇರಿದಂತೆ ನಾನಾ ಲಕ್ಷಣಗಳು ಕಾಣಿಸಿಕೊಳ್ಳಬಹುದು. ಈ ಸಮಸ್ಯೆಗೆ ಮನೆಯಲ್ಲೇ ಸುಲಭವಾಗಿ ಪರಿಹಾರವನ್ನು ಕಂಡುಕೊಳ್ಳಬಹುದು.

ಸಾಯಿನಂದಾ | Updated By: ಅಕ್ಷಯ್ ಪಲ್ಲಮಜಲು|
Updated on:Mar 21, 2024 | 5:29 PM

ಹವಾಮಾನ ಬದಲಾದಾಗ ಅನೇಕ ರೀತಿಯ ಆರೋಗ್ಯ ಸಮಸ್ಯೆಗಳು ಕಾಡುವುದೇ ಹೆಚ್ಚು. ವಾತಾವರಣ ದಲ್ಲಿ ಬದಲಾವಣೆ ಕಂಡು ಬಂದ ತಕ್ಷಣ ಆಹಾರಕ್ರಮ ಹಾಗೂ ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿ ವಹಿಸುವುದು ಉತ್ತಮ. ಫುಡ್ ಪಾಯಿಸನ್ ಈ ಬೇಸಿಗೆಯಲ್ಲಿ ಕಾಡುವ ಕಾಯಿಲೆಯಲ್ಲಿ ಒಂದಾಗಿದೆ. ನೀರು ಕುಡಿಯದ ಕಾರಣ, ಮಸಾಲೆ, ಖಾರದ ಪದಾರ್ಥಗಳು, ಹಾಗೂ ನೈಮರ್ಲ್ಯವಿಲ್ಲದ ಪದಾರ್ಥಗಳ ಸೇವನೆಯು ನಿಮ್ಮ ಆರೋಗ್ಯವನ್ನು ಹಾಳು ಮಾಡುತ್ತವೆ. ಹೊರಗಿನ ಆಹಾರ ತಿನ್ನುವುದರಿಂದಲೇ ಮಾತ್ರವಲ್ಲದೇ, ಮನೆಯ ಆಹಾರದಲ್ಲಿ ಸ್ವಚ್ಛತೆಯ ಕೊರತೆಯಿಂದಲೂ ಉಂಟಾಗಬಹುದು. ಈ ವೇಳೆಯಲ್ಲಿ ಹೊರಗಡೆಯಲ್ಲಿ ಆಹಾರ ಸೇವಿಸುವುದನ್ನು ಆದಷ್ಟು ತಪ್ಪಿಸುವುದು ಒಳ್ಳೆಯದು. ಒಂದು ವೇಳೆ ಅನಿವಾರ್ಯವೆನಿಸಿದರೆ ಶುಚಿತ್ವವನ್ನು ಕಾಯ್ದುಕೊಳ್ಳುವ ಸ್ಥಳಗಳಲ್ಲಿ ಆಹಾರವನ್ನು ಸೇವಿಸಿದರೆ ನಿಮ್ಮ ಆರೋಗ್ಯವನ್ನು ನೀವೇ ಕಾಪಾಡಿಕೊಳ್ಳಬಹುದು.

ಫುಡ್ ಪಾಯಿಸನಿಂಗ್ ಗೆ ಸರಳ ಮನೆ ಮದ್ದುಗಳು:

ಜೀರಿಗೆಯನ್ನು ಬಾಯಿಗೆ ಹಾಕಿ ಚೆನ್ನಾಗಿ ಆಗಿದು ನೀರು ಕುಡಿದರೆ ಈ ಸಮಸ್ಯೆಗೆ ಸುಲಭ ಪರಿಹಾರವಾಗಿದೆ.
ಫುಡ್ ಪಾಯಿಸನಿಂಗ್ ಸಮಸ್ಯೆಯಿದ್ದರೆ ದಿನಕ್ಕೆ ಮೂರು ಬಾರಿ ಜೇನುತುಪ್ಪ ಸೇವನೆಯು ಈ ಸಮಸ್ಯೆಯನ್ನು ನಿವಾರಿಸುತ್ತದೆ.
ಕೆಲವು ತುಳಸಿ ಎಲೆಗಳನ್ನು ಅರೆದು ಇದರ ರಸವನ್ನು ಹಿಂಡಿ, ಇದಕ್ಕೆ ಒಂದು ಚಮಚ ಜೇನು ತುಪ್ಪವನ್ನು ಬೆರೆಸಿ ಕುಡಿದರೆ ಫುಡ್ ಪಾಯಿಸನ್ ನಿಂದ ಶುರುವಾಗಿರುವ ಹೊಟ್ಟೆ ನೋವು ಶಮನವಾಗುತ್ತದೆ.
ಹಾಲಿಗೆ ಬಾಳೆಹಣ್ಣನ್ನು ಸೇರಿಸಿ ಸೇವನೆ ಮಾಡುವುದರಿಂದ ಈ ಸಮಸ್ಯೆಯಿಂದ ಉಂಟಾಗಿರುವ ಸುಸ್ತು ಕಡಿಮೆಯಾಗುತ್ತದೆ.

ಫುಡ್ ಪಾಯಿಸನ್ ಸಮಸ್ಯೆಯಿಂದ ಬಳಲುತ್ತಿರುವವರು ಸ್ವಲ್ಪ ಮೊಸರಿನ ಜೊತೆ ಈ ಮೆಂತ್ಯೆಕಾಳನ್ನು ಬೆರೆಸಿ ಸೇವಿಸುವುದು ಬಹಳಷ್ಟು ಪರಿಣಾಮಕಾರಿಯಾಗಿದೆ.
ಎರಡು ಹಸಿ ಬೆಳ್ಳುಳ್ಳಿ ಎಸಳನ್ನು ತಿಂದು ಬೆಚ್ಚಗಿನ ನೀರು ಕುಡಿಯುವುದರಿಂದ ಈ ಸಮಸ್ಯೆಯು ಬಗೆಹರಿಯುತ್ತದೆ.
ಬೆಳ್ಳುಳ್ಳಿಯ ಕಷಾಯ ಮಾಡಿ ಸೇವಿಸುವುದರಿಂದ ಉತ್ತಮ ಔಷಧಿಯಾಗಿದೆ.
ಶುದ್ಧ ನೀರನ್ನು ಸ್ವಲ್ಪ ಕುದಿಸಿ ಬೆಚ್ಚಗೆ ಇರುವಾಗಲೇ ಅದಕ್ಕೆ ಒಂದೆರಡು ಹನಿ ನಿಂಬೆ ರಸ ಸೇರಿಸಿ ಕುಡಿಯಿರಿ.
ಬೆಚ್ಚಗಿನ ನೀರಿಗೆ ವಿನೆಗರ್ ಬೆರೆಸಿ ಕುಡಿದರೆ ಫುಡ್ ಪಾಯಿಸನ್ ಸಮಸ್ಯೆಯು ಕಡಿಮೆಯಾಗುತ್ತದೆ.
ಸ್ವಲ್ಪ ಹಸಿಶುಂಠಿಯನ್ನು ನುಣ್ಣಗೆ ಅರೆದು ಒಂದು ಲೋಟ ಕುದಿಯುವ ನೀರಿಗೆ ಹಾಕಿ ಚೆನ್ನಾಗಿ ಕುದಿಸಿ ಕುಡಿಯುವುದರಿಂದ ಈ ಸಮಸ್ಯೆಯಿಂದ ಮುಕ್ತಿ ಹೊಂದಬಹುದು.
ಫುಡ್ ಪಾಯಿಸನಿಂಗ್ ಸಮಸ್ಯೆಯಿದ್ದರೆ ಉಗುರು ಬೆಚ್ಚಗಿನ ನೀರಿಗೆ ಜೇನುತುಪ್ಪ ಬೆರೆಸಿ ಕುಡಿಯಿರಿ.