Home Remedies : ಗಾಯವಾಗಿ ರಕ್ತಸ್ರಾವವಾಗುತ್ತಿದ್ದರೆ ತಕ್ಷಣಕ್ಕೆ ನಿಲ್ಲಿಸೋದು ಹೇಗೆ? ಇಲ್ಲಿದೆ ಸರಳ ಮನೆ ಮದ್ದು
ಸಾಮಾನ್ಯವಾಗಿ ಬಿದ್ದಾಗ ಕಲ್ಲು ತಾಗಿಯೋ, ಅಡುಗೆ ಮಾಡುವಾಗ ಚಾಕು ತಾಗಿಯೋಗಾಯಗಳಾಗುತ್ತದೆ. ದೊಡ್ಡ ಗಾಯವಾಗಿದ್ದರೆ ರಕ್ತಸ್ರಾವವು ನಿಲ್ಲುವುದೇ ಇಲ್ಲ. ಆದರೆ ಆ ತಕ್ಷಣಕ್ಕೆ ಮನೆಯಲ್ಲಿರುವ ಈ ಪದಾರ್ಥಗಳಿಂದಲೇ ರಕ್ತಸ್ರಾವವನ್ನು ನಿಲ್ಲಿಸಬಹುದು. ಈ ಸರಳ ಮನೆ ಮದ್ದುಗಳ ಕುರಿತಾದ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಪ್ರತಿಯೊಬ್ಬರಿಗೂ ಸಣ್ಣ ಪುಟ್ಟ ಗಾಯಗಳಾಗಿರುತ್ತವೆ. ಆಕಸ್ಮಾತ್ ಆಗಿ ಗಾಯವಾಗಿ ರಕ್ತವು ಸೋರುತ್ತಿರಬಹುದು. ಸುರಿಯುವ ರಕ್ತವನ್ನು ನೋಡಿ ತಲೆ ತಿರುಗಿ ಬೀಳುವವರು ಇದ್ದಾರೆ. ಆದರೆ ಈ ತಕ್ಷಣವೇ ರಕ್ತಸ್ರಾವವನ್ನು ತಡೆಯಲು ಕೆಲವು ಸೂಕ್ತ ಕ್ರಮಗಳನ್ನು ಕೈಗೊಂಡರೆ ಉತ್ತಮ. ಆ ತಕ್ಷಣವೇ ಮನೆ ಮದ್ದುಗಳು ಉಪಯೋಗಕ್ಕೆ ಬರುತ್ತವೆಯಾದರೂ, ಗಾಯವು ದೊಡ್ಡದಾಗಿದ್ದರೆ ಆ ಕೂಡಲೇ ವೈದ್ಯರನ್ನು ಭೇಟಿಯಾಗಿ ಚಿಕಿತ್ಸೆ ಪಡೆಯುವುದು ಉತ್ತಮ.
- ಚಹಾ ಪುಡಿ ರಕ್ತಸ್ರಾವವನ್ನು ನಿಯಂತ್ರಿಸುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ. ಹೀಗಾಗಿ ಚಹಾದ ಚೀಲವನ್ನು ನೀರಿನಲ್ಲಿ ಅದ್ದಿ ತೇವಗೊಳಿಸಿ, ರಕ್ತಸ್ರಾವ ಆಗುತ್ತಿರುವಲ್ಲಿ ಇಟ್ಟರೆ ರಕ್ತಸೋರುವುದು ತಕ್ಷಣಕ್ಕೆ ನಿಂತು ಹೋಗುತ್ತದೆ.
- ಕಾಫಿ ಪುಡಿ ರಕ್ತಸ್ರಾವವನ್ನು ಹೆಪ್ಪುಗಟ್ಟಿಸುತ್ತದೆ. ಹೀಗಾಗಿ ಗಾಯದಿಂದ ರಕ್ತ ಸ್ರಾವವನ್ನು ಆಗುತ್ತಿದ್ದರೆ ಕಾಫಿ ಪುಡಿ ಹಾಕಿ ಹತ್ತು ನಿಮಿಷಗಳ ಬಳಿಕ ಸ್ವಚ್ಛಗೊಳಿಸುವುದು ಉತ್ತಮ.
- ರಕ್ತಸ್ರಾವವಾಗುತ್ತಿದ್ದರೆ ಹತ್ತಿಯನ್ನು ಬಿಳಿ ವಿನೆಗರ್ ಗೆ ಅದ್ದಿ ಗಾಯದ ಮೇಲೆ ನೇರವಾಗಿ ಅನ್ವಯಿಸುವುದು ಪರಿಣಾಮಕಾರಿ.
- ಗಾಯದ ಮೇಲೆ ಐಸ್ ಇಡುವುದು ಕೂಡ ಒಳ್ಳೆಯದು. ಮೊದಲಿಗೆ ಗಾಯನ್ನು ಟವಲ್ ಅಲ್ಲಿ ಕಟ್ಟಿಕೊಂಡು ಆ ನಂತರ ಐಸ್ ಇಟ್ಟುಕೊಳ್ಳಿ.
- ಗಾಯದ ಮೇಲೆ ಅರಶಿಣವನ್ನು ಹಚ್ಚುವುದರಿಂದ ರಕ್ತಸ್ರಾವವು ನಿಲ್ಲುತ್ತದೆ.
- ಗಾಯಕ್ಕೆ ಟೂತ್ಪೇಸ್ಟ್ ಹಚ್ಚುವುದರಿಂದ ರಕ್ತಸ್ರಾವ ಕಡಿಮೆ ಮಾಡಿ, ಗಾಯವು ಬೇಗನೇ ಗುಣಮುಖವಾಗುತ್ತದೆ.
ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:
Follow Us