Kitchen Tips: ಟೊಮೆಟೊವನ್ನು ಹೆಚ್ಚು ದಿನಗಳವರೆಗೆ ಫ್ರೆಶ್ ಆಗಿ ಇರಿಸುವುದು ಹೇಗೆ? ಇಲ್ಲಿದೆ ಸಿಂಪಲ್ ಟಿಪ್ಸ್
ಪ್ರತಿಯೊಬ್ಬರ ಅಡುಗೆ ಮನೆಯಲ್ಲೂ ಲಭ್ಯವಿರುವ ಟೊಮೆಟೊ ಭಕ್ಷ್ಯಗಳ ರುಚಿಯನ್ನು ಹೆಚ್ಚಿಸುವುದು ಮಾತ್ರವಲ್ಲ, ಆರೋಗ್ಯ ಹಾಗೂ ಚರ್ಮಕ್ಕೂ ಅಷ್ಟೇ ಪ್ರಯೋಜನಕಾರಿಯಾಗಿದೆ. ಮಾರುಕಟ್ಟೆಯಿಂದ ತಂದ ಟೊಮೆಟೊಯನ್ನು ಹೆಚ್ಚು ದಿನಗಳವರೆಗೆ ಇಟ್ಟರೆ ಹಾಳಾಗುತ್ತದೆ. ಹೀಗಾಗಿ ಖಾದ್ಯಗಳ ರುಚಿ ಹೆಚ್ಚಿಸುವ ಟೊಮೆಟೊ ಹೆಚ್ಚು ದಿನಗಳ ಕಾಲ ತಾಜಾವಾಗಿ ಸಂಗ್ರಹಿಸಿಡುವುದು ಹೇಗೆ? ಈ ಕೆಲವು ಸಲಹೆಗಳನ್ನು ತಪ್ಪದೇ ಪಾಲಿಸಿ.
ಸಾಂದರ್ಭಿಕ ಚಿತ್ರ
ಭಾರತೀಯ ಅಡುಗೆಯಲ್ಲಿ ಟೊಮೆಟೊಗೆ ಅತ್ಯಗತ್ಯ ತರಕಾರಿಗಳಲ್ಲಿ ಒಂದಾಗಿದೆ. ಯಾವುದೇ ಖಾದ್ಯಗಳನ್ನು ಮಾಡಲಿ, ಟೊಮೆಟೊ ಹಾಕಿದರೆ ರುಚಿಯೇ ಹೆಚ್ಚು. ಅದಲ್ಲದೇ ಅಡುಗೆಯಲ್ಲಿ ಮಾತ್ರವಲ್ಲದೆ ಸಲಾಡ್‌ಗಳು, ಸ್ಯಾಂಡ್‌ವಿಚ್‌ಗಳು, ಬರ್ಗರ್‌ಗಳು, ಪಿಜ್ಜಾಗಳ ತಯಾರಿಕೆಯಲ್ಲಿ ಈ ಟೊಮೆಟೊವನ್ನು ಹೇರಳವಾಗಿ ಬಳಸಲಾಗುತ್ತದೆ. ಆದರೆ ತರಕಾರಿಯನ್ನು ಸಂಗ್ರಹಿಸಿಡುವುದು ಕಷ್ಟದ ಕೆಲಸ. ಶೇಖರಿಸಿಡುವಾಗ ಸ್ವಲ್ಪ ವ್ಯತ್ಯಾಸವಾದರೂ ಕೂಡ ಟೊಮೊಟೊ ಬೇಗನೆ ಹಾಳಾಗುತ್ತದೆ. ಹಾಗಾದ್ರೆ ಈ ತರಕಾರಿಯನ್ನು ಬಹಳ ದಿನಗಳವರೆಗೆ ಕೆಡದಂತೆ ಕಾಪಾಡಲು ಈ ಕೆಲವು ವಿಧಾನಗಳನ್ನು ಅನುಸರಿಸುವುದು ಉತ್ತಮ.
- ಮಾರುಕಟ್ಟೆಯಿಂದ ಟೊಮೆಟೊ ತಂದ ನಂತರ ತೊಳೆದು ಫ್ರಿಡ್ಜ್ ನಲ್ಲಿ ಇಡುವುದನ್ನು ಆದಷ್ಟು ತಪ್ಪಿಸಿ. ಹೆಚ್ಚು ತೇವವಾಗಿದ್ದರೆ ಚೆನ್ನಾಗಿ ಒರೆಸಿ, ನಂತರ ಫ್ರಿಡ್ಜ್ ನಲ್ಲಿ ಇರಿಸುವುದು ಉತ್ತಮ.
- ಉಳಿದ ತರಕಾರಿಗಳೊಂದಿಗೆ ಟೊಮೆಟೊ ಇಡಬೇಡಿ. ಉಳಿದ ತರಕಾರಿ ತೂಕದಿಂದ ಟೊಮೆಟೊ ಅಪ್ಪಚ್ಚಿ ಆಗುತ್ತದೆ. ಅದಲ್ಲದೇ ಉಳಿದ ಹಣ್ಣುಗಳು ಹಾಗೂ ತರಕಾರಿಗಳೊಂದಿಗೆ ಇಟ್ಟರೆ ಕೊಳೆತು ಹೋಗುವ ಸಾಧ್ಯತೆಯೂ ಹೆಚ್ಚಿರುತ್ತದೆ.
- ಫ್ರಿಜ್ ನಲ್ಲಿ ಟೊಮೆಟೊಗಳನ್ನು ಸಂಗ್ರಹಿಸಿಡುವಾಗ ಪೇಪರ್ ನಲ್ಲಿ ಸುತ್ತಿಡುವುದನ್ನು ಮರೆಯಬೇಡಿ. ಈ ರೀತಿ ಇಟ್ಟರೆ ತೇವಾಂಶವು ಶುಷ್ಕವಾಗಿದ್ದು, ಹೆಚ್ಚು ದಿನಗಳವರೆಗೆ ಫ್ರೆಶ್ ಆಗಿರಲು ಸಾಧ್ಯ.
- ಟೊಮೆಟೊಗಳನ್ನು ಅರಿಶಿನ ನೀರಿನಲ್ಲಿ ತೊಳೆಯುವ ಅಭ್ಯಾಸವಿರಲಿ. ಮಾರುಕಟ್ಟೆಯಿಂದ ತಂದ ಟೊಮೆಟೊವನ್ನು ಅರಿಶಿನ ನೀರಿನಲ್ಲಿ ತೊಳೆದು ಒಣಗಿಸಿ. ಹೀಗೆ ಮಾಡಿದ್ರೆ ಟೊಮೆಟೊ ತಾಜಾತನದಿಂದ ಕೂಡಿರುತ್ತದೆ.
- ಟೊಮೆಟೊಗಳನ್ನು ಪ್ಲಾಸ್ಟಿಕ್ ಚೀಲಗಳಲ್ಲಿ ಸಂಗ್ರಹಿಸಿಡಬೇಡಿ. ಅವುಗಳು ತೇವಾಂಶವನ್ನು ಹಿಡಿದಿಟ್ಟುಕೊಳ್ಳುವ ಕಾರಣ ಟೊಮಾಟೊವು ತ್ವರಿತವಾಗಿ ಕೊಳೆಯಬಹುದು. ಹೀಗಾಗಿ ಟೊಮಾಟೊಗಳನ್ನು ಪ್ಲಾಸ್ಟಿಕ್ ಚೀಲದ ಬದಲಿಗೆ ಗಾಳಿಯಾಡದ ಪಾತ್ರೆಗಳಲ್ಲಿ, ಬುಟ್ಟಿಯಲ್ಲಿ ಸಂಗ್ರಹಿಸಿಡುವುದು ಉತ್ತಮ.
- ಅಡುಗೆಗೆ ಬಳಸುವಾಗ ಹೆಚ್ಚು ಹಣ್ಣಾಗಿರುವ ಟೊಮೆಟೋವನ್ನು ಮೊದಲು ಬಳಸಿ. ಮಾಗಿದ ಟೊಮೆಟೊಗಳಿದ್ದರೆ ಫ್ರಿಡ್ಜ್ ನಲ್ಲಿ ಸಂಗ್ರಹಿಸಿಡಿ.
- ಟೊಮೆಟೊಗಳು ಹೆಚ್ಚು ದಿನಗಳವರೆಗೆ ತಾಜಾವಾಗಿರಿಸಲು ಕಾಂಡದ ಬದಿಯನ್ನು ಕೆಳಗೆ ಇರಿಸಿ. ಅದಲ್ಲದೇ, ಸೂರ್ಯನ ಬೆಳಕಿನಿಂದ ದೂರ ಇರಿಸುವುದು ಅಷ್ಟೇ ಮುಖ್ಯ.
- ಟೊಮೆಟೊ ಖರೀದಿಸುವಾಗ ಹಸಿರು ಬಣ್ಣವಿರುವ, ಸರಿಯಾಗಿ ಹಣ್ಣಾಗಿರದ ಟೊಮೆಟ್ಯೋ ಖರೀದಿಸಿ, ಇದು ದೀರ್ಘಕಾಲದವರೆಗೆ ಫ್ರೆಶ್ ಆಗಿರಲು ಸಾಧ್ಯ.
- ಹೆಚ್ಚು ಹಣ್ಣಾದ ಟೊಮೆಟೊಗಳನ್ನು ಖರೀದಿಸಿದ್ದರೆ ಅವುಗಳನ್ನು ಪ್ಯೂರಿ ತಯಾರಿಸಿ ಸಂಗ್ರಹಿಸಿಟ್ಟರೆ ಉತ್ತಮ. ಮಾರುಕಟ್ಟೆಯಿಂದ ತಂದ ಟೊಮೆಟೊಗಳನ್ನು ಸರಿಯಾಗಿ ಸ್ವಚ್ಛಗೊಳಿಸಿ. ಆ ಬಳಿಕ ತುಂಡುಗಳಾಗಿ ಕತ್ತರಿಸಿ ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿ ಪ್ಯೂರಿ ತಯಾರಿಸಿಕೊಳ್ಳಿ. ಇದನ್ನು ಗಾಳಿಯಾಡದ ಕಂಟೇನರ್‌ನಲ್ಲಿ ಹಾಕಿ ಫ್ರಿಡ್ಜ್ ನಲ್ಲಿಟ್ಟು ಬಳಸಬಹುದು.
ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ